ਹਰਿੰਦਰ ਨਿੱਕਾ, ਬਰਨਾਲਾ 20 ਜਨਵਰੀ 2025
ਬਰਨਾਲਾ-ਰਾਏਕੋਟ ਰੋਡ ਤੇ ਸਥਿਤ ਸੈਕਰਡ ਹਾਰਟ ਸਕੂਲ ਦੇ ਸਟਾਫ ਨੂੰ ਲੈ ਕੇ ਸੰਘੇੜਾ ਰੋਡ ਤੇ ਹੀ ਬਣੇ ਚਰਚ ਦੀ ਪਾਰਕਿੰਗ ਵਿੱਚ ਇੱਕ ਸਕਾਰਪਿਓ ਗੱਡੀ ਦੇ ਲਾਪਰਵਾਹ ਡਰਾਇਵਰ ਨੇ ਪਾਰਕਿੰਗ ‘ਚ ਖੜੀ ਮਾਸੂਮ ਬੱਚੀ ਦੀ ਜਾਨ ਲੈ ਲਈ। ਪੁਲਿਸ ਨੇ ਮ੍ਰਿਤਕ ਬੱਚੀ ਦੇ ਪਿਤਾ ਦੇ ਬਿਆਨ ਪਰ ਡਰਾਇਵਰ ਖਿਲਾਫ ਐਫਆਈਆਰ ਦਰਜ ਕਰਕੇ,ਦੋਸ਼ੀ ਨੂੰ ਗਿਰਫਤਾਰ ਕਰਕੇ,ਅਗਲੀ ਕਾਨੂੰਨੀ ਕਾਰਵਾਈ ਵੀ ਆਰੰਭ ਦਿੱਤੀ ਹੈ ਅਤੇ ਪੋਸਟਮਾਰਟ ਉਪਰੰਤ ਬੱਚੀ ਦੀ ਲਾਸ਼ ਵਾਰਿਸਾਂ ਦੇ ਸਪੁਰਦ ਕਰ ਦਿੱਤੀ ਹੈ। ਮ੍ਰਿਤਕ ਬੱਚੀ ਦੀ ਮਾਂ ਅਨੁਪਮ ਲਾਕਰਾ ਨੇ ਵਿਰਲਾਪ ਕਰਦਿਆਂ ਕਿਹਾ ਕਿ ਸਕਾਰਪਿਉ ਦੇ ਡਰਾਇਵਰ ਨੇ ਗੱਡੀ ਦਾ ਅਗਲਾ ਤੇ ਪਿਛਲਾ, ਦੋਵੇਂ ਟਾਇਰਾਂ ਨਾਲ ਬੱਚੀ ਨੂੰ ਬੇਰਹਿਮੀ ਨਾਲ ਕੁਚਲ ਦਿੱਤਾ। ਪ੍ਰਸ਼ਾਸ਼ਨ ਤੋਂ ਮੰਗ ਕੀਤੀ ਕਿ ਮਾਸੂਮ ਦੀ ਮੌਤ ਲਈ ਜਿੰਮੇਵਾਰ ਦੋਸ਼ੀਆਂ ਖਿਲਾਫ ਸਖਤ ਤੋਂ ਸਖਤ ਕਾਨੂੰਨੀ ਕਾਰਵਾਈ ਕਰਕੇ ਸਾਨੂੰ ਇਨਸਾਫ ਬਖਸ਼ਿਆ ਜਾਵੇ।
ਪੁਲਿਸ ਨੂੰ ਦਿੱਤੇ ਬਿਆਨ ‘ਚ ਸੂਰਜ ਬਾਗ ਪੁੱਤਰ ਚਿਤਰਸੈਨ ਬਾਗ R/O BAGIRIJHOLLA P.O HADIGDA PS DORAGUDA DISST. RAYAGADA (ODISHA) ਹਾਲ ਵਾਸੀ ਐਵਰਗਰੀਨ ਇਨਕਲੇਵ ਬਰਨਾਲਾ ਕਿ ਉਹ ਸ੍ਰੀ ਚੈਤਨਿਆ ਟੈਕਨੋ ਸਕੂਲ ਹੰਢਿਆਇਆ ਰੋਡ ਸਾਹਮਣੇ ਪਰਗਟਸਰ ਗੁਰਦਵਾਰਾ ਸਾਹਿਬ ਬਰਨਾਲਾ ਵਿਖੇ ਜੋਨਲ ਡੀਨ ਦੀ ਨੋਕਰੀ ਕਰਦਾ ਹੈ। ਉਹ 19 ਜਨਵਰੀ ਨੂੰ ਆਪਣੀ ਪਤਨੀ ਤੇ ਬੱਚਿਆਂ ਨੂੰ ਨਾਲ ਲੈ ਕੇ, ਚਰਚ ਸੰਘੇੜਾ ਰੋਡ ਬਰਨਾਲਾ ਵਿਖੇ ਅਰਦਾਸ ਲਈ ਗਏ ਹੋਏ ਸੀ।
ਜਦੋਂ ਉਹ ਵਾਪਸੀ ਪਰ ਵਕਤ ਕਰੀਬ 5.30 ਵਜੇ ਸ਼ਾਮ ਪਰਿਵਾਰ ਸਮੇਤ ਚਰਚ ਦੇ ਬਾਹਰ ਪਾਰਕਿੰਗ ਵਿੱਚ ਆ ਕੇ ਖੜਾ ਹੋਇਆ ਤਾਂ ਉਸ ਦੀ ਛੋਟੀ ਲੜਕੀ ਲੜਕੀ ਜੋਆ ਬਾਗ ਉਮਰ ਕਰੀਬ ਢਾਈ ਸਾਲ ਪਾਰਕਿਗ ਵਿੱਚ ਹੀ ਖੇਡ ਰਹੀ ਸੀ ਤਾਂ ਉੱਥੇ ਪਾਰਕਿਗ ਵਿੱਚੋਂ ਹੀ
ਸੈਕਰਟ ਹਾਰਟ ਸਕੂਲ ਦਾ ਸਟਾਫ PB 19 W-0781 ਮਾਰਕਾ ਸਕਾਰਪਿਊ ਵਿੱਚ ਸਵਾਰ ਸੀ ਤਾਂ ਗੱਡੀ ਚਾਲਕ ਜਸਵਿੰਦਰ ਸਿੰਘ ਪੁੱਤਰ ਪੱਪੂ ਵਾਸੀ ਅੱਬੂਬ ਸ਼ਹਿਰ ਜਿਲਾ ਸਿਰਸਾ (ਹਰਿਆਣਾ) ਨੇ ਬਹੁਤ ਹੀ ਤੇਜ ਰਫਤਾਰ ਅਤੇ ਲਾਪਰਵਾਹੀ ਤੇ ਅਣਗਹਿਲੀ ਨਾਲ ਚਲਾਂਉਦੇ ਹੋਏ ,ਉਸ ਦੀ ਲੜਕੀ ਜੋਆ ਬਾਗ ਵਿੱਚ ਮਾਰੀ ਤੇ ਗੱਡੀ ਜੋਆ ਬਾਗ ਦੇ ਉਪਰ ਦੀ ਲੰਘ ਗਈ। ਜਦੋਂ ਗੰਭੀਰ ਹਾਲਤ ਵਿੱਚ ਉਹ ਜੋਆ ਬਾਗ ਨੂੰ ਸਰਕਾਰੀ ਹਸਪਤਾਲ ਬਰਨਾਲਾ ਲੈ ਆਇਆ ਤਾਂ ਡਾਕਟਰ ਨੇ ਜੋਆ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ।
ਸੈਕਰਟ ਹਾਰਟ ਸਕੂਲ ਦਾ ਸਟਾਫ PB 19 W-0781 ਮਾਰਕਾ ਸਕਾਰਪਿਊ ਵਿੱਚ ਸਵਾਰ ਸੀ ਤਾਂ ਗੱਡੀ ਚਾਲਕ ਜਸਵਿੰਦਰ ਸਿੰਘ ਪੁੱਤਰ ਪੱਪੂ ਵਾਸੀ ਅੱਬੂਬ ਸ਼ਹਿਰ ਜਿਲਾ ਸਿਰਸਾ (ਹਰਿਆਣਾ) ਨੇ ਬਹੁਤ ਹੀ ਤੇਜ ਰਫਤਾਰ ਅਤੇ ਲਾਪਰਵਾਹੀ ਤੇ ਅਣਗਹਿਲੀ ਨਾਲ ਚਲਾਂਉਦੇ ਹੋਏ ,ਉਸ ਦੀ ਲੜਕੀ ਜੋਆ ਬਾਗ ਵਿੱਚ ਮਾਰੀ ਤੇ ਗੱਡੀ ਜੋਆ ਬਾਗ ਦੇ ਉਪਰ ਦੀ ਲੰਘ ਗਈ। ਜਦੋਂ ਗੰਭੀਰ ਹਾਲਤ ਵਿੱਚ ਉਹ ਜੋਆ ਬਾਗ ਨੂੰ ਸਰਕਾਰੀ ਹਸਪਤਾਲ ਬਰਨਾਲਾ ਲੈ ਆਇਆ ਤਾਂ ਡਾਕਟਰ ਨੇ ਜੋਆ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ। ਡੀ.ਐਸ.ਪੀ. ਸਤਵੀਰ ਸਿੰਘ ਬੈਂਸ ਨੇ ਮੀਡੀਆ ਨੂੰ ਦੱਸਿਆ ਕਿ ਪੁਲਿਸ ਨੇ ਥਾਣਾ ਸਿਟੀ 1 ਬਰਨਾਲਾ ਵਿਖੇ ਗੱਡੀ ਦੇ ਡਰਾਇਵਰ ਜਸਵਿੰਦਰ ਸਿੰਘ ਦੇ ਖਿਲਾਫ ਅਧੀਨ ਜੁਰਮ 106 (1), 281 BNS ਤਹਿਤ ਕੇਸ ਦਰਜ ਕਰਕੇ,ਗੱਡੀ ਕਬਜੇ ਵਿੱਚ ਲੈ ਕੇ ਡਰਾਇਵਰ ਨੂੰ ਗਿਰਫਤਾਰ ਵੀ ਕਰ ਲਿਆ ਹੈ ਅਤੇ ਲਾਸ਼ ਪੋਸਟਮਾਰਟਮ ਉਪਰੰਤ ਵਾਰਿਸਾਂ ਹਵਾਲੇ ਕਰ ਦਿੱਤੀ ਹੈ।
