1 ਦਿਨ ਵਿੱਚ ਬਦਲੀਆਂ ਦੀਆਂ ਜਾਰੀ ਹੋਈਆਂ 2 ਲਿਸਟਾਂ
ਹਰਿੰਦਰ ਨਿੱਕਾ , ਬਰਨਾਲਾ 7 ਜਨਵਰੀ 2021
ਜਿਲ੍ਹਾ ਪੁਲਿਸ ਅੰਦਰ ਅੱਜ 3 ਐਸ.ਐਚ.ਉਜ ਦੀਆਂ ਬਦਲੀਆਂ ਕਰ ਦਿੱਤੀਆਂ ਗਈਆਂ ਹਨ। ਹੈਰਾਨੀ ਦੀ ਗੱਲ ਉਦੋਂ ਸਾਹਮਣੇ ਆਈ ਜਦੋਂ ਐਸ.ਐਚ.ਉਜ ਦੀਆਂ ਬਦਲੀਆਂ ਸਬੰਧੀ ਇੱਕ ਦਿਨ ਵਿੱਚ ਹੀ ਥੋੜੇ ਥੋੜੇ ਵਕਫੇ ਬਾਅਦ 2 ਲਿਸਟਾਂ ਜਾਰੀ ਕਰ ਦਿੱਤੀਆਂ। ਪਹਿਲੀ ਤੇ ਦੂਜੀ ਲਿਸਟ ਵਿੱਚ ਥਾਣਾ ਸਦਰ ਬਰਨਾਲਾ ਦੇ ਤਤਕਾਲੀ ਐਸ.ਐਚ.ਉ. ਬਲਜੀਤ ਸਿੰਘ ਢਿੱਲੋਂ ਦੀ ਬਦਲੀ ਦੋਵਾਂ ਲਿਸਟਾਂ ਵਿੱਚ ਵੱਖ ਵੱਖ ਥਾਂ ਤੇ ਕੀਤੀ ਗਈ। ਜਦੋਂ ਕਿ ਮਹਿਲ ਕਲਾਂ ਦੀ ਐਸ.ਐਚ.ਉ. ਜਸਵਿੰਦਰ ਕੌਰ ਨੂੰ ਹੁਣ ਫਿਰ ਤੋਂ ਵੂਮੈਨ ਸੈਲ ਦੀ ਕਮਾਨ ਸੰਭਾਲ ਦਿੱਤੀ ਹੈ। ਪਹਿਲੀ ਸੂਚੀ:-
ਹਾਲੀਆ ਹੋਈਆਂ ਬਦਲੀਆਂ ਸਬੰਧੀ ਜਾਰੀ ਸੂਚੀ ਅਨੁਸਾਰ ਥਾਣਾ ਸਦਰ ਬਰਨਾਲਾ ਦੇ ਐਸ.ਐਚ.ਉ. ਬਲਜੀਤ ਸਿੰਘ ਢਿੱਲੋਂ ਨੂੰ ਪੁਲਿਸ ਲਾਈਨ ਬਦਲਿਆ ਗਿਆ ਹੈ। ਜਦੋਂ ਕਿ ਜਸਵਿੰਦਰ ਕੌਰ ਦੀ ਥਾਂ ਮਹਿਲ ਕਲਾਂ ਦਾ ਐਸ.ਐਚ.ਉ. ਅਮਰੀਕ ਸਿੰਘ ਨੂੰ ਅਤੇ ਧਨੌਲਾ ਦੇ ਐਸ.ਐਚ.ਉ. ਕੁਲਦੀਪ ਸਿੰਘ ਨੂੰ ਬਦਲ ਕੇ ਫਿਰ ਤੋਂ ਉਸ ਦੀ ਪਹਿਲੀ ਥਾਂ ਸੀ.ਆਈ.ਏ. ਤਾਇਨਾਤ ਕੀਤਾ ਗਿਆ ਹੈ। ਉਨਾਂ ਦੀ ਥਾਂ ਤੇ ਇੰਸਪੈਕਟਰ ਵਿਜੇ ਕੁਮਾਰ ਨੂੰ ਲਗਾਇਆ ਗਿਆ ਹੈ। ਇਸੇ ਤਰਾਂ ਥਾਣਾ ਸਦਰ ਬਰਨਾਲਾ ਦੇ ਐਸ.ਐਚ.ਉ. ਬਲਜੀਤ ਸਿੰਘ ਦੀ ਥਾਂ ਤੇ ਜੱਗਾ ਰਾਮ ਨੂੰ ਐਸ.ਐਚ.ਉ. ਸਦਰ ਬਰਨਾਲਾ ਲਾਇਆ ਗਿਆ ਹੈ। ਦੂਜੀ ਜਾਰੀ ਸੂੂਚੀ:-
ਜਿਕਰਯੋਗ ਹੈ ਕਿ ਅੱਜ ਹੀ ਜਾਰੀ ਪਹਿਲੀ ਲਿਸਟ ਵਿੱਚ ਥਾਣਾ ਸਦਰ ਬਰਨਾਲਾ ਦੇ ਐਸ.ਐਚ.ਉ. ਬਲਜੀਤ ਸਿੰਘ ਢਿੱਲੋਂ ਨੂੰ ਥਾਣਾ ਧਨੌਲਾ ਅਤੇ ਧਨੌਲਾ ਵਿਖੇ ਤਾਇਨਾਤ ਇੰਸਪੈਕਟਰ ਵਿਜੇ ਕੁਮਾਰ ਨੂੰ ਮਹਿਲ ਕਲਾਂ ਲਾਇਆ ਗਿਆ ਸੀ। ਜਦੋਂ ਕਿ ਥਾਣਾ ਮਹਿਲ ਕਲਾਂ ਦੇ ਹੁਣ ਤਾਇਨਾਤ ਐਸ.ਐਚ.ਉ. ਨੂੰ ਪਹਿਲੀ ਲਿਸਟ ਵਿੱਚ ਕੋਈ ਥਾਂ ਨਹੀਂ ਮਿਲੀ ਸੀ। ਇੱਕ ਦਿਨ ਵਿੱਚ ਹੀ ਦੋ ਵਾਰ ਹੋਈਆਂ ਬਦਲੀਆਂ ਨੇ ਇੱਕ ਵਾਰ ਸਾਫ ਕਰ ਦਿੱਤਾ ਹੈ ਕਿ ਐਸ.ਐਚ.ਉਜ ਦੀਆਂ ਬਦਲੀਆਂ ਜਿਲ੍ਹਾ ਪੁਲਿਸ ਕਪਤਾਨ ਦੀ ਮਰਜੀ ਨਾਲ ਨਹੀ, ਸਗੋਂ ਕਿਸੇ ਰਾਜਸੀ ਦਬਾਅ ਅਨੁਸਾਰ ਹੀ ਕੀਤੀਆਂ ਜਾਂਦੀਆਂ ਹਨ। ਇੱਕ ਦਿਨ ਵਿੱਚ ਜਾਰੀ ਦੋਵੇਂ ਲਿਸਟਾਂ ਹੀ ਜਿਲਾ ਪੁਲਿਸ ਕਪਤਾਨ ਵੱਲੋਂ ਕੀਤੀਆਂ ਗਈਆਂ ਹਨ।
