ਰਘਵੀਰ ਹੈਪੀ , ਬਰਨਾਲਾ, 2 ਅਕਤੂਬਰ 2022
ਮੁੱਖ ਮੰਤਰੀ ਸ. ਭਗਵੰਤ ਮਾਨ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਖੇਡ ਮੰਤਰੀ ਸ. ਗੁਰਮੀਤ ਸਿੰਘ ਮੀਤ ਹੇਅਰ ਦੀ ਅਗਵਾਈ ਹੇਠ ਕਰਵਾਈਆਂ ਜਾ ਰਹੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਲਈ ਰਾਜ ਪੱਧਰੀ ਮੁਕਾਬਲੇ 11 ਅਕਤੂਬਰ ਤੋਂ ਸ਼ੁਰੂ ਹੋ ਰਹੇ ਹਨ, ਜਿਸ ਸਬੰਧੀ ਜ਼ਿਲ੍ਹਾ ਬਰਨਾਲਾ ਵਿੱਚ ਟਰਾਇਲ ਭਲਕੇ 3 ਅਕਤੂਬਰ ਤੋਂ ਸ਼ੁਰੂ ਹੋਣਗੇ। 
ਇਹ ਜਾਣਕਾਰੀ ਦਿੰਦੇ ਹੋਏ ਡਿਪਟੀ ਕਮਿਸ਼ਨਰ ਬਰਨਾਲਾ ਡਾ. ਹਰੀਸ਼ ਨਈਅਰ ਨੇ ਦੱਸਿਆ ਕਿ ਵੱਖ-ਵੱਖ ਰਾਜ ਪੱਧਰੀ ਖੇਡਾਂ ਜਿਵੇਂ ਆਰਚਰੀ, ਸ਼ੂਟਿੰਗ, ਚੈੱਸ ਦੇ ਟਰਾਇਲ ਮਿਤੀ 3 ਅਕਤੂਬਰ 2022 ਨੂੰ ਸਵੇਰੇ 9 ਵਜੇ ਸ਼ੁਰੂ ਹੋਣੇ ਹਨ। ਆਰਚਰੀ ਦੇ ਟਰਾਇਲ ਵਾਈ ਐੱਸ ਸਕੂਲ, ਹੰਢਿਆਇਆ ਵਿਖੇ ਹੋਣਗੇ, ਜਿਸ ਸਬੰਧੀ ਸ੍ਰੀ ਜਤਿੰਦਰ ਸਿੰਘ (94176-38028) ਨਾਲ ਸੰਪਰਕ ਕੀਤਾ ਜਾਵੇ। ਸ਼ੂਟਿੰਗ ਲਈ ਸਥਾਨ ਸ਼ੂਟਿੰਗ ਰੇਂਜ, ਸੁਭਾਸ਼ ਵਾਲੀ ਗਲੀ, ਗਲੀ ਨੰ: 8 ਕੇ ਸੀ ਰੋਡ ਬਰਨਾਲਾ ਹੈ, ਜਿਸ ਸਬੰਧੀ ਕੋਚ ਸ੍ਰੀ ਰਾਹੁਲ ਕੁਮਾਰ ਗਰਗ (8950104247), ਚੈੱਸ ਸਥਾਨ ਸਰਵਹਿੱਤਕਾਰੀ ਸਕੂਲ, ਬਰਨਾਲਾ, ਜਿਸ ਸਬੰਧੀ ਸ੍ਰੀ ਜੁਨਿੰਦਰ ਜੋਸ਼ੀ (9780007920) ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਰੋਇੰਗ, ਜਿਮਨਾਸਟਿਕ ਅਤੇ ਫੈਨਸਿੰਗ ਦੇ ਜ਼ਿਲਾ ਬਰਨਾਲਾ ਨਾਲ ਸਬੰਧਤ ਖਿਡਾਰੀ ਨੋਡਲ ਅਫਸਰ ਹਰਨੇਕ ਸਿੰਘ (987457309) ਨਾਲ ਸੰਪਰਕ ਕਰਨ।
