ਰਾਤ ਤੋਂ ਹੁਣ ਤੱਕ ਬਾਜਵਾ ਪੱਤੀ ਦੀ ਬੱਤੀ ਹੋਈ ਗੁੱਲ
ਰਵੀ ਸੈਣ ਬਰਨਾਲਾ 30 ਜੁਲਾਈ 2020
ਸਾਬਕਾ ਮਰਹੂਮ ਅਕਾਲੀ ਵਿਧਾਇਕ ਮਲਕੀਤ ਸਿੰਘ ਕੀਤੂ ਦੀ ਕੋਠੀ ਦੇ ਕੋਲ ਮਾਤਾ ਗੁਲਾਬ ਕੌਰ ਯਾਦਗਾਰੀ ਚੌਂਕ ਚ, ਇੱਕ ਟਰੱਕ ਬਿਜਲੀ ਦੇ ਖੰਭੇ ਨਾਲ ਟਕਰਾ ਗਿਆ। ਟਰੱਕ ਦੀ ਫੇਟ ਨਾਲ ਖੰਭਾ ਤਾਂ ਟੁੱਟ ਕੇ ਟੇਡਾ ਤਾਂ ਹੋਇਆ ਹੀ,ਨਾਲ ਹੀ ਟ੍ਰੈਫਿਕ ਪੁਲਿਸ ਵੱਲੋਂ ਟ੍ਰੈਫਿਕ ਕੰਟਰੋਲ ਕਰਨ ਲਈ ਰੱਖੇ ਬੈਰੀਕੇਡ ਵੀ ਤੋੜ ਦਿੱਤੇ । ਪਰੰਤੂ ਖੰਭੇ ਨੇ ਟਰੱਕ ਦੀ ਰਫਤਾਰ ਨੂੰ ਬਰੇਕ ਲਗਾ ਕੇ ਵੱਡਾ ਹਾਦਸਾ ਟਾਲ ਦਿੱਤਾ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੁੱਧਵਾਰ ਰਾਤ ਕਰੀਬ 9.30 ਕੁ ਵਜੇ ਬੋਨ ਕੰਪਨੀ ਦਾ ਟਰੱਕ ਇੱਥੋਂ ਲੰਘ ਰਿਹਾ ਸੀ, ਤਾਂ ਅਚਾਣਕ ਬੇਕਾਬੂ ਹੋ ਕੇ ਇੱਕ ਕਰਿਆਣਾ ਦੁਕਾਨ ਦੇ ਬਿਲਕੁਲ ਨਾਲ ਲੱਗੇ ਬਿਜਲੀ ਦੇ ਖੰਭੇ ਨਾਲ ਟਕਰਾ ਗਿਆ । 
ਹਾਦਸੇ ਦਾ ਖੜ੍ਹਾਕ ਇੱਨਾਂ ਜਬਰਦਸਤ ਹੋਇਆ ਕਿ ਆਸ ਪਾਸ ਘਰਾਂ ਤੋਂ ਲੋਕ ਇੱਕ ਦਮ ਬਾਹਰ ਆ ਗਏ। ਪਰੰਤੂ ਉਦੋਂ ਤੱਕ ਅਣਪਛਾਤਾ ਟਰੱਕ ਡਰਾਈਵਰ ਹਾਦਸੇ ਵਾਲੀ ਜਗ੍ਹਾ ਤੋਂ ਖਿਸਕ ਚੁੱਕਾ ਸੀ। ਇਸ ਲਈ ਹਾਦਸੇ ਦੀ ਅਸਲ ਵਜ੍ਹਾ ਦਾ ਪਤਾ ਹਾਲੇ ਤੱਕ ਨਹੀਂ ਲੱਗ ਸਕਿਆ। ਹਾਦਸੇ ਚ, ਵੀ ਚੰਗਾ ਪੱਖ ਇਹ ਰਿਹਾ ਕਿ ਇਸ ਹਾਦਸੇ ਨਾਲ ਕੋਈ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ। ਪਰੰਤੂ ਖੰਭਾ ਟੁੱਟ ਜਾਣ ਨਾਲ ਇਲਾਕੇ ਦੀ ਬੱਤੀ ਗੁੱਲ ਹੋ ਗਈ। ਦੁਕਾਨਦਾਰ ਨਾਹਰ ਸਿੰਘ ਮਿਸਤਰੀ ਅਤੇ ਸ਼ੰਕਰ ਸ਼ਰਮਾ ਨੇ ਦੱਸਿਆ ਕਿ ਇਹ ਇਲਾਕਾ ਕਾਫੀ ਭੀੜਭਾੜ ਵਾਲਾ ਹੈ।
ਜੇਕਰ ਇਹ ਹਾਦਸੇ ਕੁਝ ਸਮਾਂ ਪਹਿਲਾਂ ਹੋਇਆ ਹੁੰਦਾ ਤਾਂ, ਜਾਨੀ ਨੁਕਸਾਨ ਵੀ ਹੋ ਸਕਦਾ ਸੀ। ਉਨਾਂ ਦੱਸਿਆ ਕਿ ਰਾਸਤੇ ਚ, 13 ਘੰਟਿਆਂ ਤੱਕ ਆਵਾਜਾਈ ਚ, ਵੀ ਵਿਘਨ ਪਿਆ। ਪਰੰਤੂ ਟ੍ਰੈਫਿਕ ਪੁਲਿਸ ਦੇ ਕਰਮਚਾਰੀਆਂ ਨੇ ਵੀਰਵਾਰ ਕਰੀਬ 10-30 ਵਜੇ ਟਰੱਕ ਨੂੰ ਉੱਥੋਂ ਹਟਾ ਕੇ ਟ੍ਰੈਫਿਕ ਚ, ਪੈਦਾ ਹੋਈ ਰੁਕਾਵਟ ਦੂਰ ਕਰਕੇ ਲੋਕਾਂ ਨੂੰ ਰਾਹਤ ਦਿੱਤੀ।
