ਰਘਵੀਰ ਹੈਪੀ, ਬਰਨਾਲਾ 24 ਅਪ੍ਰੈਲ 2024
ਜਿਲ੍ਹੇ ਦੀ ਪ੍ਰਸਿੱਧ ਸੰਸਥਾ ਟੰਡਨ ਇੰਟਰਨੈਸ਼ਨਲ ਸਕੂਲ ਵੱਲੋਂ ਅੱਜ ਵੈਨ ਡਰਾਈਵਰਾਂ ਦੀਆਂ ਅੱਖਾਂ ਦਾ ਚੈਕਅੱਪ ਕਰਵਾਉਣ ਲਈ, ਉਨ੍ਹਾਂ ਨੂੰ ਇਲਾਕੇ ਦੇ ਪ੍ਰਸਿੱਧ ਪ੍ਰੇਮ ਅੱਖਾਂ ਦੇ ਹਸਪਤਾਲ ਲਿਜਾਇਆ ਗਿਆ।
ਇਹ ਚੈਕਅੱਪ , ਅੱਖਾਂ ਦੇ ਮਾਹਿਰ ਡਾਕਟਰ ਰੁਪੇਸ਼ ਸਿੰਗਲਾ ਦੀ ਅਗਵਾਈ ਵਿੱਚ ,ਪ੍ਰੇਮ ਅੱਖਾਂ ਦੇ ਹਸਪਤਾਲ ਦੇ ਡਾਕਟਰਾਂ ਦੀ ਟੀਮ ਵੱਲੋਂ ਕੀਤਾ ਗਿਆ । ਇਹ ਚੈਕਅੱਪ ਮਾਣਯੋਗ ਡਿਪਟੀ ਕਮਿਸ਼ਨਰ ਮੈਡਮ ਪੂਨਮ ਦੀਪ ਜੀ ਦੁਆਰਾ ਜ਼ਾਰੀ ਹਦਾਇਤਾਂ ਅਨੁਸਾਰ ਕਰਵਾਇਆ ਗਿਆ । ਸਕੂਲ ਦੇ ਐਮ ਡੀ ਸ਼੍ਰੀ ਸ਼ਿਵ ਸਿੰਗਲਾ ਨੇ ਦੱਸਿਆ ਕਿ ਟੰਡਨ ਸਕੂਲ ਸਾਲ ਵਿੱਚ ਦੋ ਬਾਰ ਆਪਣੇ ਵੈਨ ਡਰਾਈਵਰਾਂ ਦਾ ਹੈਲਥ ਚੈਕਅੱਪ ਹੁੰਦਾ ਹੈ । ਸਾਡਾ ਸਕੂਲ ਪਹਿਲਾਂ ਤੋਂ ਹੀ ਸਕੂਲ ਵੈਨ ਸੇਫਟੀ ਨਿਯਮਾਂ ਦੀ ਪਲਣਾ ਕਰਦਾ ਆ ਰਿਹਾ ਹੈ। ਸਿੰਗਲਾ ਨੇ ਕਿਹਾ ਕਿ ਮਾਣਯੋਗ ਡਿਪਟੀ ਕਮਿਸ਼ਨਰ ਮੈਡਮ ਜੀ ਨਾਲ ਕੱਲ ਦੀ ਮੀਟਿੰਗ ਤੋਂ ਬਾਅਦ ਹੀ ਟੰਡਨ ਸਕੂਲ ਨੇ ਡਾਕਟਰ ਪ੍ਰੇਮ ਹਸਪਤਾਲ ਕੋਲੋਂ ਸਮਾਂ ਲੈ ਲਿਆ ਸੀ। ਅੱਜ ਸਾਰੇ ਡਰਾਈਵਰਾਂ ਦੀਆਂ ਅੱਖਾਂ ਦਾ ਚੈਕਅੱਪ ਕਰਵਾਇਆ ਗਿਆ । 
