ਟ੍ਰਾਈਡੈਂਟ ਗਰੁੱਪ ਵਾਲੀ ਰਿਹਾਇਸ਼ ਚ, ਕੀਤਾ ਏਕਾਂਤਵਾਸ
ਐਸ .ਐਸ. ਪੀ. ਦੇ ਸੰਪਰਕ ਚ, ਆਏ ਹੋਰਾਂ ਦੀਆਂ ਲਿਸਟਾਂ ਬਣਾਉਣੀਆਂ ਜਾਰੀ
ਹਰਿੰਦਰ ਨਿੱਕਾ ਬਰਨਾਲਾ 30 ਅਗਸਤ 2020
ਜਿਲ੍ਹੇ ਦੇ ਐਸ .ਐਸ. ਪੀ. ਸੰਦੀਪ ਗੋਇਲ ਦੀ ਰਿਪੋਰਟ ਵੀ ਅੱਜ ਲਏ ਸੈਂਪਲ ਦੀ ਰਿਪੋਰਟ ਕੋਰੋਨਾ ਪੌਜੇਟਿਵ ਆਈ ਹੈ। ਉਨਾਂ ਨੂੰ ਸਿਹਤ ਵਿਭਾਗ ਦੀ ਟੀਮ ਨੇ ਘਰ ਵਿੱਚ ਹੀ ਏਕਾਂਤਵਾਸ ਕਰ ਦਿੱਤਾ ਹੈ। ਇਹ ਜਾਣਕਾਰੀ ਸਿਵਲ ਸਰਜਨ ਡਾਕਟਰ ਗੁਰਿੰਦਰਬੀਰ ਸਿੰਘ ਨੇ ਦਿੱਤੀ। ਉਨਾਂ ਦੱਸਿਆ ਕਿ ਐਸ .ਐਸ. ਪੀ.ਗੋਇਲ ਦਾ ਅੱਜ ਹੀ ਸੈਂਪਲ ਲਿਆ ਗਿਆ ਸੀ। ਜਿਸ ਦੀ ਰਿਪੋਰਟ ਦੇਰ ਸ਼ਾਮ ਪੌਜੇਟਿਵ ਪ੍ਰਾਪਤ ਹੋਈ ਹੈ। ਉਨਾਂ ਦੱਸਿਆ ਕਿ ਐਸ .ਐਸ. ਪੀ. ਗੋਇਲ ਦੀ ਟ੍ਰਾਈਡੈਂਟ ਗਰੁੱਪ ਉਦਯੋਗ ਵਾਲੀ ਰਿਹਾਇਸ਼ ਤੇ ਏਕਾਂਤਵਾਸ ਕੀਤਾ ਗਿਆ ਹੈ। ਸਿਵਲ ਸਰਜਨ ਨੇ ਦੱਸਿਆ ਕਿ ਪਿਛਲੇ ਦਿਨੀਂ ਦਿੱਲੀ ਤੋਂ ਨਸ਼ੀਲੀਆਂ ਦਵਾਈਆਂ ਦੀ ਮੈਨੂਫੈਕਚਰਿੰਗ ਕਰਨ ਵਾਲੇ ਪਿਉ-ਪੁੱਤ ਜੋੜੀ ਦੀ ਪੁੱਛਗਿੱਛ ਸਮੇਂ ਉਨਾਂ ਦੇ ਸੰਪਰਕ ਚ, ਆਉਣ ਕਾਰਣ ਐਸ .ਐਸ. ਪੀ. ਸੰਦੀਪ ਗੋਇਲ ਦਾ ਟੈਸਟ ਕੀਤਾ ਗਿਆ ਹੈ। ਉਨਾਂ ਦੱਸਿਆ ਕਿ ਇੱਨੀਂ ਦਿਨੀ ਐਸ .ਐਸ. ਪੀ. ਸੰਦੀਪ ਗੋਇਲ ਦੇ ਸੰਪਰਕ ਚ, ਆਏ ਹੋਰ ਅਧਿਕਾਰੀਆਂ ਤੇ ਕਰਮਚਾਰੀਆਂ ਤੇ ਹੋਰ ਬੰਦਿਆਂ ਦੇ ਸੈਂਪਲ ਲੈਣ ਦੀ ਸੂਚੀ ਤਿਆਰ ਕੀਤੀ ਜਾ ਰਹੀ ਹੈ। ਜਲਦ ਹੀ ਉਨਾਂ ਦੇ ਵੀ ਸੈਂਪਲ ਲਏ ਜਾਣਗੇ। ਉਨਾਂ ਲੋਕਾਂ ਨੂੰ ਅਪੀਲ ਕੀਤੇ ਕਿ ਐਸ .ਐਸ. ਪੀ. ਸੰਦੀਪ ਗੋਇਲ ਦੇ ਸੰਪਰਕ ਚ, ਆਉਣ ਵਾਲੇ ਖੁਦ ਹੀ ਸਿਹਤ ਵਿਭਾਗ ਦੀ ਟੀਮ ਨਾਲ ਸੰਪਰਕ ਕਰਨ ਤਾਂਕਿ ਕੋਰੋਨਾ ਵਾਇਰਸ ਦੇ ਫੈਲਾਅ ਨੂੰ ਰੋਕਿਆ ਜਾ ਸਕੇ।
—
