ਹਰਿੰਦਰ ਨਿੱਕਾ, ਬਰਨਾਲਾ 26 ਜਨਵਰੀ 2021
ਪਰਿਵਾਰਕ ਕਲੇਸ਼ ਤੋਂ ਦੁੱਖੀ ਹੋਇਆ ਪਿੰਡ ਖੁੱਡੀ ਕਲਾਂ।ਦਾ ਬਜੁਰਗ ਸੁਖਦੇਵ ਸਿੰਘ ਗਣਤੰਤਰਤਾ ਦਿਵਸ ਦੇ ਦਿਨ ਹੀ ਰੋਸ ਵੱਜੋਂ ਆਈਟੀਆਈ ਚੌਂਕ ਨੇੜੇ ਪਾਣੀ ਦੀ ਟੈਂਕੀ ਤੇ ਚੜ੍ਹ ਗਿਆ। ਇਹ ਸੂਚਨਾ ਮਿਲਦਿਆਂ ਹੀ ਪੁਲਿਸ ਪਾਰਟੀ ਘਟਨਾ ਵਾਲੀ ਥਾਂ ਤੇ ਪਹੁੰਚ ਗਈ। ਬੇਸ਼ੱਕ ਪੁਲਿਸ ਕੋਲ ਫਿਲਹਾਲ ਕੋਈ ਬਿਆਨ।ਕਲਮਬੰਦ ਨਹੀਂ ਕਰਵਾਇਆ। ਪਰੰਤੂ ਸੂਤਰਾਂ ਅਨੁਸਾਰ ਸੁਖਦੇਵ ਸਿੰਘ ਪਰਿਵਾਰਕ ਤੌਰ ਤੇ ਚੱਲ ਦੇ ਕਲੇਸ਼ ਤੋਂ ਕਾਫੀ ਪ੍ਰੇਸ਼ਾਨ ਹੈ। ਕੁਝ ਦਿਨ ਪਹਿਲਾਂ ਉਸਨੂੰ ਕੁੱਟ ਮਾਰ ਕਰਕੇ।ਘਰੋਂ ਕੱਢ ਦਿੱਤਾ ਗਿਆ ਸੀ। 
ਇਸ ਸਬੰਧੀ ਬਜੁਰਗ ਨੇ ਪੁਲਿਸ ਕੋਲ ਸ਼ਕਾਇਤ ਵੀ ਦਿੱਤੀ, ਪਰੰਤੂ ਕੋਈ ਸੁਣਵਾਈ ਨਾ ਹੋਣ ਕਾਰਨ ਉਹ ਰੋਸ ਵੱਜੋਂ ਟੈਂਕੀ ਤੇ ਆ ਚੜ੍ਹਿਆ। ਇਹ ਘਟਨਾਕ੍ਰਮ ਉਦੋਂ ਵਾਪਰਿਆ ,ਜਦੋਂ ਪੁਲਿਸ ਦਾ ਪੂਰਾ ਧਿਆਨ ਗਣਤੰਤਰਤਾ ਦਿਵਸ ਦੇ ਮੌਕੇ ਸੁਰੱਖਿਆ ਪ੍ਰਬੰਧ ਪੁਖਤਾ ਕਰਨ ਤੇ ਕੇਂਦਰਿਤ ਸੀ। ਉੱਧਰ ਐਸ.ਐਚ.ਉ. ਥਾਣਾ ਸਿਟੀ 2 ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਟੈਂਕੀ ਤੇ ਚੜ੍ਹੇ ਬਜੁਰਗ ਨੂੰ ਉਸਦੇ ਘਰ ਛੱਡ ਕੇ ਆਉਣ ਦਾ ਵਿਸ਼ਵਾਸ ਦਿਵਾ ਕੇ ਟੈਂਕੀ ਤੋਂ ਉਤਾਰ ਲਿਆ ਹੈ।
