ਸੋਨੀ ਪਨੇਸਰ , 6 ਜੁਲਾਈ 2021
ਪੰਜਾਬ ਸਟੇਟ ਵੈਟਰਨਰੀ ਇੰਸਪੈਕਟਰ ਐਸੋਸੀਏਸ਼ਨ ਜਿਲ੍ਹਾ ਬਰਨਾਲਾ ਦੀ ਇੱਕ ਮੀਟਿੰਗ ਗੁਰਿੰਦਰਪਾਲ ਸਿੰਘ ਜਿਲਾ ਪ੍ਰਧਾਨ ਅਤੇ ਮਨਜੀਤ ਰਾਜ ਜਿਲ੍ਹਾ ਸਰਪ੍ਰਸਤ ਦੀ ਨਿਗਰਾਨੀ ਵਿੱਚ ਹੋਈ । ਮੀਟਿੰਗ ਵਿੱਚ ਸਟੇਟ ਕਮੇਟੀ ਆਗੂ ਜੁਗਰਾਜ ਸਿੰਘ ਟੱਲੇਵਾਲ ਦੁਆਰਾ ਆਪਣੀ ਸਿਹਤ ਠੀਕ ਨਾ ਹੋਣ ਅਤੇ ਜਨਤਕ ਰੁਝੇਵਿਆਂ ਦਾ ਹਵਾਲਾ ਦੇ ਕੇ ਸਟੇਟ ਕਮੇਟੀ ਮੈਂਬਰ ਦੇ ਅਹੁਦੇ ਤੋਂ ਦਿੱਤੇ ਅਸਤੀਫ਼ੇ ਕਾਰਣ ਖਾਲੀ ਹੋਏ ਅਹੁਦੇ ਤੇ ਗੁਰਦੀਪ ਸਿੰਘ ਛੰਨਾਂ ਨੂੰ ਸਟੇਟ ਕਮੇਟੀ ਮੈਂਬਰ ਨਾਮਜਦ ਕੀਤਾ ਗਿਆ । ਇਸ ਮੌਕੇ ਰਾਜਿੰਦਰ ਕੁਮਾਰ ਨੂੰ ਜਿਲ੍ਹਾ ਸੱਕਤਰ ਅਤੇ ਲਵਲੀ ਮਲਹੋਤਰਾ ਨੂੰ ਜਿਲ੍ਹਾ ਮੀਤ ਪ੍ਰਧਾਨ ਸਰਬਸੰਮਤੀ ਨਾਲ ਚੁਣ ਲਿਆ ਗਿਆ। ਇਸ ਮੌਕੇ ਹਰਨੈਬ ਸਿੰਘ ਜਿਲ੍ਹਾ ਵਿੱਤ ਸੱਕਤਰ , ਜਗਪਾਲ ਸਿੰਘ ਜਿਲ੍ਹਾ ਜੱਥੇਬੰਦਕ ਸੱਕਤਰ , ਗੁਰਜੀਤ ਸਿੰਘ ਤਹਿਸੀਲ ਪ੍ਰਧਾਨ ਬਰਨਾਲਾ ਅਤੇ ਜਸਪਾਲ ਸਿੰਘ ਤਹਿਸੀਲ ਪ੍ਰਧਾਨ ਤਪਾ ਵਿਸ਼ੇਸ਼ ਤੌਰ ਤੇ ਮੌਜੂਦ ਰਹੇ ।
