ਭਾਰਤ ਸਰਕਾਰ ਵੱਲੋਂ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘਾ ਖੋਲੇ ਜਾਣ ਤੇ ਭਾਜਪਾ ਨੇ ਵੰਡੇ ਲੱਡੂ
ਪ੍ਰਦੀਪ ਕਸਬਾ , ਸੰਗਰੂਰ , 16 ਨਵੰਬਰ 2021
ਲੰਮੇ ਸਮੇਂ ਦੀ ਉਡੀਕ ਤੋਂ ਬਾਅਦ ਉਸ ਸਮੇਂ ਸਮੂਹ ਨਾਨਕ ਨਾਮ ਲੇਵਾ ਸੰਗਤ ਅੰਦਰ ਖੁਸ਼ੀ ਦੀ ਲਹਿਰ ਦੌੜ ਗਈ ਜਦੋਂ ਭਾਰਤ ਸਰਕਾਰ ਦੁਆਰਾ ਇਕ ਵਾਰ ਫਿਰ ਤੋਂ ਲਾਂਘਾ ਖੋਲੇ ਜਾਣੇ ਦਾ ਐਲਾਨ ਕੀਤਾ ਗਿਆ, ਉਸੇ ਸਮੇਂ ਇਸ ਇਤਿਹਾਸਿਕ ਫੈਸਲੇ ਨੂੰ ਮੁੱਖ ਰਖਦੇ ਹੋਏ ਸੰਗਰੂਰ ਭਾਜਪਾ ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਰਣਦੀਪ ਸਿੰਘ ਦਿਓਲ ਦੀ ਅਗਵਾਈ ਵਿੱਚ ਲੱਡੂ ਵੰਡ ਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ ਗਿਆ।
ਇਸ ਮੌਕੇ ਤੇ ਮੌਜੂਦ ਸੰਗਰੂਰ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਰਣਦੀਪ ਸਿੰਘ ਦਿਉਲ ਅਤੇ ਜ਼ਿਲਾ ਜਰਨਲ ਸਕੱਤਰ ਪਰਦੀਪ ਗਰਗ ਨੇ ਕਿਹਾ ਕਿ ਪੰਜਾਬ ਭਾਜਪਾ ਦੇ ਪ੍ਰਧਾਨ ਸ਼੍ਰੀ ਅਸ਼ਵਨੀ ਸ਼ਰਮਾ ਜੀ ਦੇ ਉਪਰਾਲਿਆਂ ਸਦਕਾ ਕਰਤਾਰਪੁਰ ਸਾਹਿਬ ਦਾ ਲਾਂਗਾ ਇਕ ਵਾਰ ਫਿਰ ਤੋਂ ਖੁੱਲ੍ਹਿਆ ਹੈ ਓਹਨਾ ਕਿਹਾ ਕਿ ਅਸੀਂ ਧੰਨਵਾਦੀ ਹਾਂ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਜਿਨਾ ਸਮੂਹ ਸੰਗਤਾ ਦੀ ਦਿਲੀ ਕਾਮਨਾ ਨੂੰ ਦੇਖਦੇ ਹੋਏ ਇਹ ਇਤਿਹਾਸਿਕ ਫੈਸਲਾ ਲਿਆ ਹੈ, ਉਹਨਾਂ ਸੱਚੇ ਪਾਤਸ਼ਾਹ ਅੱਗੇ ਅਰਦਾਸ ਵੀ ਕੀਤੀ ਕਿ ਸਾਰੇ ਸੰਸਾਰ ਅੰਦਰ ਸੱਖ ਸ਼ਾਂਤੀ ਬਣੀ ਰਹੇ ਅਤੇ ਸੰਗਤਾਂ ਹੁੰਮ ਹੰਮਾ ਕੇ ਕਰਤਾਰਪੁਰ ਸਾਹਿਬ ਦਰਸ਼ਨਾਂ ਨੂੰ ਜਾਣ।
ਇਸ ਮੌਕੇ ਸਾਬਕਾ ਚੇਅਰਮੈਨ ਇੰਪਰੋਵੇਮੇਂਟ ਟਰੱਸਟ ਜੋਗੀ ਰਾਮ ਸਾਹਨੀ, ਸੂਬਾ ਕਾਰਜਕਾਰਨੀ ਮੈਂਬਰ ਸਤਵੰਤ ਪੂਨੀਆ,ਸਰਜੀਵਨ ਜਿੰਦਲ ,ਸੁਨੀਲ ਗੋਇਲ,ਬਰਜੇਸ਼ਵਰ ਗੋਇਲ,ਮਨਿੰਦਰ ਕਪਿਆਲ, ਕਮਲਜੀਤ ਗਰਗ,ਨੀਰੂ ਤੁਲੀ,ਲਕਸ਼ਮੀ ਦੇਵੀ,ਸੁਰੇਸ਼ ਬੇਦੀ,ਮੀਨਾ ਖੋਖਰ,ਸੁਰਜੀਤ ਸਿੰਘ ਰੰਧਾਵਾ,ਰੋਮੀ ਗੋਇਲ,ਨਿਰਭੈਅ ਸਿੰਘ,ਅੰਕੁਰ ਜਿੰਦਲ,ਚਰਨਜੀਤ ਲੱਕੀ ਵੀ ਮੌਜੂਦ ਸਨ
