ਮਨ ਨੂੰ ਮੋਹ ਲੈਣ ਵਾਲੇ ਗਾਇਕ ਤੇ ਅਦਾਕਾਰ ਸਤਿੰਦਰ ਸਰਤਾਜ ਟਰਾਈਡੈਂਟ ਦੇ ਵਿਹੜੇ ‘ਚ ਬਿਖੇਰਨਗੇ ਆਪਣੀ ਗਾਇਕੀ ਦਾ ਜ਼ਾਦੂ
ਹਰਿੰਦਰ ਨਿੱਕਾ, ਬਰਨਾਲਾ 25 ਅਕਤੂਬਰ 2024
ਟਰਾਈਡੇਂਟ ਗਰੁੱਪ ਦੇ ਚੇਅਰਮੈਨ ਪਦਮ ਸ੍ਰੀ ਰਜਿੰਦਰ ਗੁਪਤਾ ਜੀ ਦੀ ਰਹਿਨੁਮਾਈ ਹੇਠ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਟਰਾਈਡੈਂਟ ਦਿਵਾਲੀ ਮੇਲਾ ਸੰਘੇੜਾ ਕੰਪਲੈਕਸ ਬਰਨਾਲਾ ਵਿਖੇ 26 ਤੋਂ 28 ਅਕਤੂਬਰ ਤੱਕ ਲਾਇਆ ਜਾ ਰਿਹਾ ਹੈ I ਵਰਨਣਯੋਗ ਹੈ ਇਸ ਮੇਲੇ ਵਿੱਚ ਸ਼ਹਿਰੀਆਂ ਦੀ ਖਰੀਦਦਾਰੀ ਦੇ ਲਈ ਭਾਰੀ ਡਿਸਕਾਊਂਟ ਉੱਤੇ ਤੌਲੀਆ, ਬੈਡਸ਼ੀਟ, ਬਾਥਰੋਬ ਸਮੇਤ ਹੋਰ ਕਈ ਪ੍ਰੋਡਕਟਾਂ ਦੀ ਸੇਲ ਵੀ ਲਗਾਈ ਗਈ ਹੈ। ਜਿਸ ਵਿੱਚ ਟਰਾਈਡੇਂਟ ਦੇ ਪ੍ਰੋਡਕਟ ਖਰੀਦੇ ਜਾ ਸਕਦੇ ਹਨ । 
ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਟਰਾਈਡੈਂਟ ਦੇ ਅਧਿਕਾਰੀਆਂ ਮਿੰਨੀ ਗੁੱਪਤਾ, ਸਵਿਤਾ ਕਲਵਾਨੀਆ , ਸਾਹਿਲ ਗੁਲਾਟੀ , ਮਨੋਜ ਕੁਮਾਰ ਅਤੇ ਰੋਹਨ ਭਾਰਗਵ ਨੇ ਦੱਸਿਆ ਕਿ ਟਰਾਈਡੈਂਟ ਮੇਲੇ ਵਿੱਚ ਸ਼ਿਰਕਤ ਕਰਨ ਵਾਲੇ ਸ਼ਹਿਰੀਆਂ ਦੇ ਮਨੋਰੰਜਨ ਲਈ ਸਟੇਜੀ ਪ੍ਰੋਗਰਾਮ, ਖੇਡਾਂ, ਬੱਚਿਆਂ ਦੇ ਮਨੋਰੰਜਨ ਲਈ ਝੂਲੇ, ਹੱਥ ਕਢਾਈ ਦੀਆਂ ਵਸਤਾਂ ਅਤੇ ਖਾਣ ਪੀਣ ਦੀਆਂ ਸਟਾਲਾਂ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ । ਇਸ ਮੌਕੇ ਰੰਗਾਰੰਗ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤੇ ਜਾਣਗੇ ।
ਉਨਾਂ ਦੱਸਿਆ ਕਿ ਆਮ ਲੋਕਾਂ ਵਿੱਚ ਮੇਲੇ ਨੂੰ ਲੈ ਕੇ ਭਾਰੀ ਉਤਸ਼ਾਹ ਨੂੰ ਦੇਖਦੇ ਹੋਏ ਦਿਵਾਲੀ ਮੇਲੇ ਨੂੰ ਸਫਲ ਬਣਾਉਣ ਲਈ ਟਰਾਈਡੈਂਟ ਦੇ ਸਮੁੱਚੇ ਅਧਿਕਾਰੀ ਅਤੇ ਵਰਕਰ ਜੁਟੇ ਹੋਏ ਹਨ ਅਤੇ ਟਰਾਈਡੈਂਟ ਦਿਵਾਲੀ ਮੇਲੇ ਦੀਆਂ ਤਿਆਰੀਆਂ ਲਗਭਗ ਮੁਕੰਮਲ ਹੋ ਚੁੱਕੀਆਂ ਹਨ । ਮੇਲੇ ਦੇ ਆਖਰੀ ਦਿਨ 28 ਅਕਤੂਬਰ ਨੂੰ ਪੰਜਾਬੀ ਗਾਇਕ ਤੇ ਅਦਾਕਾਰ ਸ਼੍ਰੀ ਸਤਿੰਦਰ ਸਰਤਾਜ ਵੀ ਆਪਣੀ ਗਾਇਕੀ ਦੇ ਕਮਾਲ ਨਾਲ ਸਰੋਤਿਆਂ ਨੂੰ ਮੰਤਰ ਮੁਗਧ ਕਰਨਗੇ ।
