ਰਘਬੀਰ ਹੈਪੀ , ਬਰਨਾਲਾ 15 ਮਾਰਚ 2021
ਸ਼ਹਿਰ ਦੇ ਗੋਬਿੰਦ ਕਾਲੋਨੀ ਇਲਾਕੇ ਵਿੱਚ ਮੋਟਰਸਾਈਕਲ ਸਵਾਰ ਦੋ ਝਪਟਮਾਰ ਸਕੂਟਰੀ ਸਵਾਰ ਔਰਤ ਦੀ ਸੋਨੇ ਦੀ ਚੈਨ ਖੋਹ ਕੇ ਫਰਾਰ ਹੋ ਗਏ। ਪੂਰੀ ਵਾਰਦਾਤ ਇਲਾਕੇ ਦੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੋਬਿੰਦ ਕਲੋਨੀ ਦੀ ਗਲੀ ਨੰਬਰ 4 ਨੇੜਿਉਂ ਦੋ ਮੋਟਰਸਾਈਕਲ ਸਵਾਰ ,ਉੱਥੋਂ ਆਪਣੇ ਬੱਚੇ ਸਮੇਤ ਸਕੂਟਰੀ ਤੇ ਜਾ ਰਹੀ ਔਰਤ ਦੀ ਸੋਨੇ ਦੀ ਚੈਨ ਖੋਹ ਕੇ ਫਰਾਰ ਹੋ ਗਏ। ਔਰਤ ਵੱਲੋਂ ਸ਼ੋਰ ਮਚਾਉਂਦਿਆਂ ਹੀ, ਝਪਟਮਾਰ ਆਪਣੇ ਮੋਟਰਸਾਈਕਲ ਤੇ ਫਰਾਰ ਹੋ ਗਏ।
ਪਰੰਤੂ ਝੱਪਟਮਾਰਾਂ ਦੁਆਰਾ ਅੰਜਾਮ ਦਿੱਤੀ ਵਾਰਦਾਤ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਮੋਟਰਸਾਈਕਲ ਸਵਾਰ ਝਪਟਮਾਰਾਂ ਵਿਚੋਂ ਮੋਟਰਸਾਈਕਲ ਚਲਾ ਰਹੇ ਨੌਜਵਾਨ ਦੇ ਸਿਰ ਤੇ ਪਰਨਾ ਬੰਨ੍ਹਿਆ ਹੋਇਆ ਸੀ ,ਦਾੜ੍ਹੀ ਕੱਟੀ ਹੋਈ ਸੀ, ਜਦੋਂ ਕਿ ਔਰਤ ਦੀ ਚੈਨ ਖਿੱਚ ਰਿਹਾ ਨੌਜਵਾਨ ਮੋਨਾ ਸੀ।
