ਅਨੁਭਵ ਦੂਬੇ , ਚੰਡੀਗੜ੍ਹ 15 ਜਨਵਰੀ 2024
ਬਰਨਾਲਾ ਸ਼ਹਿਰ ਦੇ ਸਦਰ ਬਾਜਾਰ ਖੇਤਰ ਦੇ ਰਹਿਣ ਵਾਲੇ ਇੱਕ ਵਿਅਕਤੀ ਦੇ ਦੋ ਪਾਸਪੋਰਟ ਅਤੇ ਕੁੱਝ ਹੋਰ ਦਸਤਾਵੇਜ ਚੰਡੀਗੜ੍ਹ ਏਅਰਪੋਰਟ ਰੋਡ ਤੋਂ ਇੱਕ ਟੈਕਸੀ ਡਰਾਇਵਰ ਨੂੰ ਮਿਲੇ ਹਨ। ਅਜਿਹਾ ਦਰਸਾਉਂਦੀ ਇੱਕ ਵੀਡੀਓ ਬਰਨਾਲਾ ਟੂਡੇ ਦੇ ਰਿਪੋਰਟਰ ਕੋਲ ਵੀ ਪਹੁੰਚੀ ਹੈ। ਇਨੋਵਾ ਗੱਡੀ ਦਾ ਓਹ ਚਾਲਕ ਜਿਸ ਨੂੰ ਇਹ ਪਰਸ ਇੱਕ ਛੋਟਾ ਬੈਗ ਡਿੱਗਿਆ ਪਿਆ ਮਿਲਿਆ ਹੈ, ਉਸ ਦਾ ਕਹਿਣਾ ਹੈ ਕਿ ਬੈਗ ਵਿੱਚੋਂ ਦੋ ਪਾਸਪੋਰਟ, ਅਧਾਰ ਕਾਰਡ ਅਤੇ ਕੁੱਝ ਹੋਰ ਦਸਤਾਵੇਜ ਵੀ ਮਿਲੇ ਹਨ। 
ਦਸਤਾਵੇਜਾਂ ਤੇ ਲਿਖੇ ਐਡਰੈਸ ਅਨੁਸਾਰ ਹਨੀਸ਼ ਖੁਰਾਣਾ ਪੁੱਤਰ ਰਾਜੇਸ਼ ਖੁਰਾਣਾ, ਮਕਾਨ ਨੰਬਰ B-2 /53 ਸਦਰ ਬਾਜਾਰ ਬਰਨਾਲਾ ਦਾ ਰਹਿਣ ਵਾਲਾ ਹੈ। ਦੋ ਪਾਸਪੋਰਟਾਂ ਵਿੱਚੋਂ ਇੱਕ ਯੂਕੇ ਜਦੋਂਕਿ ਦੂਸਰਾ ਪਾਸਪੋਰਟ ਇੰਡੀਅਨ ਹੈ। ਅਧਾਰ ਕਾਰਡ ਉਪਰ ਲਿਖਿਆ ਫੋਨ ਨੰਬਰ ਵੀ ਬੰਦ ਆ ਰਿਹਾ ਹੈ। ਜਿਸ ਟੈਕਸੀ ਡਰਾਇਵਰ ਨੂੰ ਇਹ ਸਮਾਨ ਮਿਲਿਆ ਹੈ, ਉਸ ਨੇ ਵੀਡੀਓ ਵਿੱਚ ਆਪਣੇ ਦੋ ਮੋਬਾਇਲ ਨੰਬਰ ਵੀ ਸੰਪਰਕ ਕਰਨ ਲਈ ਦਿੱਤੇ ਹੋਏ ਹਨ। 
