ਹਰਿੰਦਰ ਨਿੱਕਾ, ਬਰਨਾਲਾ 22 ਅਕਤੂਬਰ 2024
ਆਮ ਆਦਮੀ ਪਾਰਟੀ ਦੀ ਨਿਉਂ ਜੜ੍ਹ ਲਾਉਣ ਵਾਲੇ ਜਿਲ੍ਹਾ ਬਰਨਾਲਾ ਅੰਦਰ ਹੀ,ਆਪ ਨੂੰ ਜਿਮਨੀ ਚੋਣ ਵਿਚ ਭਾਰੀ ਮੁਸਕਿਲਾਂ ਦਾ ਸਾਹਮਣਾ ਕਰਨਾ ਪੈ ਗਿਆ ਹੈ। ਪਾਰਟੀ ਉਮੀਦਵਾਰ ਹਰਿੰਦਰ ਸਿੰਘ ਧਾਲੀਵਾਲ ਦਾ ਵਿਧਾਨ ਸਭਾ ਦੀਆਂ ਪੌੜੀਆਂ ਚੜ੍ਹਨ ਵਾਲਾ ਰਾਹ, ਪਾਰਟੀ ਦੇ ਜਿਲ੍ਹਾ ਪ੍ਰਧਾਨ ਗੁਰਦੀਪ ਸਿੰਘ ਬਾਠ ਅਤੇ ਪਾਰਟੀ ਲਈ ਦਿਨ ਰਾਤ ਇੱਕ ਕਰਨ ਵਾਲੇ ਆਗੂਆਂ ਤੇ।ਵਾਲੰਟੀਅਰਾਂ ਨੇ ਹੀ ਰੋਕ ਲਿਆ ਹੈ।
ਕਰੀਬ ਸੱਤ ਵਰਿਆਂ ਤੋਂ ਜਿਲ੍ਹੇ ਦੀ ਵਾਗਡੋਰ ਸੰਭਾਲ ਰਹੇ ਗੁਰਦੀਪ ਬਾਠ ਨੇ ਅੱਜ ਦਿਨ ਚੜ੍ਹਦਿਆਂ ਹੀ ਜਿਲ੍ਹਾ ਯੋਜਨਾ ਬੋਰਡ ਦੀ ਚੇਅਰਮੈਨੀ ਨੂੰ ਠੋਕਰ ਮਾਰਦਿਆਂ ਅਸਤੀਫਾ ਦੇਣ।ਦਾ ਐਲਾਨ ਕਰਕੇ, ਪਾਰਟੀ ਲਈ ਮੁਸੀਬਤ ਖੜੀ ਕਰਦਿਆਂ, ਖੁਦ ਚੋਣ ਮੈਦਾਨ ਵਿੱਚ ਉੱਤਰਨ ਦਾ ਫੈਸਲਾ ਕਰਕੇ,ਸੁਲ੍ਹਾ ਸਫਾਈ ਦੀਆਂ ਕੋਸ਼ਿਸ਼ਾਂ ਨੂੰ ਵਿਰਾਮ ਲਗਾ ਦਿੱਤਾ। 
ਗੁਰਦੀਪ ਬਾਠ ਨੇ ਸੋਸ਼ਲ ਮੀਡੀਆ ਤੇ ਪੋਸਟ ਸਾਂਝੀ।ਕਰਕੇ, ਲਿਖਿਆ ਹੈ ਕਿ ਹੁਣ ਲੋਕ ਕਚਿਹਰੀ ਵਿੱਚ ਹੀ ਮਿਲਾਂਗੇ। ਬਾਠ ਦੇ ਇਸ ਕਦਮ ਨੇ ਫਿਲਹਾਲ ਇਹ।ਗੱਲ ਸਾਫ ਕਰ।ਦਿੱਤੀ ਕਿ ਉਹ ਵਰਕਰਾਂ ਨੂੰ ਦਿੱਤੀ ਜੁਬਾਨ ਅਤੇ ਪ੍ਰੈਸ ਨੂੰ ਦਿੱਤੇ ਬਿਆਨ ਤੋਂ ਪਿੱਛੇ ਨਹੀਂ ਹਟਣਗੇ। ਬਾਠ ਦੇ ਇਸ ਕਦਮ ਨੂੰ ਸ਼ੋਸਲ ਮੀਡੀਆ ਤੇ।ਕਾਫੀ ਸਰਾਹਿਆ ਜਾ ਰਿਹਾ ਹੈ।
