ਨਵੇਂ ਅਹੁਦੇਦਾਰਾਂ ਦਾ ਨਵਾਂ ਨਿਰਣਾ, ਹਰ ਮਹੀਨੇ ਦੇ ਪਹਿਲੇ ਐਤਵਾਰ ਨੂੰ ਬੰਦ ਰਹਿਣਗੀਆਂ ਦੁਕਾਨਾਂ
ਬੀ.ਟੀ.ਐਨ. ਤਪਾ ਮੰਡੀ, 28 ਮਾਰਚ 2023
ਬਸਾਤੀ ਯੂਨੀਅਨ ਤਪਾ ਦੀ ਇੱਕ ਵਿਸ਼ੇਸ਼ ਮੀਟਿੰਗ ਅੱਗਰਵਾਲ ਧਰਮਸ਼ਾਲਾ ਵਿੱਚ ਯੂਨੀਅਨ ਦੇ ਪ੍ਰਧਾਨ ਵਿੱਕੀ ਬੂਟਾਂ ਵਾਲੇ ਅਤੇ ਸੀਨੀਅਰ ਆਗੂ ਸਤਪਾਲ ਗੋਇਲ (ਸੱਤਾ ਮੋੜ )ਦੀ ਅਗਵਾਈ ਹੇਠ ਹੋਈ। ਉਨ੍ਹਾਂ, ਨੇ ਪੁਰਾਣੀ ਯੂਨੀਅਨ ਨੂੰ ਤਹਿ ਸਮੇਂ ਅਨੁਸਾਰ ਭੰਗ ਕਰਕੇ ਯੂਨੀਅਨ ਦੀ ਨਵੀਂ ਚੋਣ ਕਰਨ ਦਾ ਐਲਾਨ ਕਰ ਦਿੱਤਾ। ਸਰਬਸੰਮਤੀ ਨਾਲ ਹੋਈ ਚੋਣ ਵਿੱਚ ਕਾਲਾ ਬੂਟਾਂ ਵਾਲਾ ਨੂੰ ਪ੍ਰਧਾਨ , ਮਨਪ੍ਰੀਤ ਜਲਪੋਤ ਨੂੰ ਜਨਰਲ ਸੈਕਟਰੀ ,ਦੀਪਾ ਮੌੜ ਨੂੰ ਕੈਸ਼ੀਅਰ ਅਤੇ ਰਮੇਸ਼ ਕੁਮਾਰ ਗਾਂਧੀ ਨੂੰ ਚੇਅਰਮੈਨ ਚੁਣ ਲਿਆ ਗਿਆ।ਯੂਨੀਅਨ ਦੇ ਬਾਕੀ ਅਹੁਦੇਦਾਰਾਂ ਦੀ ਚੋਣ ਦਾ ਅਧਿਕਾਰ ਨਵੀਂ ਚੁਣੀ ਕਮੇਟੀ ਦੇ ਆਗੂਆਂ ਨੂੰ ਦੇ ਦਿੱਤਾ ਗਿਆ। ਇਸ ਮੌਕੇ ਤੇ ਹਾਜਰ ਸ਼ੂਜ ਐਸੋਸੀਏਸ਼ਨ,ਰੈਡੀਮੇਡ ਐਸੋਸੀਏਸ਼ਨ, ਬੁੱਕ ਐਸੋਸੀਏਸ਼ਨ ਆਦਿ ਨੇ ਇਕ ਸੁਰ ਵਿਚ ਏਕੇ ਦਾ ਸਬੂਤ ਦਿੱਤਾ ਅਤੇ ਯੂਨੀਅਨ ਦੇ ਨਿਯਮਾਂ ਤੇ ਖਰਾ ਉੱਤਰਣ ਦਾ ਵਾਅਦਾ ਵੀ ਕੀਤਾ। ਮੀਟਿੰਗ ਦੌਰਾਨ ਸਰਬਸੰਮਤੀ ਨਾਲ ਹਰ ਮਹੀਨੇ ਦੇ ਪਹਿਲੇ ਐਤਵਾਰ ਨੂੰ ਦੁਕਾਨਾਂ ਬੰਦ ਰੱਖਣ ਦਾ ਫੈਸਲਾ ਵੀ ਕੀਤਾ ਗਿਆ । ਯੂਨੀਅਨ ਦੇ ਨਵੇ ਚੁਣੇ ਆਗੂਆਂ ਨੇ ਕਿਹਾ ਕਿ ਜੇਕਰ ਕੋਈ ਦੁਕਾਨਦਾਰ , ਯੂਨੀਅਨ ਦੇ ਨਿਯਮਾਂ ਦੀ ਉਲੰਘਣਾ ਕਰੇਗਾ ਤਾਂ ਉਸ ਨੂੰ ਜੁਰਮਾਨਾ ਕੀਤਾ ਜਾਵੇਗਾ ਅਤੇ ਜ਼ੁਰਮਾਨਾ ਨਾ ਭਰਨ ਦੀ ਸੂਰਤ ਵਿੱਚ ਯੂਨੀਅਨ ਵੱਲੋਂ ਉਸ ਦਾ ਬਾਈਕਾਟ ਵੀ ਕੀਤਾ ਜਾਵੇਗਾ। ਨਵ-ਨਿਯੁਕਤ ਪ੍ਰਧਾਨ ਕਾਲੇ ਬੂਟਾਂ ਵਾਲੇ ਨੇ ਕਿਹਾ ਕਿ ਉਹ ਨਿਰਪੱਖ ਹੋ ਕੇ ਯੂਨੀਅਨ ਦੇ ਮੈਂਬਰ ਦੁਕਾਨਦਾਰਾਂ ਨੂੰ ਪੇਸ਼ ਆਉਂਦੀਆਂ ਦਿੱਕਤਾਂ ਨੂੰ ਦੂਰ ਕਰਨਗੇ । ਇਸ ਮੌਕੇ ਨੂੰਨੁ ਮੌੜ,ਹੈਰੀ ਘੁੜੈਲਾਂ, ਅਮਨ ਸੁਨਾਮੀਆਂ, ਅਸ਼ੋਕ ਕੁਮਾਰ ਸ਼ਹਿਣਾ,ਰੋਹਿਤ ਗਿਫਟ, ਰਾਜੂ ਰੈਡੀਮੇਡ, ਨੀਤਨ, ਸਤੀਸ਼ ਢਿੱਲਵਾਂ, ਦੀਪੀ ਮੌੜ, ਮੰਗੂ ਮੌੜ, ਅਸ਼ੋਕ ਘੁੜੈਲਾ, ਅਜੇ ਸੰਜੂ, ਰੌਕੀ, ਪੱਪੂ ਬੈਗ, ਕਾਕਾ ਚਰਨੀ, ਡੱਡੂ ਬੂਟਾਂ ਵਾਲਾ,ਮੱਖਣ, ਗੱਗੜ੍ਹ, ਪਵਨ ਗਰਗ, ਬਿੰਨੀ ਅਤੇ ਪਵਨ ਗੋਟੇ ਵਾਲਾ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਚ ਹੋਰ ਦੁਕਾਨਦਾਰ ਵੀ ਹਾਜ਼ਰ ਸਨ।
