ਬਹੁਤ ਅਫਸੋਸ ਨਾਲ ਲਿਖਣਾ ਪੈ ਰਿਹਾ ਹੈ ਕਿ ਲੋਕਾਂ ਦੇ ਆਗੂ ਸੰਘਰਸ਼ ਯੋਧੇ ਸਾਥੀ ਸੁਖਦੇਵ ਸਿੰਘ ਬੜੀ ਸਾਡੇ ਵਿਚਕਾਰ ਨਹੀਂ ਰਹੇ
ਪਰਦੀਪ ਕਸਬਾ , ਬਰਨਾਲਾ , 5 ਜੂਨ 2021
ਗੁਰਬਿੰਦਰ ਸਿੰਘ ਕਨਵੀਨਰ ਐਕਸ਼ਨ ਕਮੇਟੀ ਮਹਿਲਕਲਾਂ ਨੇ ਦੱਸਿਆ ਕਿ ਬੜੇ ਦੁੱਖ ਨਾਲ ਦੱਸਣਾ ਪੈ ਰਿਹਾ ਕਿ ਰਿਹਾ ਹੈ ਕਿ ਲੋਕ ਘੋਲਾਂ ਦੇ ਮੋਹਰੀ ਅਤੇ ਗ਼ਰੀਬਾਂ ਦੇ ਹੱਕਾਂ ਲਈ ਲੜਨ ਵਾਲੇ ਕਾਮਰੇਡ ਸੁਖਦੇਵ ਸਿੰਘ ਬਡ਼ੀ ਇਸ ਦੁਨੀਆਂ ਵਿੱਚ ਨਹੀਂ ਰਹੇ ।
ਸ਼ਹੀਦ ਕਿਰਨਜੀਤ ਕੌਰ ਕਤਲ ਕਾਂਡ ਵਿਰੋਧੀ ਮਹਿਲਕਲਾਂ ਸਾਥੀ ਬੜੀ ਹੋਰਾਂ ਦੇ ਬੇਵਕਤੀ ਸਰੀਰਕ ਵਿਛੋੜੇ ਮੌਕੇ ਉਹਨਾਂ ਨੂੰ ਸ਼ਰਧਾ ਦੇ ਫੁੱਲ ਅਰਪਿਤ ਕਰਦੀ ਹੈ। ਅਜਿਹੇ ਮੌਕੇ ਮੋਦੀ ਹਕੂਮਤ ਦੇ ਫਿਰਕੂ ਫਾਸ਼ੀ ਹੱਲੇ ਖਿਲਾਫ਼ ਮੁਲਕ ਪੱਧਰ’ਤੇ ਕਿਸਾਨ ਅੰਦੋਲਨ ਸਿਖਰਾਂ ਛੋਹ ਰਿਹਾ ਹੈ ਤਾਂ ਅਜਿਹੇ ਸਿਦਕਵਾਨ ਆਗੂ ਦੀ ਵੱਡੀ ਲੋੜ ਸੀ। 
ਸਾਥੀ ਬੜੀ ਹੋਰਾਂ ਦੇ ਬੇਵਕਤੀ ਵਿਛੋੜੇ ਕਾਰਨ ਪਰੀਵਾਰ ਸਮੇਤ ਸਮਾਜ ਨੂੰ ਵੱਡਾ ਘਾਟਾ ਪਿਆ ਹੈ। ਅਸੀਂ ਐਕਸ਼ਨ ਕਮੇਟੀ ਮਹਿਲਕਲਾਂ ਵੱਲੋਂ ਪਰੀਵਾਰ ਦੇ ਦੁੱਖ’ ਚ ਸ਼ਰੀਕਾਂ ਹੁੰਦੇ ਹੋਏ ਦਿਲੀ ਹਮਦਰਦੀ ਦਾ ਪ੍ਗਟਾਵਾ ਕਰਦੇ ਹਾਂ।
ਦੁੱਖ ਦਾ ਪ੍ਗਟਾਵਾ ਕਰਨ ਵਾਲੇ ਸਾਥੀਆਂ ਵਿੱਚ ਮਨਜੀਤ ਧਨੇਰ, ਗੁਰਮੀਤ ਸੁਖਪੁਰਾ, ਹਰਚਰਨ ਚੰਨਾ, ਪਰੇਮ ਕੁਮਾਰ, ਜਰਨੈਲ ਚੰਨਣਵਾਲ, ਕੁਲਵੰਤ ਰਾਏ, ਅਮਰਜੀਤ ਕੁੱਕੂ, ਮਾ ਦਰਸ਼ਨ ਸਿੰਘ, ਪਰੀਤਮ ਦਰਦੀ ਆਦਿ ਸ਼ਾਮਿਲ ਸਨ।
