ਕਾਰ ਚਾਲਕ ਤੇ ਸਾਥੀ ਬਾਲ ਬਾਲ ਬਚੇ
ਕੁਲਵੰਤ ਗੋਇਲ / ਬੀਵਾਸ਼ੂੰ ਗੋਇਲ ਬਰਨਾਲਾ
ਲੁਧਿਆਣਾ ਤੋਂ ਬਰਨਾਲਾ ਆ ਰਹੀ ਇੱਕ B M W ਕਾਰ ਨੂੰ ਅਚਾਣਕ ਅੱਗ ਲੱਗ ਗਈ, ਪਰੰਤੂ ਕਾਰ ਚਾਲਕ ਅਤੇ ਉਸ ਦਾ ਸਾਥੀ ਬਾਲ ਬਾਲ ਬਚ ਗਏ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਲੁਧਿਆਣਾ ਤੋਂ ਬਰਨਾਲਾ ਆ ਰਹੀ B M W ਕਾਰ ਅਚਾਨਕ ਬੰਦ ਹੋਣ ਕਾਰਣ ਗੱਡੀ ਵਿੱਚ ਸਵਾਰ ਜਸ਼ਨਦੀਪ ਸਿੰਘ ਵਾਸੀ ਭੋਤਨਾ ਤੇ ਉਸ ਦਾ ਦੋਸਤ ਅਮਰੀਕ ਸਿੰਘ ਵਾਸੀ ਬਰਨਾਲਾ ਦੋਵੇਂ ਗੱਡੀ ਤੋਂ ਬਾਹਰ ਆ ਕੇ ਜਦ ਗੱਡੀ ਦੇਖਣ ਲੱਗੇ ਤਾਂ ਗੱਡੀ ਵਿੱਚੋਂ ਕੁਝ ਜਲਣ ਦੀ ਸਮੈਲ ਆਉਣ ਲੱਗੀ। ਜਦੋਂ ਉਹ ਫਾਇਰ ਬ੍ਰਗੇਡ ਨੂੰ ਫੋਨ ਕਰਨ ਲੱਗੇ ਤਾਂ B M W ਕਾਰ ਨੇ ਇਕ ਦਮ ਅੱਗ ਫੜ ਲਈ ਤੇ ਦੇਖਦੇ ਹੀ ਦੇਖਦੇ ਕਾਰ ਨੂੰ ਅੱਗ ਦੀਆਂ ਲਪਟਾਂ ਨੇ ਘੇਰ ਲਿਆ। ਕਾਰ ਵਿੱਚ ਪਿਆ ਸਾਰਾ ਸਮਾਨ ਜਿਸ ਵਿੱਚ ਉਨ੍ਹਾਂ ਦੇ ਕਪੜੇ, ਦੋ ਮੋਬਾਇਲ ਫੋਨ, ਕਰੀਬ 25,000/- ਨਕਦ ਤੇ ਕੁਝ ਦਸਤਾਵਜ ਵੀ ਕਾਰ ਦੇ ਵਿੱਚ ਹੀ ਸੜਕੇ ਸੁਆਹ ਹੋ ਗਏ। ਪਰ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਪਤਾ ਲੱਗਾ ਹੈ ਕਿ ਕਾਰ ਸਵਾਰ ਵਿਅਕਤੀ ਸੜਕਾਂ ਦੀ ਠੇਕੇਦਾਰੀ ਦਾ ਕੰਮ ਕਰਦੇ ਹਨ ।
