ਹਰਿੰਦਰ ਨਿੱਕਾ , ਬਰਨਾਲਾ 24 ਮਾਰਚ 2021
ਥਾਣਾ ਸਿਟੀ 2 ਦੇ ਇਲਾਕੇ ਵਿੱਚੋਂ 3 ਅਣਪਛਾਤੇ ਵਿਅਕਤੀ ਇੱਕ ਮੋਟਰ ਸਾਈਕਲ ਸਵਾਰ ਦੀ ਕੁੱਟਮਾਰ ਕਰਕੇ, ਉਸਦਾ ਮੋਟਰਸਾਈਕਲ ਖੋਹ ਕੇ ਫਰਾਰ ਹੋ ਗਏ। ਜਦੋਂ ਕਿ ਜਿਲ੍ਹਾ ਕਚਿਹਰੀ ਕੰਪਲੈਕਸ ਕੋਲੋਂ 2 ਅਣਪਛਾਤੇ ਚੋਰ 2 ਮੋਟਰਸਾਈਕਲ ਚੋਰੀ ਕਰਕੇ ਫੁਰਰ ਹੋ ਗਏ। ਪੁਲਿਸ ਨੇ ਦੋਸ਼ੀਆਂ ਖਿਲਾਫ ਕੇਸ ਦਰਜ਼ ਕਰਕੇ, ਉਨਾਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੂੰ ਜਾਣਕਾਰੀ ਦਿੰਦਿਆਂ ਅਸੋਕ ਕੁਮਾਰ ਪੁੱਤਰ ਬਾਬੂ ਰਾਮ ਵਾਸੀ ਗਲੀ ਨੰਬਰ 02, ਗੁਰੂ ਤੇਗ ਬਹਾਦਰ ਨਗਰ ਹੰਡਿਆਇਆ ਰੋਡ ਬਰਨਾਲਾ ਨੇ ਦੱਸਿਆ ਕਿ 24-ਫਰਵਰੀ 2021 ਨੂੰ ਸੇਖਾ ਫਾਟਕ ਬਰਨਾਲਾ ਨੇੜੇ ਗੋਦਾਮ ਕੋਲ 3 ਅਣਪਛਾਤੇ ਵਿਆਕਤੀਆ ਨੇ ਆਪਸ ਵਿੱਚ ਮਿਲ ਕੇ ਉਸ ਦੀ ਕੁੱਟਮਾਰ ਕਰਕੇ ਉਹਦਾ ਮੋਟਰਸਾਈਕਲ ਨੰਬਰੀ ਮਾਰਕਾ ਸਪੈਲਡਰ ਰੰਗ ਸਿਲਵਰ ਖੋਹ ਕੇ ਮੌਕਾ ਤੋ ਫਰਾਰ ਹੋ ਗਏ। ਮੋਟਰ ਸਾਈਕਲ ਦੀ ਕੀਮਤ ਕਰੀਬ 35000 ਰੂਪੈ ਹੈ।
ਉੱਧਰ ਰਾਜਿੰਦਰ ਸਿੰਘ ਪੁੱਤਰ ਸਰਨਜੀਤ ਸਿੰਘ ਵਾਸੀ ਤਪਾ ਨੇ ਪੁਲਿਸ ਨੂੰ ਦਿੱਤੀ ਸ਼ਕਾਇਤ ਵਿੱਚ ਦੱਸਿਆ ਕਿ ਮਿਤੀ 10 ਫਰਵਰੀ 2021 ਨੂੰ ਮੁਦੱਈ ਦੇ ਮੋਟਰਸਾਈਕਲ ਮਾਰਕਾ ਪਲਸਰ ਰੰਗ ਕਾਲਾ ਨੂੰ ਅਤੇ ਮਿਤੀ 09-ਮਾਰਚ 2021 ਨੂੰ ਹਰੀ ਸਿੰਘ ਪੁੱਤਰ ਕੇਹਰ ਸਿੰਘ ਵਾਸੀ ਛੀਨੀਵਾਲ ਖੁਰਦ ਦੇ ਮੋਟਰਸਾਈਕਲ ਮਾਰਕਾ ਪਲਟੀਨਾ ਰੰਗ ਕਾਲਾ ਨੂੰ ਅਣਪਛਾਤੇ ਵਿਅਕਤੀ ਜਿਲ੍ਹਾ ਕਚਿਹਰੀਆਂ ਬਰਨਾਲਾ ਦੇ ਗੇਟ ਨੰਬਰ 02 ਦੇ ਸਾਹਮਣੇ ਚੋਰੀ ਕਰਕੇ ਲੈ ਗਏ। ਇੱਨਾਂ ਦੋਵਾਂ ਚੋਰੀ ਹੋਏ ਮੋਟਰ ਸਾਈਕਲਾਂ ਦੀ ਕੁੱਲ ਕੀਮਤ 45000 ਰੂਪਏ ਹੈ। ਥਾਣਾ ਸਿਟੀ 2 ਦੇ ਐਸ.ਐਚ.ਉ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਉਕਤ ਤਿੰਨੋਂ ਘਟਨਾਵਾਂ ਸਬੰਧੀ 23 ਮਾਰਚ ਨੂੰ ਬਿਆਨ ਲਿਖਵਾਇਆ ਗਿਆ, ਜਿਸ ਤੋਂ ਤੁਰੰਤ ਬਾਅਦ ਹੀ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਕੇਸ ਦਰਜ਼ ਕਰਕੇ, ਦੋਸ਼ੀਆਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ। ਜਲਦ ਹੀ ਦੋਸ਼ੀਆਂ ਦੀ ਸ਼ਨਾਖਤ ਕਰਕੇ, ਉਨਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।
