ਲੁਧਿਆਣਾ; ਪੁਰਾਣੀ ਰੰਜਿਸ਼ ਕਰਕੇ ਵਾਪਰੀ ਸੀ ਟੌਲ ਪਲਾਜ਼ਾ ਤੇ ਬੱਸ ਕਡੰਕਟਰ ਨਾਲ ਵਾਰਦਾਤ
ਪਰਦੀਪ ਕਸਬਾ ਲੁਧਿਆਣਾ 01 ਜੂਨ 2022
ਲਾਡੋਵਾਲ ਟੌਲ ਪਲਾਜ਼ਾ ਤੇ ਸਰਕਾਰੀ ਬੱਸ ਲੁੱਟਣ ਦੀਆਂ ਜੋ ਖ਼ਬਰਾਂ ਸਾਹਮਣੇ ਆ ਰਹੀਆਂ ਸਨ ਕਿ, ਹਥਿਆਰਬੰਦ ਲੁਟੇਰਿਆਂ ਦੇ ਵਲੋਂ ਬੱਸ ਲੁੱਟਣ ਦੀ ਘਟਨਾ ਨੂੰ ਅੰਜ਼ਾਮ ਦਿੱਤਾ ਗਿਆ, ਉਕਤ ਖ਼ਬਰਾਂ ਦਾ ਸੀਨੀਅਰ ਪੁਲਿਸ ਅਧਿਕਾਰੀ ਨਰਿੰਦਰ ਭਾਰਗਵ ਨੇ ਖੰਡਣ ਕਰਦਿਆਂ ਹੋਇਆ ਦਾਅਵਾ ਕੀਤਾ ਹੈ ਕਿ, ਬੱਸ ਕਡੰਕਟਰ ਅਤੇ ਕੁੱਝ ਲੋਕਾਂ ਵਿਚਾਲੇ ਪੁਰਾਣੀ ਰੰਜਿਸ਼ ਚੱਲ ਰਹੀ ਸੀ, ਮੌਕਾ ਵੇਖਦੇ ਹੀ ਤਿੰਨ ਵਿਅਕਤੀ ਟੌਲ ਪਲਾਜ਼ਾ ‘ਤੇ ਆਏ ਅਤੇ ਉਨ੍ਹਾਂ ਨੇ ਕਡੰਕਟਰ ਨਾਲ ਲੜਾਈ ਕੀਤੀ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ, ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਟੌਲ ਪਲਾਜ਼ਾ ਤੇ ਲੱਗੇ ਸੀਸੀਟੀਵੀ ਕੈਮਰੇ ਵੀ ਖੰਗਾਲੇ ਜਾ ਰਹੇ ਹਨ ਤਾਂ, ਜੋ ਸਚਾਈ ਪਤਾ ਲੱਗ ਸਕੇ। ਸੀਨੀਅਰ ਪੁਲਿਸ ਅਧਿਕਾਰੀ ਨਰਿੰਦਰ ਭਾਰਗਵ ਨੇ ਇਹ ਵੀ ਦੱਸਿਆ ਕਿ, ਲਾਡੋਵਾਲ ਟੌਲ ਪਲਾਜ਼ਾ ਤੇ ਲੁੱਟ ਦੀ ਕੋਈ ਘਟਨਾ ਨਹੀਂ ਵਾਪਰੀ, ਜਦੋਂਕਿ ਇਹ ਸਾਰੀ ਘਟਨਾ ਸਿਰਫ਼ ਤੇ ਸਿਰਫ਼ ਕਡੰਕਟਰ ਅਤੇ ਤਿੰਨ ਵਿਅਕਤੀਆਂ ਵਿਚਾਲੇ ਪੁਰਾਣੀ ਰੰਜਿਸ਼ ਕਰਕੇ ਹੋਈ।
