ਰਘਵੀਰ ਹੈਪੀ , ਬਰਨਾਲਾ 13 ਦਸੰਬਰ 2021
ਇੱਕ ਆਈਲੈਟਸ ਸੈਂਟਰ ਤੋਂ ਪੈਦਲ ਹੀ ਵਾਪਿਸ ਘਰ ਜਾ ਰਹੀ, ਇੱਕ ਲੜਕੀ ਤੋਂ ਮੋਟਰਸਾਇਕਲ ਸਵਾਰ,ਝਪਟਮਾਰ ਮੋਬਾਇਲ ਖੋਹ ਕੇ ਲੈ ਗਿਆ। ਲੜਕੀ ਦੇ ਰੌਲਾ ਪਾਉਣ ਤੋਂ ਬਾਅਦ, ਜਦੋਂ ਆਸ ਪਾਸ ਦੇ ਲੋਕ ਇਕੱਠੇ ਹੋਏ,ਉਦੋਂ ਤੱਕ ਝਪਟਮਾਰ ਫਰਾਰ ਹੋ ਗਿਆ। ਸ਼ਹਿਰ ਦੇ ਕੱਚਾ ਕਾਲਜ ਰੋਡ ਖੇਤਰ ਦੀ ਰਹਿਣ ਵਾਲੀ ਮਧੂ ਨੇ ਦੱਸਿਆ ਕਿ ਉਸ ਦੀ ਬੇਟੀ ਉਵਾਕਸ਼ੀ ਡੈਫੋਡਿਲ ਆਈਲੈਟਸ ਸੈਂਟਰ ਤੇ ਡੈਮੋ ਕਲਾਸ ਲਗਾ ਕੇ ਅੱਜ ਸ਼ਾਮ ਕਰੀਬ ਸਾਢੇ ਪੰਜ ਵਜੇ ਪੈਦਲ ਹੀ ਘਰ ਵਾਪਿਸ ਆ ਰਹੀ ਸੀ। ਜਦੋਂ ਉਹ ਅਨਾਜ ਮੰਡੀ ਨੇੜੇ ਪੁਰਾਣੇ ਡੀ.ਸੀ ਦਫਤਰ ਕੋਲ ਪਹੁੰਚੀ ਤਾਂ ਪਿੱਛੇ ਤੋਂ ਮੋਟਰਸਾਈਕਲ ਤੇ ਆਇਆ, ਇੱਕ ਨੌਜਵਾਨ ਉਸ ਦਾ ਮੋਬਾਇਲ ਖੋਹ ਕੇ ਲੈ ਗਿਆ। ਘਟਨਾ ਬਾਰੇ ਰੌਲਾ ਪਾਉਣ ਤੋਂ ਬਾਅਦ ਜਦੋਂ ਕੁਝ ਲੋਕ ਇਕੱਠੇ ਹੋਏ, ਉਦੋਂ ਤੱਕ ਮੋਟਰਸਾਇਕਲ ਸਵਾਰ, ਫਰਾਰ ਹੋ ਚੁੱਕਾ ਸੀ। ਉੱਧਰ ਝਪਟਮਾਰ ਨੇ ਸਨੈਚਿੰਗ ਤੋਂ ਬਾਅਦ ਮੋਬਾਇਲ ਦੀ ਸਵਿਚ ਆਫ ਕਰ ਦਿੱਤੀ। ਥਾਣਾ ਸਿਟੀ 1 ਦੇ ਐਸ.ਐਚ.ਉ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਖੋਹ ਦੀ ਘਟਨਾ ਵਾਲੇ ਖੇਤਰ ਦੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲ ਕੇ ਝਪਟਮਾਰ ਦੀ ਸ਼ਨਾਖਤ ਕਰਕੇ, ਉਸ ਨੂੰ ਛੇਤੀ ਹੀ ਕਾਬੂ ਕਰ ਲਿਆ ਜਾਵੇਗਾ।
