ਵ੍ਹੱਟਸਐਪ ‘ਤੇ ਫੋਨ ਕਰਕੇ ਕਹਿੰਦਾ 10 ਲੱਖ ਰੁਪਏ ਦੇਵੋ ਨਹੀਂ ਤਾਂ ਮੈਂ ਤੁਹਾਡੇ ਪਰਿਵਾਰ ਦਾ ਕਰ ਦੇਵਾਂਗਾ ਇਹ ਹਾਲ !
ਪਰਦੀਪ ਕਸਬਾ, ਬਰਨਾਲਾ , 1 ਜੁਲਾਈ 2021
ਬਰਨਾਲਾ ਸ਼ਹਿਰ ਵਿਚ ਵ੍ਹੱਟਸਐਪ ਐਪ ਤੇ ਫੋਨ ਕਰ ਕੇ ਦੱਸ ਲੱਖ ਰੁਪਏ ਦੀ ਫਿਰੌਤੀ ਮੰਗਣ ਦਾ ਇਕ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਥਾਣਾ ਸਿਟੀ ਬਰਨਾਲਾ ਵਿੱਚ ਰਾਜੀਵ ਕੁਮਾਰ ਪੁੱਤਰ ਸਤਪਾਲ ਸਿੰਘ ਨਿਵਾਸੀ ਸਾਹਮਣੇ ਨਿਊ ਬੱਸ ਸਟੈਂਡ ਪੰਜਾਬ ਟੈਲੀਕੌਮ ਬਰਨਾਲਾ ਨੇ ਆਪਣੇ ਦਰਜ ਬਿਆਨਾਂ ਵਿਚ ਦੱਸਿਆ ਕਿ ਇਕ ਅਣਪਛਾਤੇ ਵਿਅਕਤੀ ਵੱਲੋਂ ਵ੍ਹੱਟਸਐਪ ਫੋਨ ਕਾਲ ਰਾਹੀਂ ਲਗਾਤਾਰ ਧਮਕੀਆਂ ਦੇ ਕੇ ਦੱਸ ਲੱਖ ਰੁਪਏ ਦੀ ਮੰਗ ਕੀਤੀ ਜਾ ਰਹੀ ਹੈ ।
ਹੋਰ ਵਧੇਰੇ ਜਾਣਕਾਰੀ ਦਿੰਦਿਆਂ ਰਾਜੀਵ ਕੁਮਾਰ ਨੇ ਦੱਸਿਆ ਕਿ ਜਦੋਂ ਉਹ ਸਵੇਰੇ ਦੱਸ ਕੁ ਵਜੇ ਉਸ ਨੂੰ ਇਕ ਅਣਪਛਾਤੇ ਨੰਬਰ ਤੇ ਵ੍ਹੱਟਸਐਪ ਕਾਲ ਆ ਰਹੀਆਂ ਸਨ ਜੋ ਕਿ ਉਕਤ ਨਾਮਲੂਮ ਵਿਅਕਤੀ ਧਮਕੀਆਂ ਦਿੰਦਾ ਹੈ ਉਸ ਨੇ ਦੱਸਿਆ ਕਿ ਮੈਨੂੰ ਦੱਸ ਲੱਖ ਰੁਪਏ ਦੇਵੋ ਨਹੀਂ ਤਾਂ ਮੈਂ ਤੇਰੀ ਫੈਮਿਲੀ ਦਾ ਨੁਕਸਾਨ ਕਰਾਂਗਾ । 
ਰਾਜੀਵ ਕੁਮਾਰ ਨੇ ਦੱਸਿਆ ਕਿ ਅਜਿਹੀ ਮੰਗ ਸੁਣ ਕੇ ਮੈਂ ਬਹੁਤ ਪ੍ਰੇਸ਼ਾਨ ਹੋ ਗਿਆ ਅਤੇ ਉਸ ਦਾ ਨੰਬਰ ਮੈਂ ਬਲਾਕ ਲਿਸਟ ਵਿੱਚ ਪਾ ਦਿੱਤਾ ਤਾਂ ਉਸ ਅਣਪਛਾਤੇ ਵਿਅਕਤੀ ਨੇ ਨੰਬਰ ਬਦਲ ਕੇ ਫੇਰ ਵਾਟਸਐਪ ਨੰਬਰ ਤੋਂ ਫੋਨ ਕਰਦਾ ਹੈ ਅਤੇ ਮੁੜ ਧਮਕੀਆਂ ਦਿੰਦਾ ਹੈ । ਰਾਜੀਵ ਕੁਮਾਰ ਨੇ ਦੱਸਿਆ ਕਿ ਮੈਨੂੰ ਡਰ ਹੈ ਕਿ ਉਕਤ ਵਿਅਕਤੀ ਮੇਰੇ ਪਰਿਵਾਰ ਨੂੰ ਕੋਈ ਨੁਕਸਾਨ ਪਹੁੰਚਾ ਸਕਦਾ ਹੈ ਥਾਣਾ ਸਿਟੀ ਬਰਨਾਲਾ ਪੁਲਸ ਦੇ ਸਹਾਇਕ ਥਾਣੇਦਾਰ ਕਰਮਜੀਤ ਸਿੰਘ ਨੇ ਦੱਸਿਆ ਕਿ ਰਾਜੀਵ ਕੁਮਾਰ ਦੇ ਬਿਆਨਾਂ ਦੇ ਆਧਾਰ ਤੇ ਅਣਪਛਾਤੇ ਵਿਅਕਤੀ ਉੱਤੇ ਮੁਕੱਦਮਾ ਦਰਜ ਕਰਕੇ ਉਸਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ ।
