ਨੈੱਟਬਾਲ ਵਿੱਚ ਜ਼ੋਨ ਘਨੌਰ ਦੀ (ਅੰਡਰ-17) ਕੁੜੀਆਂ ਦੀ ਟੀਮ ਨੇ ਜਿੱਤਿਆ ਕਾਂਸੀ ਦਾ ਤਗਮਾ
ਪਟਿਆਲਾ (ਰਿਚਾ ਨਾਗਪਾਲ)
ਡੀ.ਏ.ਵੀ ਸਕੂਲ ਪਟਿਆਲਾ ਵਿਖੇ ਜ਼ਿਲ੍ਹਾ ਪੱਧਰੀ ਅੰਡਰ-17 ਕੁੜੀਆਂ ਦਾ ਨੈੱਟਬਾਲ ਦਾ ਟੂਰਨਾਮੈਂਟ ਹੋਇਆ। ਇਸ ਟੂਰਨਾਮੈਂਟ ਵਿੱਚ ਪਟਿਆਲਾ-1 ਨੇ ਪਹਿਲਾ ਸਥਾਨ ਹਾਸਲ ਕਰਦੇ ਹੋਏ ਸੋਨੇ ਦਾ ਤਗਮਾ, ਪਾਤੜਾ ਨੇ ਦੂਜਾ ਸਥਾਨ ਹਾਸਲ ਕਰਦੇ ਹੋਏ ਚਾਂਦੀ ਦਾ ਤਗਮਾ ਅਤੇ ਘਨੌਰ ਨੇ ਤੀਜਾ ਸਥਾਨ ਹਾਸਲ ਕਰਦੇ ਹੋਏ ਕਾਂਸੀ ਦਾ ਤਗਮਾ ਹਾਸਲ ਕੀਤਾ। ਜ਼ੋਨ ਘਨੌਰ ਦੀ ਟੀਮ ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕਪੂਰੀ (ਪਟਿਆਲਾ) ਦੀ ਲਵਪ੍ਰੀਤ ਕੌਰ, ਨਾਜੀਆ, ਮੁਸਕਾਨ, ਅਮਨਪ੍ਰੀਤ ਕੌਰ, ਹਰਕੀਰਤ ਕੌਰ, ਸ਼ਬਨਮ ਬੇਗਮ, ਮਹਿਕ ਬੇਗਮ, ਅੰਜਲੀ, ਲਵਪ੍ਰੀਤ ਕੌਰ, ਸਿਮਰਨਜੋਤ ਕੌਰ, ਜੈਸਮੀਨ ਕੌਰ ਅਤੇ ਕੇ.ਜੇ. ਸੀਨੀਅਰ ਸੈਕੰਡਰੀ ਸਕੂਲ (ਪਟਿਆਲਾ) ਦੀ ਪ੍ਰਭਲੀਨ ਕੌਰ ਸ਼ਾਮਲ ਸਨ। ਘਨੌਰ ਜ਼ੋਨ ਦੀ ਟੀਮ ਨੇ ਸ੍ਰੀਮਤੀ ਪਰਮਜੀਤ ਕੌਰ (ਲੈਕਚਰਾਰ ਫਿਜ਼ੀਕਲ ਐਜੂਕੇਸ਼ਨ) ਸ.ਸ.ਸ.ਸ. ਕਪੂਰੀ (ਪਟਿਆਲਾ) ਅਤੇ ਸ੍ਰੀਮਤੀ ਹਰਪਾਲ ਕੌਰ (ਡੀ.ਪੀ.ਈ.) ਸ.ਸ.ਸ.ਸ. ਕਪੂਰੀ (ਪਟਿਆਲਾ) ਦੀ ਅਗਵਾਈ ਵਿੱਚ ਇਸ ਟੂਰਨਾਮੈਂਟ ਵਿੱਚ ਭਾਗ ਲਿਆ। ਇਸ ਮੌਕੇ ਤੇ ਸ੍ਰੀਮਤੀ ਇੰਦੂ ਬਾਲਾ (ਲੈਕਚਰਾਰ ਫਿਜ਼ੀਕਲ ਐਜੂਕੇਸ਼ਨ), ਸ੍ਰੀਮਤੀ ਮਮਤਾ ਰਾਣੀ (ਪੀ.ਟੀ.ਆਈ.), ਸ੍ਰੀਮਤੀ ਮਨਵੀਰ ਕੌਰ (ਪੀ.ਟੀ.ਆਈ.) ਅਤੇ ਹੋਰ ਕੋਚ ਸਾਹਿਬਾਨ ਮੋਜੂਦ ਸਨ।
