ਕੋਠੇ ਤੇ ਬੈਠੀ ਔਰਤ ਕਹਿੰਦੀ,,,,,,
ਮੈਂ ਮਾੜੀ,
ਉਹ ਸਾਰੇ ਹੀ ਚੰਗੇ,
ਖੇਡ ਜਿਸਮ
ਜੋ ਖੇਡਣ ਬੰਦੇ।
ਲੀਡਰ ਆਉਂਦੇ,
ਆਉਂਦੇ ਈ ਰਹਿੰਦੇ
ਵਾਰੀ ਵਾਰੀ
ਜਿਸਮ ਹੰਡਾਉਂਦੇ।
ਚੁੰਮਣ ਚੱਟਣ
ਭੁੱਖ ਮਿਟਾਉਂਦੇ।
ਕੰਮ ਆਪਣਾ,
ਕੱਢਣ ਖਾਤਿਰ,
ਹਮਦਰਦੀ,
ਫੋਕੀ ਪ੍ਰਗਟਾਉਂਦੇ।
ਕੀ ਛੋਟੇ
ਕੀ ਵੱਡੇ ਅਫਸਰ,
ਰੋਹਬ ਮਾਰਦੇ,
ਬਹਿ ਜੋ ਦਫਤਰ।
ਆ ਕੇ ਮੌਜ,
ਮਸਤੀਆਂ ਕਰਦੇ,
ਵੇਖ ਹੁਸਨ ਨੂੰ
ਹਾਉਕੇ ਭਰਦੇ।
ਪੁਲਿਸ
ਵਾਲਿਆਂ ਦੀ ਵੀ ਢਾਣੀ,
ਮੁੜ ਮੁੜ
ਪੀਂਦੀ ਹੁਸਨ ਦਾ ਪਾਣੀ,
ਜੋਰ ਜਬਰ
ਦੀਆਂ ਹੱਦਾਂ ਲੰਘਦੇ,
ਬੇਸ਼ਰਮੀ ਨਾਲ,
ਭੋਗਣ ਆ ਕੇ,
ਜੋ ਕਰਦੇ,
ਫਿਰ ਜਮ੍ਹਾਂ ਨੀ ਸੰਗਦੇ।
ਕੱਲੇ ਆਉਂਦੇ,
ਘੁੱਟ ਘੁੱਟ ਫੜ੍ਹਦੇ,
ਨਾਲ ਸਪਾਹਿਣਾ ,
ਜਦੋਂ ਲਿਆਉਂਦੇ,
ਦੂਰੀਆਂ ਫੇਰ
ਬਣਾ ਕੇ ਖੜ੍ਹਦੇ ।।
ਲਿਖਤੁਮ:- ਹਰਿੰਦਰ ਨਿੱਕਾ
98550-03666
