ਰਘਬੀਰ ਹੈਪੀ, ਬਰਨਾਲਾ, 9 ਸਤੰਬਰ 2023
ਪੰਜਾਬ ਅੰਦਰ ਲਗਾਤਾਰ ਪੰਜਾਬੀ ਫਿਲਮਾਂ ਬਣ ਰਹੀਆਂ ਹਨ, ਨਵੀਂ ਫਿਲਮ ਚੇਤਾ ਸਿੰਘ ਰਿਲੀਜ਼ ਹੋ ਗਈ ਹੈ, ਪੰਜਾਬੀ ਫਿਲਮ ਚੇਤਾ ਸਿੰਘ ਦੀ ਸਟਾਰ ਕਾਸਟ ਟੀਮ ਅੱਜ ਬਰਨਾਲਾ ਦੇ ਵੀ.ਆਰ.ਸੀ ਮੋਲ ਵਿੱਚ ਪਹੁੰਚੀ। ਪੰਜਾਬੀ ਫ਼ਿਲਮ ਚੇਤਾ ਸਿੰਘ ਦੇ ਅਦਾਕਾਰ ਪ੍ਰਿੰਸ ਕੰਵਲਜੀਤ ਸਿੰਘ ਸਮੇਤ ਸਾਰੀ ਟੀਮ ਸਮੇਤ ਫਿਲਮ ਦੇ ਡਾਇਰੈਕਟਰ ਵੀ ਪਹੁੰਚੇ ਜਿੱਥੇ ਬਰਨਾਲਾ ਦੇ ਵੀ.ਆਰ.ਸੀ ਮੋਲ ਦੇ ਪ੍ਰਬੰਧਕਾਂ ਵੱਲੋਂ ਉਹਨਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ ਉੱਥੇ ਪ੍ਰਸੰਸਕਾਂ ਨੇ ਸਵਾਲ ਜਵਾਬ ਕੀਤੇ ਗਏ। 
ਫ਼ਿਲਮ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਫਿਲਮੀ ਅਦਾਕਾਰ ਪ੍ਰਿੰਸ ਕੰਵਲਜੀਤ ਸਿੰਘ ਵੱਲੋਂ ਆਪਣੀ ਫਿਲਮੀ ਡਾਇਲੋਗ ਰਾਹੀਂ ਲੋਕਾਂ ਨੂੰ ਖੁਸ਼ ਕੀਤਾ। ਉਹਨਾਂ ਫਿਲਮ ਨੂੰ ਪਿਆਰ ਦੇਣ ਲਈ ਲੋਕਾਂ ਦਾ ਧੰਨਵਾਦ ਵੀ ਕੀਤਾ। ਪ੍ਰੈਸ ਕਾਨਫਰੰਸ ਕਰਦੇ ਆਂ ਉਨ੍ਹਾਂ ਕਿਹਾ ਕਿ ਇਸ ਫਿਲਮ ਵਿੱਚ ਪੰਜਾਬ ਦੇ ਹਾਲਾਤਾਂ ਬਾਰੇ ਦਿਖਾਇਆ ਗਿਆ ਹੈ। ਇੱਕ ਭੈਣ ਭਰਾ ਦੀ ਕਹਾਣੀ ਹੈ ਜਿਸ ਵਿੱਚ ਪੰਜਾਬ ਦੇ ਪਿੰਡਾਂ ਅੰਦਰਲਾ ਦਰਦ ਵੀ ਦਿਖਾਇਆ ਗਿਆ ਹੈ। ਇਹ ਫ਼ਿਲਮ ਅੰਮ੍ਰਿਤਸਰ ਇਲਾਕੇ ਵਿੱਚ ਸੂਟ ਕੀਤੀ ਗਈ ਹੈ। ਉਨ੍ਹਾਂ ਲੋਕਾਂ ਫਿਲਮਾਂ ਦੇਖਣ ਲਈ ਵੀ ਬੇਨਤੀ ਕੀਤੀ। ਉਹਨਾਂ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਵੀ ਦੂਰ ਰਹਿਣ ਲਈ ਵੱਡਾ ਸੁਨੇਹਾ ਦਿੱਤਾ।
