ਰਿਚਾ ਨਾਗਪਾਲ, ਪਟਿਆਲਾ 21 ਨਵੰਬਰ 2023
ਕਲੱਬ ਮੈਂਬਰਾਂ ਵੱਲੋਂ ਜਿਮਖਾਨਾ ਕਲੱਬ ਦੇ ਨਵੇਂ ਬਣੇ ਡਾਇਨਿੰਗ ਹਾਲ ਦੀ ਕੀਤੀ ਜਾ ਰਹੀ ਪ੍ਰਸ਼ੰਸਾ ਦੇ ਮੱਦੇਨਜ਼ਰ, ਮੈਂਬਰ ਪਾਰਲੀਮੈਂਟ ਪਰਨੀਤ ਕੌਰ ਵੱਲੋਂ ਅੱਜ ਜਿਮਖਾਨਾ ਕਲੱਬ ਦੇ ਡਾਇਨਿੰਗ ਹਾਲ ਦਾ ਨਿਰੀਖਣ ਕੀਤਾ ਗਿਆ ਅਤੇ ਇਸ ਦੀ ਖੂਬਸੂਰਤੀ ਤੋਂ ਖੁਸ਼ ਹੋਕੇ ਉਹਨਾਂ ਨੇ ਕਲੱਬ ਮੈਨੇਜਮੈਂਟ ਦੀ ਦਿਲੋਂ ਪ੍ਰਸ਼ੰਸਾ ਵੀ ਕੀਤੀ। ਇਸ ਮੌਕੇ ਜਿਮਖਾਨਾ ਕਲੱਬ ਦੇ ਪ੍ਰਧਾਨ ਦੀਪਕ ਕੰਪਾਨੀ, ਸਕੱਤਰ ਹਰਪ੍ਰੀਤ ਸੰਧੂ ਅਤੇ ਕਲੱਬ ਦੀ ਸਮੁੱਚੀ ਟੀਮ ਵੱਲੋਂ ਪਰਨੀਤ ਕੌਰ ਨੂੰ ਫੁੱਲਾਂ ਦਾ ਗੁਲਦਸਤਾ ਦੇਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਪਰਨੀਤ ਕੌਰ ਨੇ ਕਲੱਬ ਵਿਖੇ ਸਵਾਦਿਸ਼ਟ ਵਿਅੰਜਨਾਂ ਦਾ ਵੀ ਆਨੰਦ ਮਾਣਿਆ।
ਇਸ ਮੌਕੇ ਦੀਪਕ ਕੰਪਾਨੀ ਅਤੇ ਸਕੱਤਰ ਹਰਪ੍ਰੀਤ ਸੰਧੂ ਨੇ ਕਿਹਾ ਕਿ ਉਹਨਾਂ ਦੀ ਟੀਮ ਵੱਲੋਂ ਕਲੱਬ ਵਿਖੇ ਲਗਾਤਾਰ ਵਿਕਾਸ ਦੇ ਕੰਮ ਕੀਤੇ ਜਾ ਰਹੇ ਹਨ ਤਾਂ ਜੋ ਕਲੱਬ ਮੈਂਬਰ ਅਤੇ ਉਹਨਾਂ ਦੇ ਪਰਿਵਾਰਿਕ ਮੈਂਬਰਾਂ ਨੂੰ ਹੋਰ ਵਧੀਆ ਸੁਵਿਧਾਵਾਂ ਮਿਲਦੀਆਂ ਰਹਿਣ। ਇਸ ਮੌਕੇ ਸਾਬਕਾ ਚੇਅਰਮੈਨ ਕੇ.ਕੇ ਸ਼ਰਮਾ, ਸਾਬਕਾ ਮੇਅਰ ਸੰਜੀਵ ਸ਼ਰਮਾ ਬਿੱਟੂ, ਭਾਜਪਾ ਸ਼ਹਿਰੀ ਦੇ ਪ੍ਰਧਾਨ ਕੇ.ਕੇ ਮਲਹੋਤਰਾ, ਹਰਦੇਵ ਸਿੰਘ ਬੱਲੀ, ਗੁਰਮੁੱਖ ਸਿੰਘ ਢਿਲੋਂ, ਡਾ. ਮਨਜੀਤ ਸਿੰਘ, ਡਾ.ਸੰਜੇ ਅੱਗਰਵਾਲ, ਐਡ. ਸ਼ੇਰਬੀਰ ਸਿੰਘ, ਐਡ. ਮਯੰਕ ਮਲਹੋਤਰਾ, ਰੋਹਿਤ ਗੁਪਤਾ, ਪਰਦੀਪ ਸਿੰਗਲਾ, ਜਤਿਨ ਮਿੱਤਲ, ਆਸ਼ੀਸ਼ ਜੈਨ, ਕਰਨ ਗੌੜ ਹਾਜਰ ਸਨ।
