ਅਸ਼ੋਕ ਵਰਮਾ , ਬਠਿੰਡਾ 5 ਦਸੰਬਰ 2023
ਡੇਰਾ ਸੱਚਾ ਸੌਦਾ ਸਰਸਾ ਦੇ ਗੱਦੀਨਸ਼ੀਨ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਇੰਸਾਂ ਵੱਲੋਂ ਸਮਾਜਿਕ ਕਾਰਜਾਂ ਲਈ ਕੀਤੀ ਜਾ ਰਹੀ ਅਗਵਾਈ ਨੂੰ ਆਦਰਸ਼ ਮੰਨਦਿਆਂ ਡੇਰੇ ਦੀ ਅਮਰ ਸੇਵਾ ਮੁਹਿੰਮ ਤਹਿਤ ਬਠਿੰਡਾ ’ਚ ਦੋ ਡੇਰਾ ਸ਼ਰਧਾਲੂਆਂ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰੀਵਾਰ ਨੇ ਅੰਤਿਮ ਸਸਕਾਰ ਕਰਨ ਦੀ ਬਜਾਏ ਸਰੀਰਦਾਨ ਕੀਤੇ ਹਨ। ਪਹਿਲਾ ਸਰੀਰਦਾਨ ਬਠਿੰਡਾ ਦੇ ਏਰੀਆ ਮਾਡਲ ਟਾਊਨ ਦੇ 15 ਮੈਂਬਰ ਗਗਨਦੀਪ ਇੰਸਾਂ ਦੇ ਪਿਤਾ ਰੌਸ਼ਨ ਲਾਲ ਇੰਸਾਂ ਦਾ ਹੈ ਜਦੋਂਕਿ ਦੂਸਰਾ ਗੁਰੂ ਨਾਨਕ ਪੁਰਾ ਦੇ ਸੇਵਾਦਾਰ ਕੇਵਲ ਕੁਮਾਰ ਇੰਸਾਂ ਪੱਕੇ ਵਾਲੇ ਦਾ ਹੈ। ਡੇਰਾ ਪ੍ਰੇਮੀ ਰੌਸ਼ਨ ਲਾਲ ਦੀਆਂ ਅੱਖਾਂ ਵੀ ਦਾਨ ਕੀਤੀਆਂ ਹਨ ਜਿੰਨ੍ਹਾਂ ਸਦਕਾ ਦੋ ਹਨੇਰੀਆਂ ਜਿੰਦਗੀਆਂ ’ਚ ਉਜਾਲਾ ਪਰਤੇਗਾ।ਦੋਵਾਂ ਸ਼ਰਧਾਲੂਆਂ ਵੱਲੋਂ ਜਿਉਂਦੇ ਜੀਅ ਪ੍ਰਣ ਕੀਤਾ ਸੀ ਕਿ ਉਨ੍ਹਾਂ ਦੀ ਮੌਤ ਉਪਰੰਤ ਮ੍ਰਿਤਕ ਦੇਹਾਂ ਮੈਡੀਕਲ ਖੋਜਾਂ ਲਈ ਦਾਨ ਕਰ ਦਿੱਤੀਆਂ ਜਾਣ।
ਜਦੋਂ ਦੋਹਾਂ ਡੇਰਾ ਪ੍ਰੇਮੀਆਂ ਦੀਆਂ ਮ੍ਰਿਤਕ ਦੇਹਾਂ ਦਾਨ ਕੀਤੀਆਂ ਗਈਆਂ ਤਾਂ ਮੌਕੇ ਤੇ ਹਾਜ਼ਰ ਸਾਧ ਸੰਗਤ ਨੇ ਪ੍ਰਭਾਵਸ਼ਾਲੀ ਨਾਅਰਿਆਂ ਨਾਲ ਮ੍ਰਿਤਕ ਦੀ ਦੇਹ ਨੂੰ ਰਿਸ਼ਤੇਦਾਰਾਂ, ਸਨੇਹੀਆਂ ਅਤੇ ਵੱਡੀ ਗਿਣਤੀ ’ਚ ਬਲਾਕ ਦੀ ਸਾਧ-ਸੰਗਤ ਅਤੇ ਇਲਾਕਾ ਨਿਵਾਸੀਆਂ ਨੇ ਮ੍ਰਿਤਕਾਂ ਦੇ ਨਿਵਾਸ ਸਥਾਨ ਤੋਂ ਕਾਫਲੇ ਦੇ ਰੂਪ ’ਚ ਅੰਤਿਮ ਵਿਦਾਇਗੀ ਦਿੱਤੀ। ਵੇਰਵਿਆਂ ਅਨੁਸਾਰ ਸੇਵਾਦਾਰ ਰੌਸ਼ਨ ਲਾਲ ਇੰਸਾਂ (78), ਗਲੀ ਨੰ.2, ਧੋਬੀਆਣਾ ਰੋਡ, ਸਿਵਲ ਸਟੇਸ਼ਨ, ਬਠਿੰਡਾ ਦਾ ਦੇਹਾਂਤ ਹੋ ਗਿਆ ਸੀ ਜਿਸ ਤੋਂ ਬਾਅਦ ਉਸਦੀ ਪਤਨੀ ਦਰਸ਼ਨਾ ਇੰਸਾਂ, ਬੇਟੇ ਗਗਨਦੀਪ ਇੰਸਾਂ, ਨੂੰਹ ਸ਼ਾਲੂ ਇੰਸਾਂ, ਪੋਤਰੇ ਜਸ਼ਨ ਇੰਸਾਂ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨੇ ਪੂਰੇ ਭਾਵੁਕਗ ਮਹੌਲ ਦੌਰਾਨ ਮ੍ਰਿਤਕ ਦੇਹ ਨੂੰ ਮੈਡੀਕਲ ਖੋਜਾਂ ਲਈ ਯੂਨਾਈਟਿਡ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼, ਰਾਵਤਪੁਰਾ, ਪਰਿਆਗਰਾਜ (ਉੱਤਰ ਪ੍ਰਦੇਸ਼) ਹਵਾਲੇ ਕਰ ਦਿੱਤਾ।
ਦੂਜੇ ਸਰੀਰਦਾਨੀ ਸੇਵਾਦਾਰ ਕੇਵਲ ਕੁਮਾਰ ਇੰਸਾਂ ਪੱਕੇ ਵਾਲੇ (72), ਹਾਜ਼ੀ ਰਤਨ ਰੋਡ, ਬਠਿੰਡਾ ਹਨ ਜਿੰਨ੍ਹਾਂ ਦੇ ਦੇਹਾਂਤ ਤੋਂ ਬਾਅਦ ਉਨ੍ਹਾਂ ਦੇ ਭਰਾ ਪਾਰਸ ਕੁਮਾਰ ਇੰਸਾਂ, ਬੇਟੇ ਗੁਰਦਰਸ਼ਨ ਇੰਸਾਂ, ਫਿਰੰਗੀ ਇੰਸਾਂ, ਬੇਟੀ ਮੀਨਾ ਇੰਸਾਂ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨੇ ਅੰਤਿਮ ਸਸਕਾਰ ਕਰਨ ਦੀ ਬਜਾਏ ਮ੍ਰਿਤਕ ਦੇਹ ਮੈਡੀਕਲ ਖੋਜਾਂ ਲਈ ਵਰਲਡ ਕਾਲਜ ਆਫ ਮੈਡੀਕਲ ਸਾਇੰਸਜ਼, ਰਿਸਰਚ ਐਂਡ ਹਸਪਤਾਲ, ਗੁਰਾਵਰ, ਝੱਜਰ (ਹਰਿਆਣਾ) ਨੂੰ ਦਾਨ ਕੀਤੀ। ਇਸ ਮੌਕੇ ਏਰੀਆ ਪ੍ਰੇਮੀ ਸੇਵਕ ਮੁਕੇਸ਼ ਛਾਬੜਾ ਇੰਸਾਂ ਤੇ ਪ੍ਰੇਮੀ ਸੇਵਕ ਭੈਣ ਵੀਨਾ ਇੰਸਾਂ ਅਤੇ ਏਰੀਆ ਪ੍ਰੇਮੀ ਸੇਵਕ ਰਾਜ ਕੁਮਾਰ ਇੰਸਾਂ ਤੇ ਪ੍ਰੇਮੀ ਸੇਵਕ ਭੈਣ ਸਚਵਿੰਦਰ ਇੰਸਾਂ ਨੇ ਦੱਸਿਆ ਕਿ ਦੋਵਾਂ ਸੇਵਾਦਾਰਾਂ ਨੇ ਮੌਤ ਉਪਰੰਤ ਸਰੀਰਦਾਨ ਕਰਨ ਦਾ ਪ੍ਰਣ ਲਿਆ ਹੋਇਆ ਸੀ ਜਿਸ ਤੇ ਪਹਿਰਾ ਦਿੰਦਿਆਂ ਅੱਜ ਦੋਵਾਂ ਪ੍ਰੀਵਾਰਾਂ ਨੇ ਮਨੁੱਖਤਾ ਦੀ ਖਿਦਮਤ ਲਈ ਇਹ ਪਹਿਲਕਦਮੀ ਕੀਤੀ ਹੈ।
ਇਸ ਮੌਕੇ 85 ਮੈਂਬਰ ਪੰਜਾਬ ਗੁਰਦੇਵ ਸਿੰਘ ਬਠਿੰਡਾ, ਰਣਜੀਤ ਇੰਸਾਂ, ਵਿਕਾਸ ਇੰਸਾਂ, ਜਸਵਿੰਦਰ ਇੰਸਾਂ, 85 ਮੈਂਬਰ ਭੈਣਾਂ ਊਸ਼ਾ ਇੰਸਾਂ, ਅਮਰਜੀਤ ਇੰਸਾਂ, ਮੀਨੂੰ ਇੰਸਾਂ, ਮਾਧਵੀ ਇੰਸਾਂ, ਵੀਨਾ ਇੰਸਾਂ, ਬਲਾਕ ਪ੍ਰੇਮੀ ਸੇਵਕ ਇੰਜ. ਗੁਰਤੇਜ ਸਿੰਘ ਇੰਸਾਂ, ਪ੍ਰੇਮੀ ਸੰਮਤੀ ਏਰੀਆ ਮਾਡਲ ਟਾਊਨ ਦੇ ਸੇਵਾਦਾਰ ਨਰਿੰਦਰ ਇੰਸਾਂ, ਰਾਹੁਲ ਇੰਸਾਂ, ਮੋਹਿਤ ਇੰਸਾਂ, ਵਿੱਕੀ ਇੰਸਾਂ, ਭੈਣ ਪੂਜਾ ਇੰਸਾਂ, ਪ੍ਰਵੀਨ ਇੰਸਾਂ, ਸਤਵੀਰ ਇੰਸਾਂ, ਪ੍ਰੇਮੀ ਸੰਮਤੀ ਏਰੀਆ ਗੁਰੂ ਨਾਨਕ ਪੁਰਾ ਦੇ ਸੇਵਾਦਾਰ ਦਰਸ਼ਨ ਮੁਖੀ ਇੰਸਾਂ, ਸੁਰਜੀਤ ਇੰਸਾਂ, ਗੁਰਜੀਤ ਇੰਸਾਂ, ਰਜੇਸ਼ ਇੰਸਾਂ, ਰਾਜ ਕੁਮਾਰ ਇੰਸਾਂ, ਹੈਪੀ ਇੰਸਾਂ, ਭੈਣ ਪਿੰਕੀ ਇੰਸਾਂ, ਰਾਣੀ ਇੰਸਾਂ, ਰਾਣੀ ਜੌੜਾ ਇੰਸਾਂ, ਬਲਾਕ ਬਠਿੰਡਾ ਅਤੇ ਬਲਾਕ ਰਾਮਾਂ-ਨਸੀਬਪੁਰਾ ਦੇ ਵੱਖ-ਵੱਖ ਏਰੀਆ/ਪਿੰਡਾਂ ਦੇ ਪ੍ਰੇਮੀ ਸੰਮਤੀਆਂ ਦੇ ਸੇਵਾਦਾਰ, ਸ਼ਾਹ ਸਤਿਨਾਮ ਜੀ ਗਰੀਨ ਐਸ ਵੈਲਫੇਅਰ ਫੋਰਸ ਵਿੰਗ ਦੇ ਜਿੰਮੇਵਾਰ, ਸੇਵਾਦਾਰ, ਵੱਖ-ਵੱਖ ਸੰਮਤੀਆਂ ਦੇ ਜਿੰਮੇਵਾਰ, ਸੇਵਾਦਾਰ, ਰਿਸ਼ੇਤਦਾਰ, ਸਨੇਹੀ ਅਤੇ ਇਲਾਕਾ ਨਿਵਾਸੀਆਂ ਤੋਂ ਇਲਾਵਾ ਵੱਡੀ ਗਿਣਤੀ ਸਾਧ ਸੰਗਤ ਹਾਜਰ ਸੀ।
