ਸਰਕਾਰੀ ਸਕੂਲਾਂ ਵਿੱਚ ਬੱਚਿਆਂ ਨੂੰ ਦਾਖ਼ਲ ਕਰਵਾਉਣ ਲਈ ਪਿੰਡ-ਪਿੰਡ ਜਾ ਕੇ ਕੀਤਾ ਜਾ ਰਿਹਾ ਹੈ ਪੇ੍ਰਿਤ
ਰਘੁਵੀਰ ਹੈਪੀ, ਬਰਨਾਲਾ 26 ਅਪ੍ਰੈਲ 2021
ਜਿਲਾ ਬਰਨਾਲਾ ਅੰਦਰ ਸਰਕਾਰੀ ਸਕੂਲਾਂ ਲਈ ਦਾਖ਼ਲਾ ਵਧਾਉ ਮੁਹਿੰਮ ਪੂਰੇ ਜ਼ੋਰਾਂ-ਸ਼ੋਰਾਂ ਨਾਲ ਚੱਲ ਰਹੀ ਹੈ। ਇਸ ਕੜੀ ਤਹਿਤ ਮਿਤੀ 26/04/2021 ਨੂੰ ਸਰਕਾਰੀ ਸਕੂਲਾਂ ਵਿੱਚ ਬੱਚਿਆਂ ਨੂੰ ਦਾਖ਼ਲ ਕਰਵਾਉਣ ਲਈ ਪਿੰਡ-ਪਿੰਡ ਜਾ ਕੇ ਪੇ੍ਰਿਤ ਕੀਤਾ ਗਿਆ ,ਜਿਸਦੇ ਸਿੱਟੇ ਵਜੋਂ 40-50 ਬੱਚੇ ਅੱਜ ਸਰਕਾਰੀ ਸਕੂਲਾਂ ਵਿੱਚ ਦਾਖ਼ਲ ਕੀਤੇ ਗਏ।
ਬਲਾਕ ਸ਼ਹਿਣਾ ਦੀ ਇਸ ਦਾਖ਼ਲਾ ਵਧਾਉ ਮੁਹਿੰਮ ਤਹਿਤ ਅੱਜ ਭਰਤ ਕੁਮਾਰ ਸ਼ਹਿਣਾ, ਹਾਕਮ ਸਿੰਘ ਮੌੜਾਂ, ਸੁਖਵਿੰਦਰ ਸਿੰਘ ਜੋਧਪੁਰ ਅਤੇ ਅਸ਼ੋਕ ਸ਼ਰਮਾ ਜੋਧਪੁਰ ਨੇ ਪਿੰਡ ਜੋਧਪੁਰ, ਉਗੋਕੇ, ਸੰਤਪੁਰਾ, ਮੌੜਾਂ ਅਤੇ ਢਿੱਲਵਾਂ ਦਾ ਦੌਰਾ ਕੀਤਾ। ਸਰਕਾਰੀ ਸਕੂਲਾਂ ਵਿੱਚ ਦਾਖਲੇ ਨੂੰ ਵਧਾਉਣ ਪ੍ਤੀ ਅਧਿਆਪਕ ਬਹੁਤ ਮਿਹਨਤ ਕਰ ਰਹੇ ਹਨ ਜਿਸ ਨਾਲ ਲੋਕਾਂ ਦਾ ਸਰਕਾਰੀ ਸਕੂਲਾਂ ਪ੍ਤੀ ਰੁਝਾਨ ਵੀ ਵੱਧ ਰਿਹਾ ਹੈ।
