ਬੱਸ ਸਟੈਂਡ ਨੇੜੇ ਸੀ ਐਨ ਜੀ ਪੰਪ ਤੇ ਹੋਇਆ ਧਮਾਕਾ,ਲੋਕਾਂ ਵਿੱਚ ਦਹਿਸ਼ਤ
ਬੀਟੀਐਨ ਬਿਊਰੋ, ਮਾਨਸਾ 11 ਜੁਲਾਈ 2021
ਇੱਥੋਂ ਦੇ ਬੱਸ ਸਟੈਂਡ ਨੇੜੇ ਜਗਦੀਸ਼ ਆਇਲ ਕੰਪਨੀ ਦੇ ਪੰਪ ਤੇ ਸੀਐੱਨਜੀ ਦਾ ਜਬਰਦਸਤ ਧਮਾਕਾ ਹੋਇਆ । ਧਮਾਕੇ ਇੱਨਾਂ ਭਿਅੰਕਰ ਸੀ ਕਿ ਪੰਪ ਦੇ ਕਰਿੰਦੇ ਦੀ ਮੌਕੇ ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਦੋ ਕਾਰਾਂ ਦੇ ਵੀ ਪਰਖੱਚੇ ਉੱਡ ਗਏ। ਕਾਫੀ ਸੰਖਿਆ ਵਿੱਚ ਹੋਰ ਵਿਅਕਤੀ ਵੀ ਜਖਮੀ ਹੋ ਗਏ। ਮਿਲੀ ਜਾਣਕਾਰੀ ਅਨੁਸਾਰ ਪੰਪ ਤੇ ਕੰਮ ਕਰਦਾ ਕਰਿੰਦਾ ਗੱਡੀ ਨੰਬਰ ਐਚ ਆਰ 59 8782 ਵਿੱਚ ਸੀਐੱਨਜੀ ਭਰ ਰਿਹਾ ਸੀ, ਤਾਂ ਇੱਕ ਦਮ ਬਹੁਤ ਵੱਡਾ ਧਮਾਕਾ ਹੋਇਆ। ਧਮਾਕੇ ਨਾਲ ਕਾਰਿੰਦੇ ਦੀ ਮੌਤ ਹੋ ਗਈ। 
ਸੂਤਰਾਂ ਮੁਤਾਬਿਕ ਗੱਡੀ ਵਿਚ ਲੱਗੀ ਸੀਐਨਜੀ ਕਿੱਟ ਮਨਜ਼ੂਰ ਸੁਦਾ ਨਹੀਂ ਸੀ। ਧਮਾਕੇ ਨਾਲ ਕਾਰ ਮਾਲਕ ਤੋਂ ਇਲਾਵਾ ਤਿੰਨ ਬੰਦੇ ਹੋਰ ਵੀ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਏ । ਜਿਨ੍ਹਾਂ ਨੂੰ ਤੁਰੰਤ ਸਿਵਲ ਹਸਪਤਾਲ ਮਾਨਸਾ ਵਿਖੇ ਇਲਾਜ ਲਈ ਭਰਤੀ ਕਰਵਾਇਆ ਗਿਆ। ਸਿਵਲ ਹਸਪਤਾਲ ਮਾਨਸਾ ਦੇ ਐਸ.ਐਮ. ਓ. ਨੇ ਪੰਪ ਤੇ ਕੰਮ ਕਰਦੇ ਕਰਿੰਦੇ ਦੀ ਮੌਤ ਹੋ ਜਾਣ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਮੁਕਾਮੀ ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਲੋਕਾਂ ਦੀ ਮੱਦਦ ਨਾਲ ਬਚਾਉ ਕਾਰਜ ਜੰਗੀ ਪੱਧਰ ਤੇ ਸ਼ੁਰੂ ਕਰ ਦਿੱਤਾ ਹੈ। 
