ਦਿੱਲੀ ਦੇ ਚੇਤਨ ਯਾਦਵ ਅਤੇ ਭੀਖੀ ਦੇ ਬਲਜੀਤ ਵੀ ਦੋਸ਼ੀ ਨਾਮਜਦ
ਹਰਿੰਦਰ ਨਿੱਕਾ ਬਰਨਾਲਾ 1 ਜੂਨ 2020
ਜਿਲ੍ਹੇ ਦੇ ਸੀਆਈਏ ਦੀ ਟੀਮ ਨੇ 2 ਨਸ਼ਾ ਤਸਕਰਾਂ ਨੂੰ ਡੇਢ ਕਿੱਲੋ ਹੈਰੋਇਨ ਸਮੇਤ ਕਾਬੂ ਕੀਤਾ ਹੈ। ਜਦੋਂ ਕਿ ਦੋਵਾਂ ਨਸ਼ਾ ਤਸਕਰਾਂ ਦੀ ਪੁੱਛਗਿੱਛ ਦੇ ਅਧਾਰ ਤੇ 2 ਹੋਰ ਹੈਰੋਇਨ ਤਸਕਰਾਂ ਨੂੰ ਵੀ ਕੇਸ ਚ, ਨਾਮਜਦ ਕਰਕੇ ਉਨ੍ਹਾਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੀਆਈਏ ਸਟਾਫ ਦੇ ਇੰਚਾਰਜ ਇੰਸਪੈਕਟਰ ਬਲਜੀਤ ਸਿੰਘ ਦੀ ਅਗਵਾਈ ਚ, ਪਿੰਡ ਧੌਲਾ ਵਿਖੇ ਸ਼ੱਕੀ ਬੰਦਿਆਂ ਦੀ ਤਲਾਸ਼ ਚ, ਤਾਇਨਾਤ ਪੁਲਿਸ ਪਾਰਟੀ ਨੂੰ ਮੁਖਬਰ ਤੋਂ ਸੂਚਨਾ ਮਿਲੀ ਕਿ ਸਿਵਫਟ ਕਾਰ ਨੰਬਰ ਪੀਬੀ -08 ਸੀਏ-0256 ਚ, ਨਸ਼ਾ ਤਸਕਰ ਹੈਰੋਇਨ ਲੈ ਕੇ ਆ ਰਹੇ ਹਨ। ਪੁਲਿਸ ਪਾਰਟੀ ਨੇ ਨਾਕਾਬੰਦੀ ਕਰਕੇ ਰਾਜ ਕੁਮਾਰ ਨਿਵਾਸੀ ਇੰਦਰਾ ਬਸਤੀ ਸੁਨਾਮ ਅਤੇ ਗੁਰਿੰਦਰ ਸਿੰਘ ਉਰਫ ਗੋਲਡੀ ਨਿਵਾਸੀ ਬੈਕ ਸਾਈਡ ਬਿਜਲੀ ਗਰਿੱਡ ਪਟਿਆਲਾ ਰੋਡ ਸੁਨਾਮ ਨੂੰ ਗਿਰਫਤਾਰ ਕਰਕੇ ਉਨ੍ਹਾਂ ਦੇ ਕਬਜ਼ੇ ਵਿੱਚੋਂ 1 ਕਿੱਲੋ 500 ਗ੍ਰਾਮ ਹੈਰੋਇਨ ਬਰਾਮਦ ਕਰ ਲਈ। ਇਸ ਸਬੰਧੀ ਮੀਡੀਆ ਨੂੰ ਜਾਣਕਾਰੀ ਦਿੰਦਿਆਂ ਐਸਐਸਪੀ ਸੰਦੀਪ ਗੋਇਲ ਨੇ ਦੱਸਿਆ ਕਿ ਦੋਵਾਂ ਗਿਰਫਤਾਰ ਦੋਸ਼ੀਆਂ ਦੀ ਪੁੱਛਗਿੱਛ ਦੇ ਅਧਾਰ ਤੇ ਇੱਨਾਂ ਦੇ ਸਾਥੀ 2 ਤਸਕਰਾਂ ਚੇਤਨ ਯਾਦਵ ਨਿਵਾਸੀ ਗੋਪਾਲ ਨਗਰ ,ਨਾਗਫਗੜ, ਸਾਊਥ ਵੈਸਟ ਦਿੱਲੀ ਅਤੇ ਬਲਜੀਤ ਸਿੰਘ ਨਿਵਾਸੀ ਭੀਖੀ ਨੂੰ ਵੀ ਥਾਣਾ ਰੂੜੇਕੇ ਕਲਾਂ ਚ, ਦਰਜ਼ ਇਸ ਕੇਸ ਚ, ਨਾਮਜਦ ਕੀਤਾ ਗਿਆ ਹੈ। ਇੱਨਾਂ ਦੋਵਾਂ ਤਸਕਰਾਂ ਨੂੰ ਵੀ ਜਲਦ ਹੀ ਕਾਬੂ ਕਰ ਲਿਆ ਜਾਵੇਗਾ। ਗਿਰਫਤਾਰ ਕੀਤੇ ਉਕਤ ਦੋਵਾਂ ਹੈਰੋਇਨ ਤਸਕਰਾਂ ਤੋਂ ਵੀ ਮਜੀਦ ਪੁੱਛਗਿੱਛ ਜਾਰੀ ਹੈ।
