ਹਰਿੰਦਰ ਨਿੱਕਾ , ਬਰਨਾਲਾ 17 ਫਰਵਰੀ 2021
ਐਸ.ਐਸ.ਡੀ. ਕਾਲਜ ਦੀਆਂ 12ਵੀਆਂ ਸਲਾਨਾ ਖੇਡਾਂ ਦਿਨ ਵੀਰਵਾਰ ਨੂੰ ਕਾਲਜ ਕੈਂਪਸ ਵਿੱਖੇ ਹੋ ਰਹੀਆਂ ਹਨ। ਇਹ ਜਾਣਕਾਰੀ ਦਿੰਦੇ ਹੋਏ ਕਾਲਜ ਪ੍ਰਿੰਸੀਪਲ ਸ. ਲਾਲ ਸਿੰਘ ਜੀ ਨੂੰ ਦੱਸਿਆ ਕਿ ਇਸ ਅਥਲੈਟਿਕ ਮੀਟ ਵਿੱਚ ਐਸ.ਡੀ.ਸਭਾ (ਰਜਿ.) ਬਰਨਾਲਾ ਦੇ ਪੰਜ ਸਕੂਲ ਅਤੇ ਕਾਲਜ ਇੱਕਠੇ ਸ਼ਿਰਕਤ ਕਰਨਗੇ। ਉਹਨਾਂ ਨੇ ਇਸ ਪ੍ਰੋਗਰਾਮ ਨੂੰ ਯੋਗ ਅਗਵਾਈ ਦੇਣ ਲਈ ਵਾਇਸ ਪ੍ਰਿੰਸੀਪਲ ਸ਼੍ਰੀ ਭਾਰਤ ਭੂਸ਼ਨ, ਫਿਜੀਕਲ ਵਿਭਾਗ ਦੇ ਮੁਖੀ ਸ਼੍ਰੀ ਜਫ਼ਰ ਖਾਨ ਤੇ ਵੀਰਾਵਤੀ ਸੀਨੀਂ ਸੈਂਕ. ਸਕੂਲ ਦੇ ਪ੍ਰਿੰਸੀਪਲ ਸ. ਜਗਜੀਤ ਸਿੰਘ ਦੀ ਸੇਵਾਵਾਂ ਉਚੇਚੇ ਪੱਧਰ ਤੇ ਲਗਾਇਆ ਹੈ। ਖੇਡਾਂ ਵਿੱਚ 100 m, 200 m, 400 m, 800 m, 1500 m, ਲੰਬੀ ਛਾਲ, ਗੋਲਾ, ਡਿਸਕਲ, ਜੈਵਲਿਕ 4 x 100 m ਰਿਲੇਅ ਰੋਸ ਤੋਂ ਬਿਨ੍ਹਾਂ ਮਨੋਰੰਜਨ ਭਰਪੂਰ ਰੀ-ਕਰੀਏਸ਼ਨ ਗੇਮਾਂ ਵੀ ਕਰਵਾਈਆ ਜਾ ਰਹੀਆਂ ਹਨ।
ਐਸ. ਡੀ. ਸਭਾ ( ਰਜਿ.) ਬਰਨਾਲਾ ਦੇ ਜਨਰਲ ਸਕੱਤਰ ਸ੍ਰੀ ਸ਼ਿਵ ਦਰਸ਼ਨ ਕੁਮਾਰ ਸ਼ਰਮਾਂ ਜੀ ਨੇ ਕਿਹਾ ਕਿ ਕੋਵਿਡ-19 ਨੂੰ ਹਰਾਉਣ ਦੇ ਟੀਚੇ ਨਾਲ ਅਤੇ ਅਗਾਂਹਵਧੂ ਸੋਚ ਨੂੰ ਮੁੱਖ ਰੱਖਦਿਆਂ ਇਹ ਸਲਾਨਾ ਖੇਡਾਂ ਕਰਵਾਈਆ ਜਾਣ। ਸਿੱਖਿਆ ਨਿਰਦੇਸ਼ਕ ਸ੍ਰੀ ਸ਼ਿਵ ਸਿੰਗਲਾ ਨੇ ਕਿਹਾ ਕਿ ਖੇਡਾਂ ਤੰਦਰੁਸਤੀ ਦੀ ਨਿਸ਼ਾਨੀ ਹਨ ਤੇ ਇਹ ਨਿਰੋਗ ਸਮਾਜ ਦੀ ਸਿਰਜਨਾ ਲਈ ਇਸ ਤਰ੍ਹਾਂ ਦੇ ਸਮਾਗਮ ਨਿਰਵਿਘਨ ਹੁੰਦੇ ਰਹਿੰਣੇ ਚਾਹੀਦੇ ਹਨ।ਇਸ ਮੋਕੇ ਕਾਲਜ ਡੀਨ ਸ਼੍ਰੀ ਨੀਰਜ ਸਰਮਾਂ, ਕੋਅਰਡੀਨੇਟਰ ਸ਼੍ਰੀ ਮਨੀਸੀ ਦੱਤ ਸ਼ਰਮਾ, ਪ੍ਰੋ. ਸੁਨੀਤਾ ਗੋਇਲ ਅਤੇ ਪ੍ਰੋ. ਦਲਵੀਰ ਕੌਰ ਆਦਿ ਹਾਜਰ ਸਨ ।
