ਨਹਿਰ ਕੰਢਿਉਂ ਖੜ੍ਹਾ ਮਿਲਿਆ ਮੋਟਰ ਸਾਈਕਲ ਤੇ ਚੱਪਲਾਂ
ਐਮ ਤਾਬਿਸ਼ , ਧਨੌਲਾ 29 ਜੂਨ 2021
ਬਰਨਾਲਾ-ਸੰਗਰੂਰ ਮੁੱਖ ਸੜ੍ਹਕ ਤੇ ਪੈਂਦੀ ਹਰੀਗੜ੍ਹ ਨਹਿਰ ‘ਚ ਇੱਕ ਨੌਜਵਾਨ ਨੇ ਆਤਮ ਹੱਤਿਆ ਕਰਨ ਨਹੀ ਛਾਲ ਮਾਰ ਦਿੱਤੀ। ਨੌਜਵਾਨ ਦੇ ਨਹਿਰ ਵਿੱਚ ਕੁੱਦ ਜਾਣ ਦਾ ਪਤਾ ਨੇੜਿਉਂ ਲੰਘਦੇ ਲੋਕਾਂ ਨੂੰ ਨਹਿਰ ਦੇ ਪੁਲ ਤੇ ਖੜ੍ਹੇ ਲਾਵਾਰਿਸ ਮੋਟਰ ਸਾਈਕਲ ਅਤੇ ਨੌਜਵਾਨ ਦੀਆਂ ਚੱਪਲਾਂ ਤੋਂ ਲੱਗਿਆ। ਸੂਚਨਾ ਮਿਲਦੇ ਹੀ ਥਾਣਾ ਧਨੌਲਾ ਦੀ ਪੁਲਿਸ ਮੌਕੇ ਤੇ ਪਹੁੰਚ ਗਈ। ਜਿਨ੍ਹਾਂ ਨੌਜਵਾਨ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ। ਨਹਿਰ ਵਿੱਚ ਕੁੱਦ ਜਾਣ ਵਾਲੇ ਨੌਜਵਾਨ ਦੀ ਪਹਿਚਾਣ ਪਰਮਜੀਤ ਸਿੰਘ ਪੁੱਤਰ ਹਰਨੇਕ ਸਿੰਘ ਵਾਸੀ ਹੰਡਿਆਇਆ ਰੋਡ ਬਰਨਾਲਾ ਦੇ ਤੌਰ ਤੇ ਹੋਈ ਹੈ। ਨਹਿਰ ਦੇ ਪੁਲ ਤੋਂ ਮਿਲੇ ਮੋਟਰਸਾਈਕਲ ਦਾ ਲੰਬਰ ਪੀਬੀ-19 ਆਰ-1477 ਹੈ। ਪਰੰਤੂ ਨੌਜਵਾਨ ਵੱਲੋਂ ਆਤਮਹੱਤਿਆ ਦੀ ਕੋਸ਼ਿਸ਼ ਕਰਨ ਦੇ ਕਾਰਣਾਂ ਦਾ ਹਾਲੇ ਤੱਕ ਕੋਈ ਪਤਾ ਨਹੀਂ ਲੱਗਿਆ। 
