ਕੇਜਰੀਵਾਲ ਦੀ ਪਤਨੀ ਸੁਨੀਤਾ ਕੇਜ਼ਰੀਵਾਲ ਨੇ ਪਬਲਿਕ ਲਈ ਜ਼ਾਰੀ ਕੀਤਾ ਵਟਸਅੱਪ ਨੰਬਰ..
ਹਰਿੰਦਰ ਨਿੱਕਾ, ਬਰਨਾਲਾ 29 ਮਾਰਚ 2024
ਲੋਕ ਸਭਾ ਦੀਆਂ ਚੋਣਾਂ ਸਿਰ ਤੇ ਹਨ ‘ਤੇ ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜ਼ਰੀਵਾਲ ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ ਕੈਦ..! ਅਜਿਹੀ ਮੁਸ਼ਿਕਲ ਘੜੀ ਦਾ ਸਾਹਮਣਾ ਕਰਨ ਲਈ ਅਤੇ ਉਲਟ ਹਾਲਤਾਂ ਦੇ ਬਾਵਜੂਦ ਵੀ ਪਾਰਟੀ ਨੂੰ ਹੋਰ ਮਜਬੂਤੀ ਪ੍ਰਦਾਨ ਕਰਨ ਲਈ, ਕੇਜ਼ਰੀਵਾਲ ਅਤੇ ਉਸ ਦੀ ਪਾਰਟੀ ਨੇ ਇਸ ਗਿਰਫਤਾਰੀ ਨੂੰ ਹੀ ਪ੍ਰਚਾਰ ਦਾ ਸਾਧਨ ਬਦਲਣ ਲਈ, ਬਕਾਇਦਾ ਰਣਨੀਤੀ ਤਿਆਰ ਕਰਕੇ,ਉਸ ਨੂੰ ਹੁਣੇ- ਹੁਣੇ ਲਾਗੂ ਵੀ ਕਰ ਦਿੱਤਾ।
ਕੇਜਰੀਵਾਲ ਲਈ ਹਮਦਰਦੀ ਬਟੋਰਨ ਅਤੇ ਉਨ੍ਹਾਂ ਦੀ ਗਿਰਫਤਾਰੀ ਦੇ ਵਿਰੋਧ ਵਿੱਚ ਲੋਕ ਲਹਿਰ ਬਣਾਉਣ ਦੀ ਮੰਸ਼ਾ ਨਾਲ ਇੱਕ ਵਟਸਅੱਪ ਨੰਬਰ ਉਨ੍ਹਾਂ ਦੀ ਪਤਨੀ ਵੱਲੋਂ ਇੱਕ ਮੋਬਾਇਲ ਨੰਬਰ-8297324624 ਜ਼ਾਰੀ ਕੀਤਾ ਗਿਆ ਹੈ। ਇਹ ਨੰਬਰ ਜ਼ਾਰੀ ਕਰਦਿਆਂ ਸੁਨੀਤਾ ਕੇਜ਼ਰੀਵਾਲ ਨੇ ਇੱਕ ਬੇਹੱਦ ਭਾਵੁਕ ਅਪੀਲ ਕਰਦਿਆਂ, ਲੋਕਾਂ ਨੂੰ ਵੱਧ ਤੋਂ ਵੱਧ ਮੈਸੇਜ ਭੇਜਣ ਲਈ ਕਿਹਾ ਗਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਲੋਕਾਂ ਵੱਲੋਂ ਭੇਜਿਆ ਹਰ ਮੈਸੇਜ ਜੇਲ੍ਹ ਬੰਦ ਕੇਜਰੀਵਾਲ ਤੱਕ ਪੁੱਜਦਾ ਕਰਨਗੇ।
ਮੈਸੇਜ ਕੰਪੇਨ ਦਾ ਨਾਮ- ” CM Arvind Kejriwal ਨੂੰ ਆਸ਼ੀਰਵਾਦ ਦਿਉ “…
ਮੈਸੇਜ਼ ਭੇਜਣ ਤੋਂ ਤੁੰਰਤ ਬਾਅਦ ਹੀ ਸੁਨੀਤਾ ਕੇਜਰੀਵਾਲ ਦਾ ਜਵਾਬੀ ਮੈਸੇਜ ਆਉਂਦਾ ਹੈ, ਤੁਹਾਡਾ ਕੇਜਰੀਵਾਲ ਲਈ ਭੇਜਿਆ ਮੈਸਜ ਮਿਲ ਗਿਆ ਹੈ। ਇਸ ਲਈ ਦਿਲ ਤੋਂ ਧੰਨਵਾਦ। ਮੈਂ ਉਨਾਂ ਯਾਨੀ ਕੇਜਰੀਵਾਲ ਨੂੰ ਤੁਹਾਡਾ ਮੈਸਜ ਪੜ੍ਹਾ ਕੇ, ਤੁਹਾਨੂੰ ਸੂਚਿਤ ਕਰਾਂਗੀ। ਸੁਨੀਤਾ ਕੇਜ਼ਰੀਵਾਲ…
