ਫ਼ੇਸਬੁੱਕ ਗਰੁੱਪ ਪੰਜਾਬੀ ਲੋਕਧਾਰਾ ਵੱਲੋਂ ਸਕੂਲ ਦੇ ਬੱਚਿਆਂ ਨੂੰ ਕਾਪੀਆਂ ਵੰਡੀਆਂ ਗਈਆਂ
ਰਘਬੀਰ ਹੈਪੀ,ਬਰਨਾਲਾ 23 ਦਸੰਬਰ 2021
ਸ਼ੋਸਲ ਮੀਡੀਆ ਫ਼ੇਸਬੁੱਕ ਤੇ ਬਣੇ ਗਰੁੱਪ ਪੰਜਾਬੀ ਲੋਕਧਾਰਾ ਵੱਲੋਂ ਸਮਾਜਸੇਵੀ ਗਤੀਵਿਧੀਆਂ ਨੂੰ ਜਾਰੀ ਰਖਦੇ ਹੋਏ ਰਣਜੀਤ ਕੌਰ ਯੂ ਐਸ ਏ ਦੇ ਸਹਿਯੋਗ ਨਾਲ ਅੱਜ ਸਰਕਾਰੀ ਪ੍ਰਾਇਮਰੀ ਸਕੂਲ ਰੱਥੜੀਆਂ ਅਗਵਾੜ ਬਰਨਾਲਾ ਵਿਖੇ ਦੋ ਸੌ ਦੇ ਕਰੀਬ ਬੱਚਿਆਂ ਨੂੰ ਪੰਜਾਬੀ ਲੋਕਧਾਰਾ ਵਾਲੀਆਂ ਕਾਪੀਆਂ ਵੰਡੀਆਂ ਗਈਆ। ਮੁੱਖ ਪ੍ਰਬੰਧਕ ਗੁਰਸੇਵਕ ਸਿੰਘ ਧੌਲਾ ਨੇ ਦੱਸਿਆ ਕਿ ਪੰਜਾਬੀ ਲੋਕਧਾਰਾ ਵੱਲੋਂ ਜਿੱਥੇ ਮਾਂ ਬੋਲੀ ਪੰਜਾਬੀ ਨੂੰ ਪ੍ਰਫੁੱਲਤ ਕਰਨ ਲਈ ਯਤਨ ਕੀਤੇ ਜਾ ਰਹੇ ਹਨ ,ਉੱਥੇ ਸਮਾਜ ਸੇਵੀ ਕਾਰਜ ਵੀ ਕੀਤੇ ਜਾ ਰਹੇ ਹਨ । ਉਨ੍ਹਾਂ ਭੈਣ ਰਣਜੀਤ ਕੌਰ ਯੂ ਐਸ ਏ ਵਾਲਿਆਂ ਦਾ ਧੰਨਵਾਦ ਕਰਦਿਆ ਕਿਹਾ ਕਿ ਪੰਜਾਬੀ ਲੋਕਧਾਰਾ ਵੱਲੋਂ ਰਣਜੀਤ ਕੌਰ ਔਲਖ ਯੂ ਐਸ ਏ ਦੇ ਸਹਿਯੋਗ ਨਾਲ ਸਰਕਾਰੀ ਪ੍ਰਾਇਮਰੀ ਸਕੂਲ ਬਰਨਾਲਾ ਦੇ ਦੋ ਦੇ ਕਰੀਬ ਬੱਚਿਆਂ ਨੂੰ ਪੰਜਾਬੀ ਲੋਕਧਾਰਾ ਦੇ ਰੈਪਰ ਵਾਲੀਆ ਕਾਪੀਆਂ ਵੰਡੀਆਂ ਗਈਆ । ਕਾਪੀਆਂ ਵੰਡਣ ਦੀ ਸ਼ੁਰੂਆਤ ਕੋਰੋਨਾ ਮਹਾਂਮਾਰੀ ਤੋਂ ਪਹਿਲਾ ਕਰਨੀ ਸੀ ਪਰ ਕੋਰੋਨਾ ਕਾਰਨ ਤੇ ਸਕੂਲ ਬੰਦ ਰਹਿਣ ਕਾਰਨ ਇਹ ਪ੍ਰੋਗਰਾਮ ਥੋੜਾ ਲੇਟ ਸ਼ੁਰੂ ਕਰਨਾ ਪਿਆ ।ਪੰਜਾਬੀ ਲੋਕਧਾਰਾ ਵੱਲੋਂ ਆਉਣ ਵਾਲੇ ਦਿਨਾਂ ‘ਚ ਹੋਰ ਸਕੂਲਾਂ ‘ਚ ਵੀ ਕਾਪੀਆਂ ਵੰਡੀਆਂ ਜਾਣਗੀਆਂ। ਸਭ ਪਹਿਲਾ ਮੁੱਖ ਪ੍ਰਬੰਧਕ ਗੁਰਸੇਵਕ ਸਿੰਘ ਧੌਲਾ, ਪ੍ਰਧਾਨ ਸੁਖਪਾਲ ਸਿੰਘ ਜੱਸਲ,ਗੁਰਪ੍ਰੀਤ ਸਿੰਘ ਕਾਹਨਕੇ, ਸਿਮਰਜੀਤ ਸਿੰਘ ਮਾਨ, ਅਵਤਾਰ ਸਿੰਘ ਚੀਮਾ, ਲਖਵੀਰ ਸਿੰਘ ਚੀਮਾ, ਬਲਦੇਵ ਭੱਠਲ, ਜਸਵਿੰਦਰ ਰਾਏ ਭੱਠਲ,ਯਸ਼ਪਾਲ ਸਿੰਗਲਾ, ,ਸਤਵੀਰ ਕੌਰ ਰੰਧਾਵਾ ਤੋਂ ਇਲਾਵਾ ਸਮੂਹ ਸਕੂਲ ਸਟਾਫ਼ ਵੱਲੋਂ ਸਾਂਝੇ ਤੌਰ ਤੇ ਪੰਜਾਬੀ ਲੋਕਧਾਰਾ ਦੇ ਰੈਪਰ ਵਾਲੀਆ ਕਾਪੀਆਂ ਨੂੰ ਲੋਕ ਅਰਪਣ ਕੀਤਾ ਗਿਆ ਤੇ ਉਸ ਤੋਂ ਬਾਅਦ ਬੱਚਿਆਂ ਨੂੰ ਕਾਪੀਆਂ ਵੰਡੀਆਂ ਗਈਆ। ਇਸ ਸਮੇਂ ਬਿੰਦੂ ਬਾਲਾ ਹੈੱਡ ਟੀਚਰ,ਰਾਜਿੰਦਰਪਾਲ ਕੌਰ,ਸਤਵੀਰ ਕੌਰ,ਅਨੂ ਪ੍ਰਿਆ,ਹਿਮਾਨੀ ਸ਼ਰਮਾਂ,ਹਰਜੀਤ ਕੌਰ,ਵੀਨਾ ਦੇਵੀ ਵੀ ਹਾਜਰ ਸਨ ।
