2 ਥਾਣਿਆਂ ਦੀ ਪੁਲਿਸ ਨੇ ਕੀਤੀ ਛਾਪਾਮਾਰੀ, 964 ਰੋਲ ਕੀਤੇ ਬਰਾਮਦ
ਡੀ.ਐਸ.ਪੀ. ਟਿਵਾਣਾ ਨੇ ਕਿਹਾ ਨਹੀਂ ਵਿਕਣ ਦਿਆਂਗੇ ਪਲਾਸਟਿਕ ਡੋਰ
ਬਲਵਿੰਦਰ ਅਜਾਦ, ਬਰਨਾਲਾ 6 ਜਨਵਰੀ 2021
ਛਾਪੇ ਤੇ ਛਾਪਾ ਦੇਅ ਛਾਪਾ,,,,ਜੀ ਹਾਂ! ਪੁਲਿਸ ਚਾਇਨਾ ਡੋਰ ਵੇਚਣ ਦੀ ਭਿਣਕ ਲਗਦਿਆਂ ਹੀ ਸ਼ਹਿਰ ਦੇ ਵੱਖ ਵੱਖ ਖੇਤਰਾਂ ਵਿੱਚ ਚਾਇਨਾ ਡੋਰ ਵੇਚਣ ਵਾਲਿਆਂ ਤੇ ਛਾਪੇ ਤੇ ਛਾਪੇ ਮਾਰ ਰਹੀ ਹੈ। ਇਸ ਕੜੀ ਤਹਿਤ ਡੀ.ਐਸ.ਪੀ. ਲਖਵੀਰ ਸਿੰਘ ਟਿਵਾਣਾ ਦੀ ਦੇਖ ਰੇਖ ਵਿੱਚ ਥਾਣਾ ਸਿਟੀ 1 ਦੇ ਐਸ.ਐਚ.ੳ ਲਖਵਿੰਦਰ ਸਿੰਘ ਅਤੇ ਥਾਣਾ ਸਿਟੀ 2 ਦੇ ਐਸ.ਐਚ.ੳ ਗੁਰਮੇਲ ਸਿੰਘ ਦੀ ਅਗਵਾਈ ਵਿੱਚ ਪੁਲਿਸ ਨੇ ਵੱਡੀ ਕਾਰਵਾਈ ਕਰਦੇ ਹੋਏ 
ਚਾਈਨਾ ਡੋਰ ਦੇ ਸਟੋਰ ਦੇ ਛਾਪਾ ਮਾਰ ਕੇ 959 ਰੋਲ ਬਰਾਮਦ ਕਰ ਲਏ ਹਨ। ਜਦੋਂ ਕਿ ਇੱਕ ਹੋਰ ਦੁਕਾਨਦਾਰ ਤੋਂ 5 ਰੋਲ ਅਲੱਗ ਤੌਰ ਤੇ ਬਰਾਮਦ ਕਰ ਲਏ ਹਨ। ਜਿਲ੍ਹਾ ਮਜਿਸਟ੍ਰੇਟ ਤੇਜਪ੍ਰਤਾਪ ਸਿੰਘ ਫੂਲਕਾ ਵੱਲੋਂ ਜਿਲ੍ਹੇ ਅੰਦਰ ਚਾਇਨਾ ਡੋਰ ਦੀ ਵਿਕਰੀ ਤੇ ਪਾਬੰਦੀ ਲਾਉਣ ਤੋਂ ਬਾਅਦ ਹਰਕਤ ਵਿੱਚ ਲਾਈ ਸਿਟੀ ਪੁਲਿਸ ਨੇ ਕੁਝ ਦਿਨਾਂ ਤੋਂ ਡੋਰ ਵੇਚਣ ਵਾਲਿਆਂ ਨੂੰ ਦਬੋਚਣਾ ਸ਼ੁਰੂ ਕੀਤਾ ਹੋਇਆ ਹੈ।
ਪੁਲਿਸ ਕਾਰਵਾਈ ਬਾਰੇ ਜਾਣਕਾਰੀ ਦਿੰਦਿਆਂ ਲਖਵੀਰ ਸਿੰਘ ਟਿਵਾਣਾ ਪੀ.ਪੀ.ਐਸ, ਉਪ ਕਪਤਾਨ ਪੁਲਿਸ ਸਬ-ਡਵੀਜ਼ਨ ਬਰਨਾਲਾ ਨੇ ਕਿਹਾ ਕਿ ਸ੍ਰੀ ਸੰਦੀਪ ਗੋਇਲ ਪੀ.ਪੀ.ਐੱਸ. ਸੀਨੀਅਰ ਕਪਤਾਨ ਪੁਲਿਸ ਬਰਨਾਲਾ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਚਾਇਨਾ ਡੋਰ ਵਿਰੁੱਧ ਵਿੱਢੀ ਗਈ ਮੁਹਿੰਮ ਤਹਿਤ ਥਾਣੇਦਾਰ ਲਖਵਿੰਦਰ ਸਿੰਘ ਮੁੱਖ ਅਫਸਰ ਥਾਣਾ ਸਿਟੀ ਬਰਨਾਲਾ ਨੇ ਆਪਣੀ ਟੀਮ ਸਮੇਤ ਥਾਣੇਦਾਰ ਗੁਰਮੇਲ ਸਿੰਘ ਮੁੱਖ ਅਫਸਰ ਥਾਣਾ ਸਿਟੀ-2 ਬਰਨਾਲਾ ਵੱਲੋਂ ਛਾਪੇ ਮਾਰੀ ਕੀਤੀ ਗਈ। ਦੌਰਾਨੇ ਛਾਪਾ ਮਾਰੀ ਮੁਖਬਰੀ ਦੇ ਅਧਾਰ ਪਰ ਮੁਕੱਦਮਾ ਨੰਬਰ 14 मिडी 06.01.2021 ਅ/ਧ 188,336 ਹਿੰ:ਦ: ਥਾਣਾ ਸਿਟੀ ਬਰਨਾਲਾ ਬਰਖਿਲਾਫ ਪ੍ਰਦੀਪ ਕੁਮਾਰ ਵਾਸੀ ਕਿਲਾ ਮੁਹੱਲਾ ਪੁਰਾਣਾ ਬਜਾਰ ਬਰਨਾਲਾ ਦੇ ਦਰਜ ਕਰਕੇ ਦੌਰਾਨੇ ਤਫਤੀਸ ਮੁਕੱਦਮਾ ਹਜਾ ਦੇ ਦੋਸ਼ੀ ਪ੍ਰਦੀਪ ਕੁਮਾਰ ਪੁੱਤਰ ਰੁਮੇਸ਼ ਕੁਮਾਰ ਵਾਸੀ ਕਿਲ੍ਹਾ ਮੁਹੱਲਾ ਪੁਰਾਣਾ ਬਜਾਰ ਬਰਨਾਲਾ ਨੂੰ ਕਾਬੂ ਕਰਕੇ ਉਸ ਦੇ ਕਬਜਾ ਵਿੱਚੋਂ 959 ਗੁੱਟ ਚਾਇਨਾ ਡੋਰ ਪਲਾਸਟਿਕ ਅਤੇ ਅਣਅਧਿਕਾਰਿਤ ਤੋਰ ਪਰ ਰੱਖੇ 03 ਝੱਥੇ ਪਟਾਖੇ ਬ੍ਰਾਮਦ ਕਰਵਾਏ ਗਏ ।
ਇਸੇ ਤਰਾਂ ਮੁਕੱਦਮਾ ਨੰਬਰ 15 ਮਿਤੀ 06.01.202 ਅ/ਧ 188,336 ਹਿੰ:ਦ: ਥਾਣਾ ਸਿਟੀ ਬਰਨਾਲਾ ਬਰਖਿਲਾਫ ਗਗਨਦੀਪ ਸਿੰਘ ਪੁੱਤਰ ਜੀਵਨ ਕੁਮਾਰ ਵਾਸੀ ਨੇੜੇ ਬਾਬਾ ਗਾਂਧਾ ਸਿੰਘ ਸਕੂਲ ਬਰਨਾਲਾ ਦੇ ਦਰਜ ਕਰਕੇ ਦੌਰਾਨੇ ਤਫਤੀਸ ਮੁਕੱਦਮਾ ਹਜਾ ਦੇ ਦੋਸੀ ਗਗਨਦੀਪ ਸਿੰਘ ਪੁੱਤਰ ਜੀਵਨ ਕੁਮਾਰ ਵਾਸੀ ਨੇੜੇ ਬਾਬਾ ਗਾਂਧਾ ਸਿੰਘ ਸਕੂਲ ਬਰਨਾਲਾ ਨੂੰ ਕਾਬੂ ਕਰਕੇ ਉਸਦੇ ਕਬਜਾ ਵਿੱਚੋਂ 05 ਸੁੱਟ ਚਾਇਨਾ ਡੋਰ ਪਲਾਸਟਿਕ ਬਾਮਦ ਕਰਵਾਈ ਗਈ। ਮੁਕੱਦਮਾਤ ਦੀ ਤਫਤੀਸ਼ ਜਾਰੀ ਹੈ।
ਸੀ.ਆਈ.ਏ.ਦੀ ਟੀਮ ਨੇ ਫੜ੍ਹੇ 90 ਰੋਲ 
ਉੱਧਰ ਬਲਜੀਤ ਸਿੰਘ ਇੰਸਪੈਕਟਰ ਇੰਚਾਰਜ ਸੀਆਈਏ ਬਰਨਾਲਾ ਦੀ ਅਗਵਾਈ ਹੇਠ ਸਪੈਸ਼ਲ ਟੀਮਾ ਨੇ ਕਾਰਵਾਈ ਕਰਦੇ ਹੋਏ ਥਾਣੇ ਗੁਰਬਚਨ ਸਿੰਘ ਸੀਆਈਏ ਸਟਾਫ ਬਰਨਾਲਾ ਨੇ ਦੋਸ਼ੀ ਨਰੇਸ਼ ਕੁਮਾਰ ਪੁੱਤਰ ਮਹਿੰਦਰਪਾਲ ਸਿੰਘ ਵਾਸੀ ਗਿੱਲ ਪੱਤੀ ਕੋਟਦੁੱਨਾ ਖਿਲਾਫ ਮੁਕੱਦਮਾ ਨੰਬਰ 03 ਮਿਤੀ 06/01/2021 / 188 , 336 IPC ਥਾਣਾ ਧਨੌਲਾ ਦਰਜ ਰਜਿਸਟਰ ਕਰਵਾ ਕੇ 12 ਰੋਲ ਚਾਇਨਾ ਡੋਰ ਨੂੰ ਬਰਾਮਦ ਕਰਵਾ ਕੇ ਗ੍ਰਿਫਤਾਰ ਕੀਤਾ, ਸ:ਥ ਸਰੀਫ ਖਾਨ ਸੀਆਈਏ ਸਟਾਫ ਬਰਨਾਲਾ ਨੇ ਦੋਸ਼ੀ ਬਲਦੇਵ ਸਿੰਘ ਉਰਫ ਬਿੱਟੂ ਪੁੱਤਰ ਰਾਮ ਸਰੂਪ ਵਾਸੀ ਪੱਤੀ ਗਿੱਲ ਦਹੂਰੀ ਸਹਿਣਾ ਅਤੇ ਜਗਜੀਤ ਸਿੰਘ ਪੁੱਤਰ ਭਗਵਾਨ ਸਿੰਘ ਵਾਸੀ ਮੌੜ ਪੱਤੀ ਸਹਿਣਾ ਖਿਲਾਫ ਮੁਕੱਦਮਾ ਨੰਬਰ 1 ਮਿਤੀ 06/01/2021 ਅ/ਧ 188,336 IPc ਥਾਣਾ ਸਹਿਣਾ ਦਰਜ ਰਜਿਸਟਰ ਕਰਵਾ ਕੇ 78 ਰੋਲ ਚਾਇਨਾ ਡੋਰ ਨੂੰ ਬਰਾਮਦ ਕਰਵਾ ਕੇ ਗ੍ਰਿਫਤਾਰ ਕੀਤਾ ਹੈ। ਕੁੱਲ ਬਾਮਦਗੀ:-90 ਰੋਲ ਚਾਇਨਾ ਡੋਰ
