2 ਵਾਰ ਭਰੇ ਵਿੱਤੀ ਸਹਾਇਤਾ ਲਈ ਫ਼ਾਰਮ , ਪਰ ਸਰਕਾਰ ਦੇ ਘਰੋਂ 1 ਵਾਰ ਵੀ ਨਹੀਂ ਪਈ ਖੈਰ
ਰਘਬੀਰ ਹੈਪੀ , ਬਰਨਾਲਾ, 30 ਜੁਲਾਈ 2021
ਸ਼ਹਿਰ ਦੀ ਰਾਧਾ ਸਵਾਮੀ ਗਲੀ, ਜੰਡਾ ਵਾਲਾ ਰੋਡ ‘ਤੇ ਸਥਿਤ ਇੱਕ ਗਰੀਬ ਪਰਿਵਾਰ ਦੇ ਘਰ ਦੀ ਛੱਤ,ਤੇਜ਼ ਮੀਂਹ ਦੀ ਮਾਰ ਨਾ ਝੱਲਦੀ ਹੋਈ,ਢਹਿ ਢੇਰੀ ਹੋ ਗਈ। ਛੱਤ ਡਿੱਗਣ ਕਾਰਨ ਪਰਿਵਾਰ ਦੇ 2 ਮੈਂਬਰ ਗੰਭੀਰ।ਜਖ਼ਮੀ ਹੋ ਗਏ। ਜਾਣਕਾਰੀ ਦਿੰਦਿਆਂ ਪਰਵਿਾਰ ਦੇ ਮੁਖੀ ਜਗਦੇਵ ਸਿੰਘ ਨੇ ਦੱਸਿਆ ਕਿ ਉਹਨਾਂ ਦੇ ਘਰ ਟਾਇਲ ਬਾਲਿਆਂ ਦੀ ਪੁਰਾਣੀ ਛੱਤ ਸੀ, ਜ਼ੋ ਕਿ ਮੀਂਹ ਕਾਰਨ ਉਹਨਾਂ ਦੇ ਉਪਰ ਡਿੱਗ ਗਈ। 
ਉਹਨਾ ਦੱਸਿਆ ਕਿ ਉਹਨਾਂ ਦੇ 4 ਲੜਕੀਆਂ ਅਤੇ 1 ਲੜਕਾ ਹੈ, ਉਹ ਆਪਣੇ ਪਰਿਵਾਰ ਸਮੇਤ ਘਰ ਅੰਦਰ ਕਰੀਬ 3 ਕੁ ਵਜੇ ਰੋਟੀ ਖਾ ਰਹੇ ਸਨ, ਤਾਂ ਅਚਾਨਕ ਛੱਤ ਉਹਨਾਂ ਦੇ ਉੱਪਰ ਡਿੱਗ ਗਈ, ਜਿਸ ਨਾਲ ਉਹਨਾਂ ਦੀ ਲੜਕੀ ਦੇ ਸਿਰ ਵਿੱਚ ਸਟਾਂ ਲੱਗੀਆਂ।ਉਹਨਾਂ ਦੱਸਿਆ ਕਿ ਉਹ ਬਹੁਤ ਗਰੀਬ ਹਨ, ਆਟੋ ਰਿਕਸਾ ਚਲਾ ਕੇ ਘਰ ਦਾ ਗੁਜਾਰਾ ਕਰਦੇ ਹਨ।ਉਹਨਾਂ ਦੱਸਿਆ ਕਿ 
ਉਹ ਨਗਰ ਕੌਸ਼ਲ ਬਰਨਾਲਾ ਵਿੱਚ 2 ਵਾਰ ਕੱਚੇ ਘਰ ਲਈ ਜਾਰੀ ਕੀਤੀ ਜਾਂਦੀ ਵਿੱਤੀ ਸਹਾਇਤਾ ਲਈ ਅਪਲਾਈ ਕਰ ਚੁੱਕੇ ਹਨ, ਪਰ ਉਹਨਾਂ ਨੂੰ ਅਜੇ ਤੱਕ ਘਰ ਬਣਾਉਣ ਨਹੀ ਕੋਈ ਵਿੱਤੀ ਸਹਾਇਤਾ ਨਹੀਂ ਦਿੱਤੀ ਗਈ।ਇਸ ਮੌਕੇ ਇੱਕਤਰ ਮੁਹੱਲਾ ਨਿਵਾਸੀਆਂ ਅਤੇ ਪਰਿਵਾਰ ਮੈਂਬਰਾਂ ਨੇ ਸਰਕਾਰ ਤੋਂ ਮੁਆਵਜ਼ੇ ਦੀ ਮੰਗ ਕੀਤੀੇ। 
