ਗੁਰਸੇਵਕ ਸਿੰਘ ਸਹੋਤਾ, ਡਾ ਮਿੱਠੂ ਮੁਹੰਮਦ , ਮਹਿਲ ਕਲਾਂ 23 ਮਈ 2020
ਕੋਰੋਨਾ ਵਾਇਰਸ ਦੀ ਭਿਆਨਕ ਮਹਾਮਾਰੀ ਦੇ ਚੱਲਦਿਆਂ ਸ਼ੁਰੂ ਹੋੇਏ ਸਾਦੇ ਵਿਆਹ ਸ਼ਾਦੀਆਂ ਦੀ ਲੜੀ ਚ, ਜਿਲ੍ਹੇ ਦੇ ਪਿੰਡ ਸਹੌਰ ਦੀ ਲੜਕੀ ਨੂੰ ਸੰਗਰੂਰ ਜਿਲੇ ਦੇ ਪਿੰਡ ਭੰਮਾਬੱਦੀ ਦਾ ਲੜਕਾ ਬੁਲੇਟ ਮੋਟਰ ਸਾਈਕਲ ਤੇ ਵਿਆਹ ਕਰਵਾਉਣ ਲਈ ਪਹੁੰਚਿਆ। ਆਨੰਦ ਕਾਰਜ ਤੋਂ ਬਾਅਦ ਥਾਣਾ ਮਹਿਲ ਕਲਾਂ ਦੇ ਐਸਐਚਉ ਹਰਬੰਸ ਸਿੰਘ ਨੇ ਜੋੜੀ ਦਾ ਪਿੰਡ ਦੇ ਬੱਸ ਸਟੈਂਡ ਨਜਦੀਕ ਸਾਨਦਾਰ ਸਵਾਗਤ ਕੀਤਾ ਅਤੇ ਸਗਨ ਦੇ ਕੇ ਆਸੀਰਵਾਦ ਵੀ ਦਿੱਤਾ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਭੰਮਾ ਬੱਦੀ (ਸੰਗਰੂਰ) ਦੇ ਨੌਜਵਾਨ ਲਖਵਿੰਦਰ ਸਿੰਘ ਪੁੱਤਰ ਰੂਪ ਸਿੰਘ ਦਾ ਵਿਆਹ ਪਿੰਡ ਸਹੌਰ ਦੀ ਕੁਲਦੀਪ ਕੌਰ ਪੁੱਤਰੀ ਸੁੱਖਾ ਸਿੰਘ ਨਾਲ ਹੋਣਾ ਤੈਅ ਸੀ । ਕੋਰੋਨਾ ਦੇ ਮੱਦੇਨਜ਼ਰ ਲਾੜਾ ਲਖਵਿੰਦਰ ਸਿੰਘ ਖੁਦ ਬੁਲੇਟ ਤੇ ਸਵਾਰ ਹੋ ਕੇ ਲਾੜੀ ਨੂੰ ਵਿਆਹੁਣ ਲਈ ਪਿੰਡ ਸਹੌਰ ਵਿਖੇ ਪਹੁੰਚ ਗਿਆ। ਇਸ ਸਾਦਗੀ ਭਰੇ ਵਿਆਹ ਦੀ ਇਲਾਕੇ ਦੇ ਲੋਕਾਂ ਵੱਲੋਂ ਸਲਾਘਾ ਕੀਤੀ ਜਾ ਰਹੀ ਹੈ ।
—
