ਰਘਵੀਰ ਹੈਪੀ/ ਅਦੀਸ਼ ਗੋਇਲ , ਬਰਨਾਲਾ 20 ਅਗਸਤ 2022
ਇਲਾਕੇ ਦੀ ਮਸ਼ਹੂਰ ਸੰਸਥਾ ਸਥਾਨਕ ਐਸ.ਡੀ ਸਭਾ (ਰਜਿ) ਬਰਨਾਲਾ ਵੱਲੋਂ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਤਿਉਹਾਰ ਬੜੇ ਉਤਸ਼ਾਹ ਨਾਲ ਮਨਾਇਆ ਗਿਆ।ਅਚਾਰੀਆਂ ਸ਼ਿਵ ਕੁਮਾਰ ਗੋਢ ਦੁਆਰਾ ਜੋਤੀ ਦੀ ਰਸਮ ਅਦਾ ਕੀਤੀ ਗਈ।ਇਸ ਮੌਕੇ ਚੀਫ ਗੈਸਟ ਦੇ ਤੌਰ ਤੇ ਕੈਬਨਿਟ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਵੱਲੋਂ ਉਚੇਚੇ ਤੌਰ ਤੇ ਸ਼ਿਰਕਤ ਕੀਤੀ ।ਉਹਨਾ ਕਿਹਾ ਕਿ ਐਸ.ਡੀ ਸਭਾ ਰਜਿ ਬਰਨਾਲਾ ਦੀਆਂ ਵਿਦਿਅਕ ਸੰਸਥਾਵਾਂ ਜਨਮ ਅਸ਼ਟਮੀ ਦਾ ਪਾਵਨ ਤਿਉਹਾਰ ਬੜੀ ਸ਼ਰਧਾ ਨਾਲ ਮਨਾਉਂਦੀ ਆ ਰਹੀ ਹੈ।ਐਸ.ਡੀ ਸਭਾ ਦੁਆਰਾ ਵਿਦਿਆ ਦੇ ਖੇਤਰ ਵਿੱਚ ਦਹਾਕਿਆ ਤੋਂ ਆਪਣਾ ਨਾ ਰੁਸ਼ਨਾ ਰਹੀ ਹੈ।ਐਸ.ਡੀ ਸਭਾ ਰਜਿ ਬਰਨਾਲਾ ਵੱਲੋਂ ਕੈਬੀਨਟ ਮੰਤਰੀ ਨੂੰ ਸਨਮਾਨ ਚਿੰਨ੍ਹ ਭੇਟ ਕੀਤਾ ਗਿਆ। 
ਇਸ ਮੌਕੇ ਭਜਨ ਸੰਗੀਤਕਾਰ ਵਿਕਰਮ ਰਾਠੌਰ ਨੇ ਸ੍ਰੀ ਕ੍ਰਿਸ਼ਨ ਜੀ ਦੇ ਜੀਵਨ ਬਾਰੇ ਵਿਸਥਾਰ ਪੂਰਵਕ ਚਾਨਣਾ ਪਾਇਆ ਤੇ ਭਗਵਾਨ ਵੱਲੋਂ ਦਿਖਾਏ ਰਾਸਤੇ ਉਪਰ ਚਲਣ ਲਈ ਪ੍ਰੇਰਿਤ ਕੀਤਾ ਗਿਆ।ਸਰਧਾਲੂਆਂ ਦੁਆਰਾ ਸੰਗੀਤ ਦਾ ਖੂਬ ਆਨੰਦ ਮਾਣਿਆ ਗਿਆ।ਐਸ.ਡੀ ਸੀਨੀਅਰ ਸੈਕੰਡਰੀ ਵਿਖੇ ਪੁਜਾ ਅਰਚਨਾ ਕੀਤੀ ਗਈ ਤੇ ਸ਼ਰਧਾਲੂਆਂ ਦੀਆਂ ਲੰਬੀਆਂ ਕਤਾਰਾਂ ਲੱਗੀਆਂ ਰਹੀਆਂ। ਸੰਸਥਾ ਦੇ ਬੱਚਿਆਂ ਦੁਆਰਾ ਕ੍ਰਿਸ਼ਨ ਬਾਲ ਰੂਪ ਦੀਆਂ ਮਨਮੋਹਕ ਝਾਕੀਆਂ ਪੇਸ਼ ਕੀਤੀਆਂ ਗਈਆਂ ਅਤੇ ਬੱਚਿਆਂ ਨੂੰ ਇਨਾਮ ਵੰਡੇ ਗਏ।
ਇਸੇ ਤਰ੍ਹਾ ਐਸ.ਐਸ.ਡੀ ਕਾਲਜ ਬਰਨਾਲਾ ਦੀ ਝਾਕੀ ਸ਼੍ਰੀ ਕ੍ਰਿਸ਼ਨ ਨਾਮਕਰਣ ਨੂੰ ਪਹਿਲਾ ਸਥਾਨ ਪ੍ਰਾਪਤ ਕੀਤਾ,ਦੂਜਾ ਸਥਾਨ ਐਸ.ਡੀ ਸੀਨੀਅਰ ਸੈਕੰਡਰੀ ਸਕੂਲ ਦੁਆਰਾ ਸ਼੍ਰੀ ਕ੍ਰਿਸ਼ਨ ਮਹਾ ਉਤਸਵ ਨੂੰ ਮਿਲਿਆ,ਤੀਜਾ ਸਥਾਨ ਟੰਡਨ ਇੰਟਰਨੈਸ਼ਨਲ ਦੀ ਝਾਕੀ ਨਰਸਿੰਹ ਅਵਤਾਰ ਨੂੰ ਮਿਲਿਆ।ਐਸ.ਡੀ ਹਾਈ ਸਕੂਲ ਦੇ ਬੱਚਿਆਂ ਨੇ ਗਵਰਧਨ ਧੰਨ ,ਡੀ.ਐਲ.ਟੀ ਸਕੂਲ ਦੀ ਸ਼੍ਰੀ ਕ੍ਰਿਸ਼ਨ ਸੁਦਾਮਾ ਮਿਲਨ ਅਤੇ ਐਨ.ਐਮ.ਐਸ.ਡੀ ਸਕੂਲ ਦੇ ਬੱਚਿਆਂ ਨੇ ਰਾਸ ਲੀਲਾ ਦੀ ਝਾਕੀ ਨੂੰ ਪੇਸ਼ ਕੀਤਾ ਗਿਆ।ਸਰਧਾਲੂਆਂ ਦੀਆਂ ਝਾਕੀਆਂ ਅੱਗੇ ਲੰਬੀਆਂ ਕਤਾਰਾਂ ਵੇਖਣ ਨੂੰ ਮਿਲੀਆਂ।
ਐਸ.ਡੀ ਸਭਾ ਰਜਿ ਬਰਨਾਲਾ ਦੇ ਚੇਅਰਮੈਨ ਸ਼੍ਰੀ ਸ਼ਿਵ ਦਰਸ਼ਨ ਕੁਮਾਰ ਸ਼ਰਮਾ ਜੀ (ਸੀਨੀਅਰ ਐਡਵੋਕੇਟ) ਨੇ ਸੰਸਥਾ ਦੇ ਵਿਦਿਆਰਥੀਆਂ ਨੂੰ ਜਨਮ ਅਸ਼ਟਮੀ ਦੇ ਤਿਉਹਾਰ ਨਾਲ ਸਬੰਧਤ ਵਿਸਥਾਰ ਨਾਲ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਭਾਰਤ ਦੇ ਸਾਰੇ ਧਰਮਾਂ ਦੇ ਤਿਉਹਾਰ ਮਨੁੱਖਤਾ ਨੂੰ ਪਿਆਰ ਕਰਨ,ਆਪਸੀ ਭਾਈਚਾਰਕ ਸਾਂਝ ਨਾਲ ਦੂਜਿਆਂ ਦੀ ਲੋੜਾਂ ਦੀ ਪੂਰਤੀ,ਮਨੁੱਖਤਾ ਦੀ ਸੇਵਾ ਲਈ ਪ੍ਰੇਰਿਤ ਕਰਦੇ ਹਨ।
ਐਸ.ਡੀ ਸਭਾ ਰਜਿ ਬਰਨਾਲਾ ਦੇ ਜਨਰਲ ਸੱਕਤਰ ਸ੍ਰੀ ਸ਼ਿਵ ਸਿੰਗਲਾ ਜੀ ਨੇ ਕਿਹਾ ਕਿ ਭਗਵਾਨ ਸ੍ਰੀ ਕ੍ਰਿਸ਼ਨ ਜੀ ਦਾ ਸੰਦੇਸ਼ ਹੈ ਕਿ ਮਨੁੱਖੀ ਰੂਪੀ ਜੀਵਨ ਵਿਚ ਸਾਨੂੰ ਸਾਰਿਆਂ ਨੂੰ ਮਾਨਵਤਾ ਦੇ ਭਲੇ ਲਈ ਚੰਗੇ ਕਰਮ ਕਰਨੇ ਚਾਹੀਦੇ ਹਨ। ਇਸ ਮੌਕੇ ਝੰਡੇ ਦੀ ਰਸਮ ਵਿਜੈ ਭਦੋੜੀਆ ਦੁਆਰਾ ਕੀਤੀ ਗਈ।ਕਾਂਗਰਸ ਹਲਕਾ ਇੰਚਾਰਜ ਮਨੀਸ਼ ਬਾਂਸਲ ਦੁਆਰਾ ਜਨਮ ਅਸ਼ਟਮੀ ਤੇ ਮਟਕੀ ਦੀ ਰਸਮ ਅਦਾ ਕੀਤੀ । ਐਸ.ਡੀ ਸਭਾ ਰਜਿ ਬਰਨਾਲਾ ਦੇ ਸਕੱਤਰ ਕੁਲਵੰਤ ਰਾਏ ਗੋਇਲ,ਰਾਹੁਲ ਗੁਪਤਾ, ਵਿਵੇਕ ਸਿੰਧਵਾਨੀ,ਪ੍ਰਵੀਨ ਕੁਮਾਰ,ਅਨਿਲ ਨਾਣਾ ਬਾਂਸਲ,ਆਰ ਕੇ ਚੌਧਰੀ,ਮਨੌਜ ਸਿੰਗਲਾ,ਗਗਨ ਚੀਮਾ,ਨਿਤਨ ਐਡਵੋਕੇਟ,ਅਚਾਰੀਆ ਲਵੀਸ਼ ਗੋਢ,ਵਿਜੈ ਭਦੋੜੀਆਂ,ਜਤਿੰਦਰ ਜਿੰਮੀ,ਜਤਿੰਦਰ ਗੋੋਇਲ,ਲੱਕੀ ਪੱਖੋ,ਬਿਟੂ ਦੀਵਾਨਾ,ਡਾਕਟਰ ਆਸ਼ੁਲ ਗੁਪਤਾ,ਅਚਾਰਿਆ ਸ਼੍ਰੀ ਸ਼ਿਵ ਕੁਮਾਰ ਗੋਢ,ਡਾਕਟਰ ਪਿਨਾਕ ਮੌਦਗਿਲ ਸੀਨੀਅਰ ਵਾਈਸ ਪ੍ਰੇਜ਼ੀਡੈਂਟ ਮੈਕਸ ਹਸਪਾਲ, ਬਰਨਾਲੇ ਇਲਾਕੇ ਦੇ ਪੱਤਰਕਾਰ ਭਰਾ ਅਤੇ ਐਸ.ਡੀ ਸਭਾ (ਰਜਿ) ਬਰਨਾਲਾ ਦੀਆਂ ਵਿਦਿਅਕ ਸੰਸਥਾਵਾਂ ਦੇ ਮੁਖੀ ਅਤੇ ਸਮੂਹ ਸਟਾਫ ਹਾਜ਼ਰ ਸਨ।
