ਪੁਲਸ ਨੇ ਦੋਸ਼ੀਆਂ ਤੇ ਮੁਕੱਦਮੇ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ
ਬਲਵਿੰਦਰਪਾਲ, ਪਟਿਆਲਾ 8 ਜੁਲਾਈ 2021
ਨਿੱਤ ਦਿਨ ਲੁੱਟ ਖੋਹ ਦੀਆਂ ਵਾਰਦਾਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ, ਇਸੇ ਤਰ੍ਹਾਂ ਹੀ ਪਟਿਆਲਾ ਸਮਾਣਾ ਰੋਡ ਤੇ ਬਾਈਪਾਸ ਪਟਿਆਲਾ ਤੇ ਜਾ ਰਹੇ ਇਕ ਵਿਆਕਤੀ ਕੋਲੋਂ ਬੰਦੂਕ ਦੀ ਨੋਕ ਤੇ ਸਕਾਰਪੀਓ ਗੱਡੀ ਖੋਹਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਆਪਣੇ ਦਰਜ ਬਿਆਨਾਂ ਵਿਚ ਬਲਜਿੰਦਰ ਸਿੰਘ ਪੁੱਤਰ ਰਾਮ ਸਿੰਘ ਵਾਸੀ ਪਿੰਡ ਡੂਡੀਆ ਥਾਣਾ ਮੂਨਕ ਜ਼ਿਲ੍ਹਾ ਸੰਗਰੂਰ ਨੇ ਦੱਸਿਆ ਕਿ ਉਹ ਆਪਣੀ ਡਿਊਟੀ ਤੋਂ ਬਾਅਦ ਆਪਣੀ ਗੱਡੀ ਸਕਾਰਪੀਓ ਨੰਬਰੀ PB-13-BC-1300 ਤੇ ਆਪਣੀ ਦੋਸਤ ਰਮਨ ਤੇ ਸਿਮਰਨ ਨਾਲ ਸਵਾਰ ਹੋ ਕੇ ਪਟਿਆਲਾ ਸਮਾਣਾ ਰੋਡ ਤੇ ਬਾਈਪਾਸ ਪਟਿਆਲਾ ਤੇ ਜਾ ਰਹੇ ਸੀ।
ਜਿੱਥੇ ਕਿ ਪਿੰਡ ਸ਼ੇਰਮਾਜਰਾ ਕੋਲ ਉਨ੍ਹਾਂ ਨੇ ਬਾਥਰੂਮ ਕਰਨ ਲਈ ਆਪਣੀ ਕਾਰ ਰੋਕੀ ਤਾਂ ਉਨ੍ਹਾਂ ਦੇ ਪਿੱਛੇ ਆ ਰਹੀ ਵਰਨਾ ਕਾਰ ਵਿੱਚ ਚਾਰ ਸਵਾਰ ਵਿਅਕਤੀਆਂ ਨੇ ਉਨ੍ਹਾਂ ਦੀ ਸਕਾਰਪੀਓ ਕਾਰ ਅੱਗੇ ਆਪਣੀ ਕਾਰ ਲਾ ਦਿੱਤੀ , ਕਾਰ ਵਿਚੋਂ ਤਿੰਨ ਵਿਅਕਤੀ ਨਿਕਲੇ ਅਤੇ ਚੌਥਾ ਵਿਅਕਤੀ ਕਾਰ ਵਿੱਚ ਹੀ ਰਿਹਾ, ਜੋ ਇੱਕ ਆਦਮੀ ਨੇ ਆਪਣੀ ਪਿਸਟਲ ਕੱਢ ਕੇ ਮੁਦਈ ਦੇ ਸਿਰ ਤੇ ਰੱਖੀ ਰੱਖ ਦਿੱਤੀ ਅਤੇ ਕਾਰ ਦੀ ਚਾਬੀ ਮੰਗਣ ਲੱਗਾ, ਜਦੋਂ ਚਾਬੀ ਲੈ ਕੇ ਉਹ ਵਿਅਕਤੀ ਗੱਡੀ ਵਿੱਚ ਬੈਠ ਗਿਆ ਤਾਂ ਮੁਦਈ ਨੇ ਚਾਬੀ ਖੋਹਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਵਿਅਕਤੀ ਨੇ ਜ਼ਮੀਨ ਤੇ ਫਾਇਰ ਕੀਤਾ ਅਤੇ ਦੂਸਰੇ ਦੋਵਾਂ ਵਿਅਕਤੀਆਂ ਨੇ ਮੁਦਈ ਦੇ ਬੇਸਬਾਲ ਮਾਰ ਕੇ ਗੱਡੀ ਖੋਹ ਕੇ ਅਰਬਨ ਅਸਟੇਟ ਪਟਿਆਲਾ ਵੱਲ ਭਜਾ ਕੇ ਲੈ ਗਏ । ਪੁਲਸ ਨੇ ਦੋਸ਼ੀਆਂ ਤੇ 392,34 IPC & 25/54/59 ARMS AC ਤਹਿਤ ਮੁਕੱਦਮੇ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।
