ਜੀ.ਐਸ. ਬਿੰਦਰ , ਖਰੜ , 11 ਜੁਲਾਈ 2021
ਖਰੜ ਇਲਾਕੇ ਅੰਦਰ ਚੋਰਾਂ ਦੇ ਹੌਂਸਲੇ ਇੱਨ੍ਹੇ ਬੁਲੰਦ ਹੋ ਚੁੱਕੇ ਹਨ ਕਿ ਲੰਘੀ ਕੱਲ੍ਹ ਇੱਕ ਪਾੱਸ਼ ਸੋਸਾਇਟੀ ਅੰਦਰ ਬਣੀ ਇੱਕ ਕੋਠੀ ਦੀ ਕੰਧ ਟੱਪ ਕੇ ਚੋਰ ਬੇਖੌਫ ਸਿਲੰਡਰ ਚੋਰੀ ਕਰਕੇ ਭੱਜ ਗਿਆ। ਪਰਿਵਾਰ ਨੂੰ ਚੋਰੀ ਦੀ ਵਾਰਦਾਤ ਦਾ ਪਤਾ, ਅੱਜ ਸਵੇਰੇ, ਉੱਠਣ ਸਮੇਂ ਲੱਗਿਆ। ਚੋਰੀ ਦੀ ਵਾਰਦਾਤ ਨੇੜਲੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਗਈ। ਇਸ ਵਾਰਦਾਤ ਦੀ ਸੂਚਨਾ ਪਰਿਵਾਰ ਨੇ ਖਰੜ ਸਿਟੀ ਥਾਣੇ ਵਿੱਚ ਦੇ ਦਿੱਤੀ। 
ਝੁੰਗੀਆਂ ਰੋਡ ਤੇ ਸਥਿਤ ਰੀਗਲ ਹੋਮਜ ਸੁਸਾਇਟੀ ਵਿੱਚ ਰਹਿੰਦੇ ਬਲਜਿੰਦਰ ਸਿੰਘ ਪੁੱਤਰ ਬਲਜੀਤ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਪਰਿਵਾਰ ਸਮੇਤ ਕੋਠੀ ਵਿੱਚ ਰਾਤ ਨੂੰ ਸੁੱਤਾ ਪਿਆ ਪਿਆ ਸੀੇ। ਜਦੋਂ ਹਰ ਰੋਜ ਦੀ ਤਰਾਂ ਸਵੇਰੇ ਉਠਿਆ ਤਾਂ ਕੋਠੀ ਅੰਦਰ ਪਿਆ ਰਸੋਈ ਗੈਸ ਸਿਲੰਡਰ ਗਾਇਬ ਸੀ। ਹਿਸ ਤਰਾਂ ਸਿਲੰਡਰ ਚੋਰੀ ਦੀ ਘਟਨਾ ਤੋਂ ਪ੍ਰੇਸ਼ਾਨ ਹੋ ਕੇ ਆਂਢ ਗੁਆਂਢ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਦੇਖਣ ਤੋਂ ਪਤਾ ਲੱਗਿਆ ਕਿ ਇੱਕ ਸਕੂਟਰੀ ਸਵਾਰ ਵਿਅਕਤੀ ਰਾਤ ਕਰੀਬ 3 ਕੁ ਵਜੇ ਕੋਠੀ ਦੀ ਕੰਧ ਟੱਪ ਕੇ ਅੰਦਰ ਦਾਖਿਲ ਹੋਇਆ ਅਤੇ ਗੈਸ ਸਿਲੰਡਰ ਚੋਰੀ ਕਰਕੇ ਫਰਾਰ ਹੋ ਗਿਆ। ਉਨਾਂ ਦੱਸਿਆ ਕਿ ਘਟਨਾ ਦੀ ਸੂਚਨਾ ਮੁਕਾਮੀ ਪੁਲਿਸ ਕੋਲ ਲਿਖਤੀ ਰੂਪ ਵਿੱਚ ਦੇ ਦਿੱਤੀ ਹੈ। ਉਨਾਂ ਕਿਹਾ ਕਿ ਹੈਰਾਨੀ ਦੀ ਗੱਲ ਹੈ ਕਿ ਚੋਰ ਕਿਵੇਂ ਬੇਖੌਫ ਢੰਗ ਨਾਲ ਰਾਤ ਦੇ ਸਮੇਂ ਕੋਠੀ ਅੰਦਰ ਵੜ੍ਹਕੇ ਚੋਰੀ ਕਰਕੇ ਭੱਜ ਗਿਆ। ਉਨਾਂ ਪੁਲਿਸ ਪ੍ਰਸ਼ਾਸ਼ਨ ਤੋਂ ਮੰਗ ਕੀਤੀ ਕਿ ਚੋਰ ਦੀ ਤਲਾਸ਼ ਕੀਤੀ ਜਾਵੇ, ਤਾਂਕਿ ਚੋਰ ਕਿਸੇ ਦਾ ਹੋਰ ਵੱਧ ਨੁਕਸਾਨ ਨਾ ਕਰ ਜਾਣ। 
