ਪੌਜੇਟਿਵ ਮਰੀਜਾਂ ਚ, 2 ਦੁਕਾਨਦਾਰ ਤੇ 1 ਔਰਤ ਸ਼ਾਮਿਲ
ਗੁਰਸੇਵਕ ਸਹੋਤਾ ਮਹਿਲ ਕਲਾਂ 4 ਜੁਲਾਈ 2020
ਇੱਥੋਂ ਦੇ ਛੀਨੀਵਾਲ ਕਲਾਂ ਰੋਡ ਬਜ਼ਾਰ ਚ, ਪ੍ਰਾਈਵੇਟ ਲੈਬੋਰੇਟਰੀ ਸੰਚਾਲਕ ਅਤੇ ਉਸ ਦੇ ਗੁਆਂਢੀ ਮੋਬਾਇਲਾਂ ਦੀ ਦੁਕਾਨ ਵਾਲੇ ਇਕ ਨੌਜਵਾਨ ਸਮੇਤ ਕੁੱਲ ਤਿੰਨ ਜਣਿਆਂ ਦੀਆਂ ਰਿਪੋਰਟਾਂ ਕੋਰੋਨਾ ਪੌਜ਼ੇਟਿਵ ਆਉਣ ਨਾਲ ਕਸਬੇ ਅੰਦਰ ਫਿਰ ਤੋਂ ਸਹਿਮ ਦਾ ਮਾਹੌਲ ਬਣ ਗਿਆ ਹੈ । ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਕੋਰੋਨਾ ਰੈਪਿਡ ਰਿਸਪਾਂਸ ਟੀਮ ਦੇ ਨੋਡਲ ਅਫ਼ਸਰ ਡਾ: ਸਿਮਰਨਜੀਤ ਸਿੰਘ ਨੇ ਦੱਸਿਆ ਕਿ ਉਕਤ ਦੋਵਾਂ ਤੋਂ ਇਲਾਵਾ ਬਲਾਕ ਮਹਿਲ ਕਲਾਂ ਦੇ ਪਿੰਡ ਹਰਦਾਸਪੁਰਾ ਦੀ ਇਕ 40 ਸਾਲਾ ਔਰਤ ਦੀ ਰਿਪੋਰਟ ਵੀ ਪਾਜ਼ੀਟਿਵ ਆਈ ਹੈ। ਉਨ੍ਹਾਂ ਦੱਸਿਆ ਕਿ ਸਿਹਤ ਵਿਭਾਗ ਵਲੋਂ ਪੌਜ਼ੇਟਿਵ ਆਏ ਤਿੰਨਾਂ ਵਿਅਕਤੀਆਂ ਨੂੰ ਕਮਿਊਨਿਟੀ ਹੈੱਲਥ ਸੈਂਟਰ ਮਹਿਲ ਕਲਾਂ ‘ਚ ਇਲਾਜ ਲਈ ਭਰਤੀ ਕੀਤਾ ਗਿਆ ਹੈ।
