ਰਘਬੀਰ ਹੈਪੀ ,ਬਰਨਾਲਾ, 11 ਅਗਸਤ 2022
ਪੰਜਾਬ ਦੇ ਸਪੈਸ਼ਲ ਡਾਇਰੈਕਟਰ ਜਨਰਲ ਆਫ ਪੁਲੀਸ (ਜੇਲਾਂ) ਦੇ ਨਿਰਦੇਸ਼ਾਂ ਤਹਿਤ ਜ਼ਿਲਾ ਜੇਲ ਹੈੱਡਕੁਆਰਟਰਾਂ ’ਤੇ ਰੱਖੜੀ ਦਾ ਤਿਉਹਾਰ ਮਨਾਇਆ ਗਿਆ, ਜਿਸ ਤਹਿਤ ਜ਼ਿਲਾ ਜੇਲ ਬਰਨਾਲਾ ’ਚ ਵੀ ਭੈਣਾਂ ਨੇ ਆਪਣੇ ਭਰਾਵਾਂ ਦੇ ਗੁੱਟਾਂ ’ਤੇ ਰੱਖੜੀਆਂ ਸਜਾਈਆਂ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਜ਼ਿਲ੍ਹਾ ਜੇਲ ਅਧਿਕਾਰੀ ਬਲਜੀਤ ਸਿੰਘ ਘੁੰਮਣ ਨੇ ਦੱਸਿਆ ਕਿ ਜ਼ਿਲਾ ਜੇਲ ਬਰਨਾਲਾ ’ਚ ਜੇਲ ਮੰਤਰੀ ਹਰਜੋਤ ਸਿੰਘ ਬੈਂਸ ਅਤੇ ਸਪੈਸ਼ਲ ਡੀਜੀਪੀ (ਜੇਲਾਂ) ਦੇ ਨਿਰਦੇਸ਼ਾਂ ਤਹਿਤ ਕਰੋਨਾ ਕਾਲ ਤੋਂ ਬਾਅਦ ਜਿੱਥੇ ਮੁਲਾਕਾਤਾਂ ਕਰਵਾਈਆਂ ਗਈਆਂ, ਉਥੇ ਪੁਖ਼ਤਾ ਪ੍ਰਬੰਧਾਂ ਹੇਠ ਰੱਖੜੀ ਦਾ ਤਿਉਹਾਰ ਵੀ ਮਨਾਇਆ ਗਿਆ ਅਤੇ ਭੈਣਾਂ ਨੇ ਖੁਸ਼ੀ ਖੁਸ਼ੀ ਆਪਣੇ ਭਰਾਵਾਂ ਦੇ ਗੁੱਟਾਂ ’ਤੇ ਰੱਖੜੀਆਂ ਬੰਨੀਆਂ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਹਾਇਕ ਸੁਪਰਡੈਂਟ ਪੁਨੀਤ ਗਰਗ, ਹੈੱਡ ਵਾਰਡਰ ਗੁਰਮੇਲ ਸਿੰਘ, ਹੈੱਡ ਵਾਰਡਰ ਰਾਜਿੰਦਰ ਪਾਲ, ਵਾਰਡਰ ਬਲਜੀਤ ਸਿੰਘ, ਵਾਰਡਰ ਗੁਰਵਿੰਦਰ ਸਿੰਘ, ਵਾਰਡਰ ਮੁਨੀਸ਼ ਕੁਮਾਰ ਤੇ ਯਾਦਵਿੰਦਰ ਸਿੰਘ ਹਾਜ਼ਰ ਸਨ।
