ਕੇਵਲ ਢਿੱਲੋਂ ਦੇ ਯਤਨਾਂ ਨਾਲ ਜ਼ਿਲ੍ਹਾ ਬਰਨਾਲਾ ਦੀਆਂ ਸੜਕਾਂ ਲਈ ਕਰੋੜਾਂ ਰੁਪਏ ਰਾਸ਼ੀ ਜਾਰੀ – ਮੌੜ
ਗੁਰਸੇਵਕ ਸਿੰਘ ਸਹੋਤਾ, ਪਾਲੀ ਵਜੀਦਕੇ, ਮਹਿਲ ਕਲਾਂ 24 ਅਗਸਤ 2021
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਤੇ ਪੰਜਾਬ ਪ੍ਰਦੇਸ਼ ਕਾਂਗਰਸੀ ਦੇ ਸੀਨੀਅਰ ਆਗੂ ਅਤੇ ਜਿਲਾ ਬਰਨਾਲਾ ਦੇ ਵਿਕਾਸ ਪੁਰਸ਼ ਵਜੋਂ ਜਾਣੇ ਜਾਂਦੇ ਸ ਕੇਵਲ ਸਿੰਘ ਢਿੱਲੋਂ ਦੇ ਯਤਨਾਂ ਨਾਲ ਜ਼ਿਲ੍ਹਾ ਬਰਨਾਲਾ ਦੀਆਂ ਸਡ਼ਕਾਂ ਨੂੰ ਬਣਾਉਣ ਲਈ ਕਰੋੜਾਂ ਰੁਪਏ ਰਾਸ਼ੀ ਜਾਰੀ ਕੀਤੀ ਗਈ ਹੈ । ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ ਦੇ ਆਗੂ ਤੇ ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਤੋ ਟਿਕਟ ਦੇ ਦਾਅਵੇਦਾਰ ਤੇ ਕਾਂਗਰਸ ਸੇਵਾ ਦਲ (ਯੰਗ ਬ੍ਰਿਗੇਡ) ਦੇ ਜਿਲ੍ਹਾ ਪ੍ਰਧਾਨ ਗੁਰਮੇਲ ਸਿੰਘ ਮੌੜ ਸਾਡੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਬਰਨਾਲਾ ਅਤੇ ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਦੀਆਂ ਸਾਰੀਆਂ ਹੀ ਸੜਕਾਂ ਨੂੰ ਨਵਾਂ ਰੂਪ ਦਿੱਤਾ ਜਾ ਰਿਹਾ ਹੈ ।
ਉਨ੍ਹਾਂ ਨੇ ਦੱਸਿਆ ਕਿ ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਅਧੀਨ ਆਉਂਦੇ ਪਿੰਡ ਛੀਨੀਵਾਲ ਖੁਰਦ ਤੋਂ ਦੀਵਾਨਾ , ਸਹਿਜੜਾ ਤੋਂ ਚੁਹਾਣਕੇ ਖੁਰਦ ,ਲੋਹਗੜ੍ਹ ਤੋਂ ਬਰਨਾਲਾ ਰਾਏਕੋਟ ਰੋਡ ਤੋਂ ਵਜੀਦਕੇ ਕਲਾਂ, ਫਿਰਨੀ ਛੀਨੀਵਾਲ ਕਲਾਂ ਸਹੌਰ ਤੋਂ ਮਹਿਲ ਕਲਾਂ ,ਮਹਿਲ ਖੁਰਦ ਤੋਂ ਖਿਆਲੀ ਮਹਿਲ ਕਲਾਂ ਰੋਡ, ਨਿਹਾਲੂਵਾਲ ਤੋਂ ਗੰਗੋਹਰ ਫਿਰਨੀ ਧਨੇਰ ਛਾਪੇ ਤੋਂ ਮਿੱਠੇਵਾਲ ਲੋਹਗੜ੍ਹ ਤੋਂ ਮੂੰਮ ਛੀਨੀਵਾਲ ਤੋਂ ਜੰਡਸਰ, ਸਹੌਰ ਤੋਂ ਹਮੀਦੀ, ਰਾਏਸਰ ਤੋਂ ਕਲਾਲਾ, ਗਹਿਲਾ ਤੋਂ ਛੀਨੀਵਾਲ ਕਲਾਂ ਹਮੀਦੀ ਤੋਂ ਅਮਲਾ ਸਿੰਘ ਵਾਲਾ ,ਫਿਰਨੀ ਮਹਿਲ ਖੁਰਦ, ਛੀਨੀਵਾਲ ਖੁਰਦ ਅੰਦਰਲੀ ਸੜਕ ,ਵਜੀਦਕੇ ਕਲਾਂ ਤੋਂ ਵਜੀਦਕੇ ਖੁਰਦ ,
ਸਹਿਜੜਾ ਦੀ ਫਿਰਨੀ ਅਤੇ ਪਿੰਡ ਮਾਂਗੇਵਾਲ ਦੀ ਫਿਰਨੀ ਦੀ ਸੜਕਾਂ ਦੀ ਕਾਇਆ ਕਲਪ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਦੱਸਿਆ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਕਾਂਗਰਸ ਪਾਰਟੀ ਦੇ ਸੀਨੀਅਰ ਆਗੂ ਕੇਵਲ ਸਿੰਘ ਢਿੱਲੋਂ ਦੇ ਯਤਨ ਸਦਕਾ ਪਿੰਡਾਂ ਦੇ ਵਿਕਾਸ ਕਾਰਜਾਂ ਲਈ ਪੰਚਾਇਤਾਂ ਨੂੰ ਫੰਡ ਮੁਹੱਈਆ ਕਰਵਾਏ ਜਾਣਗੇ। ਉਨ੍ਹਾਂ ਨੇ ਦੱਸਿਆ ਕਿ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਕਾਂਗਰਸ ਪਾਰਟੀ ਦੇ ਸੀਨੀਅਰ ਆਗੂ ਕੇਵਲ ਸਿੰਘ ਢਿੱਲੋਂ ਦੀ ਅਗਵਾਈ ਵਜਿਲਾ ਬਰਨਾਲਾ ਦੀਆ ਤਿੰਨੇ ਵਿਧਾਨ ਸਭਾ ਸੀਟਾਂ ਤੇ ਜਿੱਤ ਪ੍ਰਾਪਤ ਕਰੇਗੀ।
