ਇੱਕ ਤੋਂ ਬਾਅਦ ਫਿਰ ਦੂਜਾ ਪਰਚਾ ਕੀਤਾ ਦਰਜ..
ਹਰਿੰਦਰ ਨਿੱਕਾ, ਬਰਨਾਲਾ 22 ਫਰਵਰੀ 2024
ਥਾਣਾ ਸਿਟੀ 2 ਬਰਨਾਲਾ ਦੀ ਪੁਲਿਸ ਨੇ ਡਾਕੇ ਦੀ ਯੋਜਨਾ ਫੇਲ ਕਰਦਿਆਂ ਦੋਸ਼ੀਆਂ ਨੂੰ ਗਿਰਫਤਾਰ ਕਰਕੇ, ਉਨਾਂ ਦੇ ਕਬਜੇ ਵਿੱਚੋਂ ਮਾਰੂ ਹਥਿਆਰ ਵੀ ਬਰਾਮਦ ਕਰ ਲਏ ਹਨ। ਥਾਣਾ ਸਿਟੀ 2 ਬਰਨਾਲਾ ਵਿਖੇ ਤਾਇਨਾਤ ਏ.ਐਸ.ਆਈ. ਕੁਲਦੀਪ ਸਿੰਘ ਅਨੁਸਾਰ, ਉਸ ਨੂੰ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਟਰਾਈਡੈਂਟ ਵੈਕਟਰੀ ਦੀ ਬੈਕਸਾਈਡ, ਨੇੜੇ ਰੇਲਵੇ ਟਰੈਕ ਬਰਨਾਲਾ ਪਾਸ ਸੂਰਜ ਕੁਮਾਰ, ਰਵੀ ਕੁਮਾਰ ਦੋਵੇਂ ਪੁੱਤਰ ਅਜੀਤ ਕੁਮਾਰ ਵਾਸੀ ਸੇਖਾ ਰੋਡ ਬਰਨਾਲਾ, ਯੁੱਧਵੀਰ ਉਰਫ ਛੋਟਾ ਢੋਲੀ ਪੁੱਤਰ ਬਿੱਲੂ ਸਿੰਘ ਵਾਸੀ ਨੇੜੇ ਅੰਡਰ ਬ੍ਰਿਜ ਧਨੌਲਾ ਰੋਡ ਬਰਨਾਲਾ, ਸਾਹਿਲ ਪੁੱਤਰ ਹਰਿੰਦਰ ਸਿੰਘ ਵਾਸੀ ਜੁੱਤੀਆ ਵਾਲਾ ਮੋਰਚਾ ਬਰਨਾਲਾ ਅਤੇ ਜਸਪ੍ਰੀਤ ਸਿੰਘ ਉਰਫ ਜੱਸੀ ਪੁੱਤਰ ਸਰਬਜੀਤ ਸਿੰਘ ਵਾਸੀ ਕਲਿਆਣ ਅਨੇ ਇੱਕ ਗਿਰੋਹ ਬਣਾਇਆ ਹੋਇਆ ਹੈ।
ਜਿਹੜੇ ਲੁੱਟਾਂ ਖੋਹਾਾਂ ਕਰਦੇ ਹਨ। ਇਹ ਸਾਰੇ ਆਪਣੇ ਮਾਰੂ ਹਥਿਆਰਾਂ ਸਣੇ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਤਾਕ ਵਿੱਚ ਹਨ। ਸੂਚਨਾ ਭਰੋਸੇਯੋਗ ਹੋਣ ਕਾਰਣ, ਨਾਮਜਦ ਦੋਸ਼ੀਆਂ ਖਿਲਾਫ ਪੁਲਿਸ ਨੇ ਅਧੀਨ ਜੁਰਮ 399/ 402 ਆਈਪੀਸੀ ਤਹਿਤ ਥਾਣਾ ਸਿਟੀ 2 ਬਰਨਾਲਾ ਵਿਖੇ ਕੇਸ ਦਰਜ ਕਰਕੇ, ਦੱਸੀ ਗਈ ਥਾਂ ਤੇ ਰੇਡ ਕਰਕੇ, ਉਕਤ ਨਾਮਜਦ ਦੋਸ਼ੀਆਂ ਨੂੰ 2 ਲੋਹੇ ਦੀਆਂ ਰਾਡਾਂ,2 ਬੇਸਬਾਲ ਅਤੇ ਇੱਕ ਸੋਟੀ ਸਮੇਤ ਗਿਰਫਤਾਰ ਕਰ ਲਿਆ।
