ਹਰਿੰਦਰ ਨਿੱਕਾ , ਬਰਨਾਲਾ 28 ਮਾਰਚ 2023
ਇੱਥੋਂ ਨੇੜਲੇ ਪਿੰਡ ਖੁੱਡੀ ਕਲਾਂ ਦੇ ਲੋਕਾਂ ਨੇ ਅੱਜ ਮੰਗਲਵਾਰ ਦੇਰ ਰਾਤ ਇੱਕ ਰਾਹਗੀਰ ਦਾ ਮੋਟਰਸਾਈਕਲ ਚੋਰੀ ਕਰਕੇ ਭੱਜ ਰਹੇ,ਦੋ ਨੌਜਵਾਨਾਂ ਨੂੰ ਉਨ੍ਹਾਂ ਦਾ ਪਿੱਛਾ ਕਰਕੇ ਲਿਆ। ਲੋਕਾਂ ਨੇ ਫੜ੍ਹੇ ਗਏ ਕਥਿਤ ਚੋਰਾਂ ਦੇ ਕਬਜੇ ਵਿੱਚੋਂ ਚੋਰੀ ਕੀਤੇ ਰਾਹਗੀਰ ਦੇ ਮੋਟਰਸਾਈਕਲ ਤੋਂ ਇਲਾਵਾ ਇੱਕ ਹੋਰ ਬਿਨਾਂ ਨੰਬਰੀ ਮੋਟਰਸਾਈਕਲ ਵੀ ਬਰਾਮਦ ਕਰ ਲਿਆ ਹੈੇ । 
ਮੌਕੇ ਤੇ ਇਕੱਠੇ ਹੋਏ ਲੋਕਾਂ ਨੇ ਦੋਵਾਂ ਜਣਿਆਂ ਦੀ ਛਿੱਤਰ ਪਰੇਡ ਵੀ ਕਰ ਦਿੱਤੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਹੰਡਿਆਇਆ -ਖੁੱਡੀ ਕਲਾਂ ਰੋਡ ਤੇ ਪੈਂਦੇ ਜੰਡੋਕੇ ਕੋਠਿਆਂ ਦਾ ਰਹਿਣ ਵਾਲਾ ਇੱਕ ਨੌਜਵਾਨ ਕਿਸਾਨ ਖੁੱਡੀ ਕਲਾਂ ਫਿਰਨੀ ਤੇ ਆਪਣਾ ਮੋਟਰਸਾਈਕਲ ਖੜ੍ਹਾ ਕਰਕੇ, ਬਾਥਰੂਮ ਕਰ ਰਿਹਾ ਸੀ। ਇਸੇ ਦੌਰਾਨ ਇੱਕ ਬਿਨਾਂ ਨੰਬਰੀ ਮੋਟਰਸਾਈਕਲ ਤੇ ਸਵਾਰ ਹੋ ਕੇ ਆ ਰਹੇ , ਦੋ ਨੌਜਵਾਨਾਂ ਚੋਂ ਇੱਕ , ਰਾਹਗੀਰ ਕਿਸਾਨ ਦਾ ਫਿਰਨੀ ਤੇ ਖੜ੍ਹਾ ਮੋਟਰਸਾਈਕਲ ਲੈ ਕੇ ਫੁਰਰ ਹੋ ਗਿਆ। ਅਜਿਹਾ ਦੇਖਦਿਆਂ ਹੀ ਕਿਸਾਨ ਨੇ, ਉਸ ਦਾ ਮੋਟਰਸਾਈਕਲ ਚੋਰੀ ਕਰਕੇ ਲੈ ਕੇ ਜਾ ਰਹੇ ਨੌਜਵਾਨ ਦਾ ਭੱਜ ਕੇ ਪਿੱਛਾ ਕੀਤਾ ਤੇ ਫੜ੍ਹ ਲਉ ਫੜ੍ਹ ਲਉ ਦਾ ਰੌਲਾ ਪਾਇਆ।
ਇੱਨ੍ਹੇਂ ਵਿੱਚ ਹੀ, ਉਸ ਨੇ ਇੱਕ ਹੋਰ ਰਾਹਗੀਰ ਮੋਟਰਸਾਈਕਲ ਸਵਾਰ ਦਾ ਮੋਟਰਸਾਈਕਲ ਲੈ ਕੇ , ਉਸ ਦਾ ਪਿੱਛਾ ਕੀਤਾ। ਆਖਿਰ ਉਸ ਨੇ ਹੋਰ ਰਾਹਗੀਰਾਂ ਦੀ ਮੱਦਦ ਨਾਲ, ਮੋਟਰਸਾਈਕਲ ਚੋਰੀ ਕਰਕੇ ਲਿਜਾ ਰਹੇ ਨੌਜਵਾਨ ਤੇ ਉਸ ਦੇ ਦੂਜੇ ਸਾਥੀ ਨੂੰ ਜਾ ਦਬੋਚਿਆ। ਇਕੱਠੇ ਹੋਏ ਲੋਕਾਂ ਨੇ ਚੋਰੀ ਕਰਕੇ ਭੱਜ ਰਹੇ ਦੋਵਾਂ ਜਣਿਆਂ ਦੀ ਕਾਫੀ ਛਿੱਤਰ ਪਰੇਡ ਵੀ ਕੀਤੀ ਤੇ ਉਨਾਂ ਨੂੰ ਬੰਨ੍ਹ ਕੇ , ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ। ਮੌਕੇ ਤੇ ਮੌਜੂਦ ਲੋਕਾਂ ਨਖ਼ ਦੱਸਿਆ ਕਿ ਫੜ੍ਹੇ ਹੋਏ ਦੋਵੇਂ ਨੌਜਵਾਨ ਖੁਦ ਨੂੰ ਧੌਲਾ ਪਿੰਡ ਦੇ ਵਸਨੀਕ ਦੱਸ ਰਹੇ ਸਨ। 
ਦੋਵਾਂ ਦੇ ਕਬਜੇ ਵਾਲਾ ਇੱਕ ਮੋਟਰਸਾਈਕਲ ਵੀ ਬਿਨਾਂ ਨੰਬਰ ਪਲੇਟ ਤੋਂ ਹੀ ਹੈ। ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਫੜ੍ਹੇ ਗਏ ਦੋਵੇਂ ਨੌਜਵਾਨ ਚੋਰ ਗਿਰੋਹ ਦ। ਮੈਂਬਰ ਹਨ, ਕਿਉਂਕਿ ਉਹ ਆਪਣੇ ਫੋਨਾਂ ਤੋਂ ਆਪਣੇ ਹੋਰ ਸਾਥੀਆਂ ਨੂੰ ਵੀ ਖੁਦ ਦ। ਘਿਰ ਜਾਣ ਬਾਰੇ ਦੱਸ ਰਹੇ ਸਨ।
