ਟੁੱਟੀ ਰਿਸ਼ਤਿਆਂ ਦੀ ਤੰਦ: ਮਾਸੀ ਦੇ ਮੁੰਡੇ ਨੇ ਭੈਣ ਨਾਲ ਟੱਪੀਆਂ ਸ਼ਰਮ ਦੀਆਂ ਹੱਦਾਂ..!
ਹਰਿੰਦਰ ਨਿੱਕਾ, ਪਟਿਆਲਾ 13 ਮਾਰਚ 2026
ਇੱਕ ਅਜਿਹੀ ਘਟਨਾ, ਜਿਸ ਨੇ ਖੂਨ ਦੇ ਰਿਸ਼ਤਿਆਂ ਦੀ ਮਾਹੀਨ ਤੰਦ ਤੇ ਭਰੋਸਾ ਦੋਵੇਂ ਹੀ ਤੋੜ ਦਿੱਤੇ। ਕੌੜਾ ਸੱਚ ਇਹੋ ਹੈ ਕਿ ਰਿਸ਼ਤੇ ਅਤੇ ਵਿਸ਼ਵਾਬ ਹੁਣ ਸਿਰਫ਼ ਨਾਮ ਦੇ ਰਹਿ ਗਏ ਹਨ? ਲੜਕੀਆਂ ਆਪਣੇ ਹੀ ਘਰ ਵਿੱਚ ਸੁਰੱਖਿਅਤ ਨਹੀਂ ? ਪਟਿਆਲਾ ਪੁਲਿਸ ਖੇਤਰ ਵਿੱਚ ਵਾਪਰੀਆਂ ਦੋ ਵੱਖ-ਵੱਖ ਘਟਨਾਵਾਂ ਨੇ ਅਜਿਹੇ ਕਈ ਸਵਾਲ ਖੜ੍ਹੇ ਕਰ ਦਿੱਤੇ ਹਨ, ਜਿਨ੍ਹਾਂ ਨੂੰ ਸੁਣ ਕੇ ਕਿਸੇ ਵੀ ਸੰਵੇਦਨਸ਼ੀਲ ਇਨਸਾਨ ਦੀ ਰੂਹ ਕੰਬ ਜਾਵੇਗੀ। ਇੱਕ ਪਾਸੇ, ਜਿੱਥੇ ਇੱਕ ਮਾਸੀ ਦੇ ਪੁੱਤ ਨੇ “ਭੈਣ-ਭਰਾ” ਦੇ ਪਵਿੱਤਰ ਅਤੇ ਵਿਸ਼ਵਾਸ ਨਾਲ ਭਰੇ ਰਿਸ਼ਤੇ ਦਾ ਬੇਰਹਿਮੀ ਨਾਲ ੳਸੇ ਘਰ ਵਿੱਚ ਕਤਲ ਕਰ ਦਿੱਤਾ। ਜਿਹੜੇ ਘਰ ਵਿੱਚ,ਉਸ ਨੂੰ ਠਹਿਰ ਮਿਲੀ ਸੀ, ਦੋਸ਼ੀ ਨੇ ਆਪਣੀ ਮਸੇਰੀ ਭੈਣ ਦਾ ਜਿਸਮਾਨੀ ਸੋਸਣ ਕਰਕੇ, ਪਾਕੀਜਗੀ ਭਰੇ ਰਿਸ਼ਤੇ ਨੂੰ ਕਲੰਕਿਤ ਕਰ ਦਿੱਤਾ। ਦੂਜੇ ਪਾਸੇ, ਇੱਕ ਪਿਉ ਆਪਣੀ 21 ਸਾਲਾ ਧੀ ਨੂੰ ਸਹੀ-ਸਲਾਮਤ ਸੈਲੂਨ ਵਿੱਚ ਕੰਮ ‘ਤੇ ਛੱਡ ਕੇ ਆਇਆ, ਪਰ ਸ਼ਾਮ ਤੱਕ ਉਹ ਘਰ ਨਹੀਂ ਪਰਤੀ। ਸ਼ੱਕ ਇਹ ਹੈ ਕਿ ਉਸ ਨੂੰ ਗੈਰ-ਕਾਨੂੰਨੀ ਤਰੀਕੇ ਨਾਲ ਕੈਦ ਕਰਕੇ ਰੱਖਿਆ ਗਿਆ ਹੈ। ਆਖਿਰ ਕਿਵੇਂ ਖੂਨ ਦੇ ਰਿਸ਼ਤੇ ਦਰਿੰਦਗੀ ਵਿੱਚ ਬਦਲ ਗਏ? ਅਤੇ ਕੌਣ ਹਨ ਉਹ ਲੋਕ ਜਿਨ੍ਹਾਂ ਨੇ ਇੱਕ ਮੁਟਿਆਰ ਦੀ ਆਜ਼ਾਦੀ ਖੋਹ ਲਈ?
ਘਰ ਵਿੱਚ ਹੀ ਪਨਾਹ ਲੈਣ ਵਾਲਾ ਮਾਸੀ ਦਾ ਪੁੱਤ ਨਿਕਲਿਆ ਦਰਿੰਦਾ
ਪਟਿਆਲਾ ਜਿਲ੍ਹੇ ਦੇ ਥਾਣਾ ਜੁਲਕਾ ਅਧੀਨ ਆਉਂਦੇ ਇਲਾਕੇ ਵਿੱਚ ਰਿਸ਼ਤਿਆਂ ਦੀ ਮਰਿਆਦਾ ਉਸ ਵੇਲੇ ਤਾਰ-ਤਾਰ ਹੋ ਗਈ, ਜਦੋਂ ਇੱਕ ਮਾਸੀ ਦੇ ਪੁੱਤ ਨੇ ਆਪਣੀ ਹੀ ਭੈਣ ਦੇ ਵਿਸ਼ਵਾਸ ਨੂੰ ਜਿਸਮਾਨੀ ਸੋਸਣ ਦੀ ਭੇਂਟ ਚੜ੍ਹਾ ਦਿੱਤਾ।
-
ਦੋਸ਼ੀ ਦੀ ਪਛਾਣ: ਗੁੱਡੂ ਕੁਮਾਰ ਪੁੱਤਰ ਕਿਸ਼ਨੰਦਨ (ਵਾਸੀ ਰਾ-ਬਰਾੜੀ, ਜ਼ਿਲ੍ਹਾ ਸੀਤਾਮੜੀ, ਬਿਹਾਰ; ਹਾਲ ਵਾਸੀ ਰੋਸ਼ਨਪੁਰ ਝੂੰਗੀਆਂ, ਥਾਣਾ ਜੁਲਕਾ)।
-
ਵਾਰਦਾਤ ਦਾ ਵੇਰਵਾ: ਦੋਸ਼ੀ ਪੀੜਤ ਕੁੜੀ ਦਾ ਮਾਸੀ ਦਾ ਲੜਕਾ ਹੈ ਅਤੇ ਉਸੇ ਦੇ ਘਰ ਰਹਿ ਰਿਹਾ ਸੀ। 22 ਜਨਵਰੀ 2026 ਦੀ ਰਾਤ ਜਦੋਂ ਪੀੜਤਾ ਬਾਥਰੂਮ ਜਾਣ ਲਈ ਉੱਠੀ, ਤਾਂ ਗੁੱਡੂ ਨੇ ਉਸ ਨੂੰ ਵਿਆਹ ਦਾ ਝਾਂਸਾ ਦੇ ਕੇ ਉਸ ਨਾਲ ਸਰੀਰਕ ਸਬੰਧ ਬਣਾਏ। ਇਸ ਤੋਂ ਬਾਅਦ ਉਹ 18 ਫਰਵਰੀ ਨੂੰ ਕੁੜੀ ਨੂੰ ਵਰਗਲਾ ਕੇ ਪੰਜਾਬ ਤੋਂ ਮੁੰਬਈ ਭਜਾ ਲੈ ਗਿਆ।
-
ਕਲਿਆਣ ਸਟੇਸ਼ਨ ‘ਤੇ ਖੁੱਲ੍ਹਿਆ ਭੇਤ: 21 ਫਰਵਰੀ ਨੂੰ ਕਲਿਆਣ ਰੇਲਵੇ ਸਟੇਸ਼ਨ (MUMBAI) ਦੇ ਸਟੇਸ਼ਨ ਮਾਸਟਰ ਨੇ ਸ਼ੱਕ ਪੈਣ ‘ਤੇ ਪੁੱਛਗਿੱਛ ਕੀਤੀ ਅਤੇ ਮਾਮਲਾ ਪੁਲਿਸ ਹਵਾਲੇ ਕਰ ਦਿੱਤਾ।
-
ਦਰਜ ਕੇਸ: ਪੁਲਿਸ ਨੇ FIR No. 28 (12-03-26) ਤਹਿਤ BNS ਦੀਆਂ ਧਾਰਾਵਾਂ 64(1), 64(2)(i) ਅਤੇ POCSO Act ਦੀਆਂ ਧਾਰਾਵਾਂ 4, 8, 12 ਅਧੀਨ ਕੇਸ ਦਰਜ ਕੀਤਾ ਹੈ।
ਸੈਲੂਨ ਗਈ ਮੁਟਿਆਰ ਵਾਪਸ ਨਾ ਮੁੜੀ…
ਦੂਜੇ ਮਾਮਲੇ ਵਿੱਚ, ਸਿਵਲ ਲਾਈਨ ਪਟਿਆਲਾ ਦੀ ਪੁਲਿਸ ਨੇ ਇੱਕ 21 ਸਾਲਾ ਮੁਟਿਆਰ ਨੂੰ ਨਜਾਇਜ਼ ਤੌਰ ‘ਤੇ ਕੈਦ ਕਰਕੇ ਰੱਖਣ ਦੇ ਇਲਜ਼ਾਮ ਵਿੱਚ ਮਾਮਲਾ ਦਰਜ ਕੀਤਾ ਹੈ।
-
ਦੋਸ਼ੀ: ਰਮਨਦੀਪ ਸਿੰਘ ਪੁੱਤਰ ਧਰਮਿੰਦਰ ਸਿੰਘ (ਵਾਸੀ ਅਬਲੋਵਾਲ), ਜੋਨੀ ਪੁੱਤਰ ਕਰਨੈਲ ਸਿੰਘ (ਵਾਸੀ ਅਬਲੋਵਾਲ) ਅਤੇ ਕੁਝ ਹੋਰ ਅਣਪਛਾਤੇ ਵਿਅਕਤੀ।
-
ਕੀ ਹੈ ਮਾਮਲਾ? ਪੀੜਤ ਲੜਕੀ ਦੇ ਪਿਤਾ ਨੇ ਦੱਸਿਆ ਕਿ ਉਹ 8 ਮਾਰਚ 2026 ਨੂੰ ਆਪਣੀ ਬੇਟੀ ਨੂੰ ਸੈਲੂਨ ਛੱਡ ਕੇ ਆਇਆ ਸੀ, ਪਰ ਉਹ ਸ਼ਾਮ ਤੱਕ ਘਰ ਨਹੀਂ ਪਰਤੀ। ਭਾਲ ਕਰਨ ‘ਤੇ ਪਤਾ ਲੱਗਾ ਕਿ ਉਕਤ ਦੋਸ਼ੀਆਂ ਨੇ ਉਸ ਨੂੰ ਗੈਰ-ਕਾਨੂੰਨੀ ਤਰੀਕੇ ਨਾਲ ਆਪਣੀ ਹਿਰਾਸਤ ਵਿੱਚ ਛੁਪਾ ਕੇ ਰੱਖਿਆ ਹੋਇਆ ਹੈ।
-
ਦਰਜ ਕੇਸ: ਪੁਲਿਸ ਨੇ FIR No. 67 (12-03-26) ਤਹਿਤ BNS ਦੀ ਧਾਰਾ 127(6) (ਗੈਰ-ਕਾਨੂੰਨੀ ਕੈਦ) ਅਧੀਨ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਕਿਉਂ ਦਰਜ ਕੀਤੀ ਜਾਂਦੀ ਹੈ ‘ਜ਼ੀਰੋ ਐਫ.ਆਈ.ਆਰ.’?
ਪਹਿਲੇ ਮਾਮਲੇ ਵਿੱਚ, ਜਦੋਂ ਘਟਨਾ ਪੰਜਾਬ ਦੀ ਸੀ ਪਰ ਮੁਲਜ਼ਮ ਮੁੰਬਈ ਵਿੱਚ ਫੜਿਆ ਗਿਆ, ਤਾਂ ਉੱਥੇ ਪੁਲਿਸ ਨੇ ਜ਼ੀਰੋ ਐਫ.ਆਈ.ਆਰ. (Zero FIR) ਦਰਜ ਕੀਤੀ।
-
ਕਾਰਣ: ਆਮ ਤੌਰ ‘ਤੇ FIR ਉਸੇ ਥਾਣੇ ਵਿੱਚ ਹੁੰਦੀ ਹੈ ਜਿੱਥੇ ਜੁਰਮ ਹੋਇਆ ਹੋਵੇ, ਪਰ ਜ਼ੀਰੋ FIR ਕਿਸੇ ਵੀ ਥਾਣੇ ਵਿੱਚ ਦਰਜ ਕਰਵਾਈ ਜਾ ਸਕਦੀ ਹੈ, ਚਾਹੇ ਜੁਰਮ ਉੱਥੇ ਹੋਇਆ ਹੋਵੇ ਜਾਂ ਨਾ।
-
ਮਕਸਦ: ਇਸ ਦਾ ਮੁੱਖ ਮਕਸਦ ਪੀੜਤ ਨੂੰ ਤੁਰੰਤ ਸਹਾਇਤਾ ਦੇਣਾ ਅਤੇ ਮਾਮਲੇ ਦੀ ਜਾਂਚ ਵਿੱਚ ਦੇਰੀ ਨੂੰ ਰੋਕਣਾ ਹੁੰਦਾ ਹੈ। ਬਾਅਦ ਵਿੱਚ ਇਸ FIR ਨੂੰ ਸਬੰਧਤ ਥਾਣੇ (ਜਿਵੇਂ ਮੁੰਬਈ ਤੋਂ ਜੁਲਕਾ) ਭੇਜ ਦਿੱਤਾ ਜਾਂਦਾ ਹੈ।
ਸਮਾਜਿਕ ਤੇ ਮਨੋਵਿਗਿਆਨਕ ਪਹਿਲੂ: ਰਿਸ਼ਤਿਆਂ ਦਾ ਘਾਣ
ਇਹ ਦੋਵੇਂ ਮਾਮਲੇ ਸਮਾਜ ਵਿੱਚ ਔਰਤਾਂ ਦੀ ਸੁਰੱਖਿਆ ਅਤੇ ਰਿਸ਼ਤਿਆਂ ਵਿੱਚ ਆਈ ਗਿਰਾਵਟ ਨੂੰ ਦਰਸਾਉਂਦੇ ਹਨ। ਖ਼ਾਸ ਕਰਕੇ ਮਾਸੀ ਦੇ ਪੁੱਤ ਵੱਲੋਂ ਆਪਣੀ ਭੈਣ ਨਾਲ ਅਜਿਹਾ ਕਰਨਾ ਰਿਸ਼ਤਿਆਂ ਦੇ ਪਵਿੱਤਰ ਤਾਣੇ-ਬਾਣੇ ਨੂੰ ਲੀਰੋ-ਲੀਰ ਕਰਦਾ ਹੈ। ਜਦੋਂ ਕੋਈ ਆਪਣਾ ਹੀ ਅਜਿਹੀ ਦਰਿੰਦਗੀ ‘ਤੇ ਉਤਰ ਆਵੇ, ਤਾਂ ਉਹ ਵਿਸ਼ਵਾਸ ਹਮੇਸ਼ਾ ਲਈ ਖ਼ਤਮ ਹੋ ਜਾਂਦਾ ਹੈ ਜੋ ਇੱਕ ਪਰਿਵਾਰ ਦੀ ਨੀਂਹ ਹੁੰਦਾ ਹੈ। ਇਹ ਸਾਨੂੰ ਸੋਚਣ ਲਈ ਮਜਬੂਰ ਕਰਦਾ ਹੈ ਕਿ ਜੇਕਰ ਘਰ ਦੇ ਅੰਦਰ ਹੀ ਧੀਆਂ ਸੁਰੱਖਿਅਤ ਨਹੀਂ, ਤਾਂ ਬਾਹਰਲੇ ਸਮਾਜ ਤੋਂ ਕੀ ਉਮੀਦ ਰੱਖੀ ਜਾ ਸਕਦੀ ਹੈ?
