ਹੁਣ ਹਰਬੰਤ ਕੌਰ ਐਸ.ਪੀ. ਐਚ ਅਤੇ ਜਗਵਿੰਦਰ ਸਿੰਘ ਹੋਣਗੇ ਐਸ.ਪੀ. ਪੀਬੀਆਈ
ਹਰਿੰਦਰ ਨਿੱਕਾ ਬਰਨਾਲਾ 31 ਜੁਲਾਈ 2020
ਪੰਜਾਬ ਪੁਲਿਸ ਚ, ਵੀਰਵਾਰ ਰਾਤੀ ਸਰਕਾਰ ਦੁਆਰਾ ਕੀਤੇ ਵੱਡੇ ਫੇਰਬਦਲ ਦਰਮਿਆਨ ਬਰਨਾਲਾ ਜਿਲ੍ਹੇ ਦੇ ਵੀ 2 ਐਸਪੀ ਅਤੇ ਡੀਐਸਪੀ ਦਾ ਤਬਾਦਲਾ ਕਰ ਦਿੱਤਾ ਗਿਆ ਹੈ। ਐਸ.ਪੀ. ਹੈਡਕੁਆਟਰ ਰਤਨ ਸਿੰਘ ਬਰਾੜ ਦਾ ਤਬਾਦਲਾ ਕਰਕੇ ਉਨਾਂ ਨੂੰ ਐਸ.ਪੀ. ਹੈਡਕੁਆਟਰ ਲੁਧਿਆਣਾ ਦਿਹਾਤੀ ਲਾਇਆ ਗਿਆ ਹੈ। ਬਰਾੜ ਦੀ ਥਾਂ ਹੁਣ ਪਟਿਆਲਾ ਦੇ ਡੀਐਸਪੀ ਕ੍ਰਾਈਮ ਅਗੇਂਸਟ ਵੂਮੇਨ ਤੋਂ ਪਦਉੱਨਤ ਹੋ ਕੇ ਐਸਪੀ ਬਣੇ ਹਰਬੰਤ ਕੌਰ ਅਹੁਦਾ ਸੰਭਾਲਣਗੇ। ਜਦੋਂ ਕਿ ਐਸਪੀ ਪੀਬੀਆਈ ਰੁਪਿੰਦਰ ਭਾਰਦਵਾਜ ਦਾ ਤਬਾਦਲਾ ਆਈਆਰਬੀ ਪਠਾਨਕੋਟ ਕਰ ਦਿੰਤਾ ਗਿਆ ਹੈ। ਉਨਾਂ ਦੀ ਥਾਂ ਖੰਨਾ ਦੇ ਐਸਪੀ ਡੀ ਜਗਵਿੰਦਰ ਸਿੰਘ ਨੂੰ ਬਰਨਾਲਾ ਤਾਇਨਾਤ ਕੀਤਾ ਗਿਆ ਹੈ। 
ਇਸੇ ਤਰਾਂ ਬਰਨਾਲਾ ਦੇ ਡੀਐਸਪੀ ਪੀਬੀਆਈ ਜਸਵੀਰ ਸਿੰਘ ਨੂੰ ਐਸਪੀ ਬਣਨ ਤੋਂ ਬਾਅਦ ਪਹਿਲੀ ਪੋਸਟਿੰਗ ਐਸਪੀ ਇਨਵੈਸਟੀਗੇਸ਼ਨ ਪੰਜਾਬ ਦੇ ਤੌਰ ਦੇ ਕੀਤੀ ਗਈ ਹੈ।
