ਜਿੱਤ ਦੇ ਜਸ਼ਨ ਦੌਰਾਨ ‘ਆਪ’ ਵੱਲੋਂ 2027 ਦੀਆਂ ਤਿਆਰੀਆਂ ਸ਼ੁਰੂ, ਮੀਤ ਹੇਅਰ
ਹਰਿੰਦਰ ਨਿੱਕਾ, ਬਰਨਾਲਾ 30 ਮਈ 2026:
ਨਗਰ ਨਿਗਮ ਅਤੇ ਨਗਰ ਕੌਂਸਲ ਦੀਆਂ ਚੋਣਾਂ ਵਿੱਚ ਆਮ ਆਦਮੀ ਪਾਰਟੀ (ਆਪ) ਨੂੰ ਮਿਲੀ ਇਤਿਹਾਸਿਕ ਜਿੱਤ ਤੋਂ ਬਾਅਦ ਪਾਰਟੀ ਹੁਣ ਪੂਰੀ ਤਰ੍ਹਾਂ ‘2027’ ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਮਿਸ਼ਨ ਵਿੱਚ ਜੁਟ ਗਈ ਹੈ। ਇਸ ਇਤਿਹਾਸਕ ਸਫ਼ਲਤਾ ਤੋਂ ਗਦਗਦ ਹੋਏ ਹਲਕਾ ਸੰਸਦ ਮੈਂਬਰ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਅੱਜ ਬਰਨਾਲਾ ਪ੍ਰੈੱਸ ਕਲੱਬ ਵਿਖੇ ਮੀਡੀਆ ਨਾਲ ਰੂਬਰੂ ਹੁੰਦਿਆਂ ਵਿਰੋਧੀਆਂ ‘ਤੇ ਤਿੱਖੇ ਨਿਸ਼ਾਨੇ ਸਾਧੇ। ਇਸ ਦੇ ਨਾਲ ਹੀ ਉਨ੍ਹਾਂ ਨਵੇਂ ਚੁਣੇ ਗਏ 36 ਕੌਂਸਲਰਾਂ ਦੀ ਵਿਸ਼ੇਸ਼ ‘ਕਲਾਸ’ ਲਾਉਂਦਿਆਂ ਉਨ੍ਹਾਂ ਨੂੰ ਦਿਨ-ਰਾਤ ਜਨਤਾ ਦੀ ਸੇਵਾ ਵਿੱਚ ਜੁਟੇ ਰਹਿਣ ਅਤੇ ਨਿਮਰਤਾ ਧਾਰਨ ਕਰਨ ਦਾ ਪਾਠ ਪੜ੍ਹਾਇਆ। ਭਾਵੇਂ ਪਾਰਟੀ ਨੂੰ ਅਜੇ ਸ਼ਹਿਰ ਵਿੱਚ ਆਪਣਾ ‘ਮੇਅਰ’ ਚੁਣਨ ਲਈ ਥੋੜ੍ਹੀ ਜੱਦੋ-ਜਹਿਦ ਕਰਨੀ ਪੈ ਸਕਦੀ ਹੈ, ਪਰ ਮੀਤ ਹੇਅਰ ਨੇ ਅਗਲੀਆਂ ਵਿਧਾਨ ਸਭਾ ਚੋਣਾਂ ਲਈ ਹੁਣੇ ਤੋਂ ਹੀ ਬਿਗਲ ਵਜਾ ਦਿੱਤਾ ਹੈ।
ਬਰਨਾਲਾ ਦੇ ਇਤਿਹਾਸ ‘ਚ ਪਹਿਲੀ ਵਾਰ 72 ਫੀਸਦੀ ਸੀਟਾਂ ‘ਤੇ ਕਬਜ਼ਾ। 
ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਮੀਤ ਹੇਅਰ ਨੇ ਕਿਹਾ ਕਿ ‘ਆਪ’ ਨੇ ਬਰਨਾਲਾ ਸ਼ਹਿਰ ਦੇ ਰਾਜਨੀਤਿਕ ਇਤਿਹਾਸ ਵਿੱਚ ਪਹਿਲੀ ਵਾਰ 50 ਵਿੱਚੋਂ 36 ਸੀਟਾਂ ਜਿੱਤ ਕੇ ਇੱਕ ਨਵਾਂ ਰਿਕਾਰਡ ਸਥਾਪਿਤ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਪਹਿਲਾਂ ਕਦੇ ਵੀ ਕਿਸੇ ਸੱਤਾਧਾਰੀ ਧਿਰ ਨੂੰ ਚੋਣਾਂ ਵਿੱਚ 72 ਪ੍ਰਤੀਸ਼ਤ ਸੀਟਾਂ ਹਾਸਲ ਨਹੀਂ ਹੋਈਆਂ ਸਨ। ਉਨ੍ਹਾਂ ਇਸ ਸ਼ਾਨਦਾਰ ਜਿੱਤ ਲਈ ਬਰਨਾਲਾ ਦੇ ਲੋਕਾਂ ਦਾ ਧੰਨਵਾਦ ਕੀਤਾ ਅਤੇ ਨਵੇਂ ਚੁਣੇ ਕੌਂਸਲਰਾਂ ਨੂੰ ਵਧਾਈ ਦਿੱਤੀ।
“ਜਿੱਤਣ ਤੋਂ ਬਾਅਦ ਕੌਂਸਲਰ ਸਭ ਦਾ ਹੁੰਦਾ ਹੈ, ਹੰਕਾਰ ਤੋਂ ਬਚੋ”
ਨਵੇਂ ਕੌਂਸਲਰਾਂ ਨੂੰ ਸਖ਼ਤ ਨਸ਼ੀਹਤਾਂ ਦਿੰਦਿਆਂ ਮੀਤ ਹੇਅਰ ਨੇ ਕਿਹਾ ਕਿ ਜਿੱਤਣ ਤੋਂ ਬਾਅਦ ਕੌਂਸਲਰ ਕਿਸੇ ਇੱਕ ਪਾਰਟੀ ਦਾ ਨਹੀਂ ਬਲਕਿ ਪੂਰੇ ਵਾਰਡ ਦਾ ਹੁੰਦਾ ਹੈ, ਚਾਹੇ ਕਿਸੇ ਨੇ ਵੋਟ ਪਾਈ ਹੋਵੇ ਜਾਂ ਨਾ। ਉਨ੍ਹਾਂ ਕਿਹਾ:
“ਜਿੱਤ ਤੋਂ ਬਾਅਦ ਕਿਸੇ ਤਰ੍ਹਾਂ ਦਾ ਹੰਕਾਰ ਕਰਨਾ ਭਵਿੱਖ ਲਈ ਨੁਕਸਾਨਦੇਹ ਹੁੰਦਾ ਹੈ। ਜਿਵੇਂ ਤੁਸੀਂ ਹੱਥ ਜੋੜ ਕੇ ਨਿਵ ਕੇ ਵੋਟਾਂ ਮੰਗੀਆਂ ਸਨ, ਉਵੇਂ ਹੀ ਨਿਮਰਤਾ ਨਾਲ ਲੋਕਾਂ ਦੇ ਕੰਮ ਕਰੋ। ਤੁਸੀਂ ਜਨਤਾ ਦੇ ‘ਸੇਵਕ’ ਹੋ ਅਤੇ ਸੇਵਕ ਬਣ ਕੇ ਹੀ ਵਿਚਰਨਾ ਹੈ।”
ਬੀਬੀਆਂ ਦੇ ਹਜ਼ਾਰ-ਹਜ਼ਾਰ ਰੁਪਏ ਨਾਲ ਟੁੱਟੇਗਾ 92 ਸੀਟਾਂ ਦਾ ਰਿਕਾਰਡ
ਮੀਤ ਹੇਅਰ ਨੇ ਦਾਅਵਾ ਕੀਤਾ ਕਿ ਪੰਜਾਬ ਵਿੱਚ ‘ਆਪ’ ਸਰਕਾਰ ਦੇ ਕੰਮਾਂ ਦੀ ਜ਼ਬਰਦਸਤ ਚਰਚਾ ਹੈ। ਉਨ੍ਹਾਂ ਕਿਹਾ ਕਿ ਜਿਸ ਦਿਨ ਬੀਬੀਆਂ ਦੇ ਖਾਤਿਆਂ ਵਿੱਚ ਚਾਰ-ਚਾਰ ਮਹੀਨਿਆਂ ਦੇ ਰੁਕੇ ਹੋਏ ਹਜ਼ਾਰ-ਹਜ਼ਾਰ ਰੁਪਏ ਗਏ, ਉਸ ਦਿਨ ਵਿਰੋਧੀਆਂ ਕੋਲ ਕੋਈ ਵੋਟ ਨਹੀਂ ਬਚਣੀ। ਉਨ੍ਹਾਂ ਕਿਹਾ ਕਿ 50 ਫੀਸਦੀ ਵੋਟਾਂ ਤਾਂ ਇਕੱਲੀਆਂ ਔਰਤਾਂ ਹੀ ‘ਆਪ’ ਨੂੰ ਪਾ ਦੇਣਗੀਆਂ, ਜਿਸ ਨਾਲ ਪਿਛਲਾ 92 ਸੀਟਾਂ ਜਿੱਤਣ ਦਾ ਰਿਕਾਰਡ ਵੀ ਟੁੱਟ ਜਾਵੇਗਾ।
ਉਨ੍ਹਾਂ ਵਰਕਰਾਂ ਨੂੰ ਹੱਲਾਸ਼ੇਰੀ ਦਿੰਦਿਆਂ ਕਿਹਾ ਕਿ ਕਿਸੇ ਤੋਂ ਦਬਣ ਦੀ ਲੋੜ ਨਹੀਂ ਹੈ। ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਇੱਕ ‘ਚੁੰਬਕ’ ਵਰਗੇ ਹਰਮਨਪਿਆਰੇ ਲੀਡਰ ਹਨ, ਜੋ ਜਿੱਥੋਂ ਵੀ ਲੰਘਦੇ ਹਨ ਵਿਰੋਧੀਆਂ ਦਾ ‘ਸਫ਼ਾਇਆ’ ਕਰ ਦਿੰਦੇ ਹਨ।
📊 ਬਰਨਾਲਾ ਚੋਣਾਂ ਦਾ ਵੋਟ ਫ਼ੀਸਦ ਅਤੇ ਨਤੀਜੇ
ਪ੍ਰੈੱਸ ਕਾਨਫਰੰਸ ਦੌਰਾਨ ਮੀਤ ਹੇਅਰ ਨੇ ਵਿਰੋਧੀਆਂ ਵੱਲੋਂ ਵੋਟਿੰਗ ਅਤੇ ਗਿਣਤੀ ਦੌਰਾਨ ਲਗਾਏ ਗਏ ਦੋਸ਼ਾਂ ਨੂੰ ਪੂਰੀ ਤਰ੍ਹਾਂ ਬੇਬੁਨਿਆਦ ਤੇ ਤੱਥਹੀਣ ਦੱਸਦਿਆਂ ਵੋਟਾਂ ਦਾ ਚਾਰਟ ਪੇਸ਼ ਕੀਤਾ:
