ਡਿਪਟੀ ਕਮਿਸ਼ਨਰ ਫੂਲਕਾ ਨੇ ਦਿਖਾਈ ਹਰੀ ਝੰਡੀ,ਵੋਟ ਦੀ ਮਹੱਤਤਾ ਬਾਰੇ ਜਾਗਰੂਕ ਕਰੇਗੀ ਸਵੀਪ ਵੈਨ
ਰਵੀ ਸੈਣ , ਬਰਨਾਲਾ, 25 ਜਨਵਰੀ2021
ਜਿਲਾ ਚੋਣ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਬਰਨਾਲਾ ਸ. ਤੇਜ ਪ੍ਰਤਾਪ ਸਿੰਘ ਫੂਲਕਾ ਵੱਲੋਂ ਅੱਜ ਰਾਸ਼ਟਰੀ ਵੋਟਰ ਦਿਵਸ ਮੌਕੇ ਸਵੀਪ ਵੈਨ ਨੂੰ ਜ਼ਿਲਾ ਪ੍ਰਬੰਧਕੀ ਕੰਪਲੈਕਸ ਤੋਂ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ ਗਿਆ। ਇਸ ਮੌਕੇ ਜ਼ਿਲਾ ਚੋਣ ਅਫਸਰ ਨੇ ਦੱਸਿਆ ਕਿ ਆਮ ਜਨਤਾ ਨੂੰ ਵੋਟ ਦੀ ਮਹੱਤਤਾ ਤੋਂ ਜਾਣੂ ਕਰਵਾਉਣ ਲਈ ਇਹ ਸਵੀਪ ਵੈਨ ਵੀ ਚਲਾਈ ਗਈ ਹੈ। ਇਹ ਵੈਨ ਅੱਜ ਸ਼ਹਿਰ ਦੇ ਚਿੰਟੂ ਪਾਰਕ, ਰੇਲਵੇ ਸਟੇਸ਼ਨ, ਗੱਡਾ ਖਾਨਾ ਚੌਂਕ, ਬੱਸ ਸਟੈਂਡ ਅਤੇ ਐਸ.ਡੀ.ਕਾਲਜ ਬਰਨਾਲਾ ਨੇੜੇ ਇਲਾਕਿਆਂ ਵਿਚ ਲੋਕਾਂ ਨੂੰ ਵੋਟ ਦੀ ਮਹੱਤਤਾ ਬਾਰੇ ਜਾਗਰੂਕ ਕਰੇਗੀ। ਉਨ੍ਹਾਂ ਆਖਿਆ ਕਿ ਲੋਕਤੰਤਰ ਵਿਚ ਵੋਟ ਦਾ ਅਧਿਕਾਰ ਸਭ ਤੋਂ ਵੱਡੀ ਸ਼ਕਤੀ ਹੈ ਅਤੇ ਹਰ ਵਿਅਕਤੀ ਦਾ ਇਸ ਅਧਿਕਾਰ ਬਾਰੇ ਜਾਗਰੂਕ ਹੋਣਾ ਬਹੁਤ ਜ਼ਰੂਰੀ ਹੈ। ਇਸ ਮੌਕੇ ਸਹਾਇਕ ਕਮਿਸ਼ਨਰ (ਜ) ਸ੍ਰੀ ਅਸ਼ੋਕ ਕੁਮਾਰ, ਸ਼੍ਰੀ ਵਕੀਲ ਚੰਦ ਸਟੇਟ ਕੋਆਰਡੀਨੇਟਰ ਫਾਰ ਪੀ ਡਬਲਯੂ ਡੀ ਵੋਟਰ ਪੰਜਾਬ, ਮਿਸ ਚੇਤਨਾ ਸਿੰਗਲਾ ਜਿ਼ਲ੍ਹਾ ਸਵੀਪ ਆਈਕੋਨ ਬਰਨਾਲਾ, ਸ਼੍ਰੀ ਗੁਰਜੀਤ ਸਿੰਘ ਜਿ਼ਲ੍ਹਾ ਸਵੀਪ ਆਈਕੋਨ ਬਰਨਾਲਾ ਸਪੋਰਟਸ, ਸ਼੍ਰੀ ਰਮਨਦੀਪ ਸਿੰਘ ਜਿ਼ਲ੍ਹਾ ਸਵੀਪ ਆਈਕੋਨ ਸਪੋਰਟਸ,ਚੋਣ ਕਾਨੂੰਗੋ ਮਨਜੀਤ ਸਿੰਘ, ਪਰਮਜੀਤ ਕੌਰ, ਸ਼੍ਰੀ ਗੁਰਦੀਪ ਸਿੰਘ ਤੋਂ ਇਲਾਵਾ ਚੋਣ ਦਫ਼ਤਰ ਦਾ ਸਟਾਫ਼ ਵੀ ਹਾਜ਼ਰ ਸੀ।
