ਦਾਖਲਾ ਮੁਹਿੰਮ ਤਹਿਤ ਸਰਕਾਰੀ ਐਲੀਮੈਂਟਰੀ ਸਕੂਲ ਆਦਰਸ਼ ਨਗਰ ਨੂੰ ਮਿਲਿਆ ਵਿਸ਼ੇਸ਼ ਸਨਮਾਨ
ਬੀ ਟੀ ਐਨ, ਫਤਹਿਗੜ੍ਹ ਸਾਹਿਬ , 16 ਜੁਲਾਈ
ਜਿਲ੍ਹਾ ਸਿੱਖਿਆ ਵਿਭਾਗ ਵੱਲੋਂ ਚੱਲ ਰਹੀ ਦਾਖਲਾ ਮੁਹਿੰਮ ਤਹਿਤ ਸਰਕਾਰੀ ਐਲੀਮੈਂਟਰੀ ਸਕੂਲ ਆਦਰਸ਼ ਨਗਰ ਦੇ ਅਧਿਆਪਕਾਂ ਦੁਆਰਾ ਸਾਲ 2020-21 ਨਾਲੋ ਨਾਲ ਚਲ ਰਹੇ ਸੈਸ਼ਨ 2021-22 ਦੇ ਦਾਖਲਿਆਂ ਵਿੱਚ 30 ਫੀਸਦੀ ਵਾਧਾ ਕੀਤਾ ਗਿਆ ਹੈ। ਜਿਸ ਵਿੱਚ ਸਕੂਲ ਮੁਖੀ ਮਮਤਾ ਰਾਣੀ ਅਤੇ ਸਮੂਹ ਸਟਾਫ ਨੂੰ ਸਿੱਖਿਆ ਵਿਭਾਗ ਵੱਲੋਂ ਵਿਸ਼ੇਸ਼ ਸਨਮਾਨ ਦਿੱਤਾ ਗਿਆ।
ਸੀਨੀਅਰ ਮੀਤ ਪ੍ਰਧਾਨ ਨਗਰ ਕੌਂਸਲ ਸਰਹਿੰਦ ਸ਼੍ਰੀ ਗੁਰਪ੍ਰੀਤ ਸਿੰਘ ਲਾਲੀ ਨੇ ਸਮੂਹ ਸਟਾਫ ਨੂੰ ਇਸ ਵਿਸ਼ੇਸ਼ ਸਨਮਾਨ ਲਈ ਵਧਾਈ ਦਿੱਤੀ। ਇਸ ਦੌਰਾਨ ਸਕੂਲ ਵੱਲੋਂ ਲਗਾਏ ਗਏ ਪੁਸਤਕ ਲੰਗਰ ਵਿੱਚ ਗੁਰਪ੍ਰੀਤ ਸਿੰਘ ਲਾਲੀ ਵੱਲੋ ਸਮੂਲੀਅਤ ਕਰਕੇ ਸਕੂਲ ਮੁਖੀ ਅਤੇ ਸਟਾਫ ਵੱਲੋਂ ਕੀਤੇ ਗਏ ਕਾਰਜਾਂ ਦੀ ਸ਼ਲਾਘਾ ਕੀਤੀ ਗਈ। 
ਇਸ ਮੌਕੇ ਸਕੂਲ ਮੁਖੀ ਸ਼੍ਰੀਮਤੀ ਮਮਤੀ ਰਾਣੀ ਵੱਲੋਂ ਦੱਸਿਆ ਗਿਆ ਕਿ ਸਕੂਲ ਦੀ ਨੁਹਾਰ ਬਦਲਣ ਵਿੱਚ ਸ਼੍ਰੀ ਗੁਰਪ੍ਰੀਤ ਸਿੰਘ ਲਾਲੀ ਵੱਲੋਂ ਦਿੱਤਾ ਯੋਗਦਾਨ ਸ਼ਲਾਘਾਯੋਗ ਹੈ। ਸ਼੍ਰੀ ਲਾਲੀ ਵੱਲੋਂ ਸਕੂਲ ਦੇ ਅੱਗੇ ਬਣਾਏ ਪਾਰਕ ਨੇ ਸਕੂਲ ਦੀ ਦਿੱਖ ਨੂੰ ਹੋਰ ਚਾਰ ਚੰਨ ਲਾਏ ਹਨ।
ਇਸ ਮੌਕੇ ਤੇ ਸੈਂਟਰ ਹੈਡ ਅਧਿਆਪਕਾ ਸ੍ਰੀਮਤੀ ਕੁਲਵੰਤ ਕੌਰ, ਈ ਟੀ ਟੀ ਸ਼੍ਰੀ ਵਿਜੇ ਕੁਮਾਰ, ਲਵਲੀਨ ਕਾਲੜਾ, ਸ਼੍ਰੀਮਤੀ ਸੰਦੀਪ ਕੌਰ, ਸ੍ਰੀਮਤੀ ਸਿਮਰਨਜੀਤ ਕੌਰ, ਮਿਡਡੇ ਮੀਲ ਵਰਕਰ ਆਸਾ ਰਾਣੀ, ਹਰਭਿੰਦਰ ਕੌਰ ਹਾਜਰ ਸਨ।
