ਐਸ.ਆਈ. ਗੁਰਮੇਲ ਸਿੰਘ ਨੂੰ ਭੇਜਿਆ ਪੁਲਿਸ ਲਾਈਨ
ਹਰਿੰਦਰ ਨਿੱਕਾ , ਬਰਨਾਲਾ 25 ਮਾਰਚ 2021
ਜਿਲ੍ਹਾ ਪੁਲਿਸ ਮੁਖੀ ਸੰਦੀਪ ਗੋਇਲ ਨੇ ਪ੍ਰਬੰਧਕੀ ਅਧਾਰ ਤੇ ਥਾਣਾ ਸਿਟੀ 2 ਦੇ ਐਸ ਐਚ ਉ ,ਐਸ ਆਈ ਗੁਰਮੇਲ ਸਿੰਘ ਨੂੰ ਪੁਲਿਸ ਲਾਈਨ ਬਦਲ ਦਿੱਤਾ ਹੈ। ਜਦੋਂਕਿ ਕਿ ਉਨ੍ਹਾਂ ਦੀ ਥਾਂ ਤੇ ਪੁਲਿਸ ਲਾਈਨ ਬਰਨਾਲਾ ਤੋਂ ਐਸ ਆਈ ਜਸਕਰਨ ਸਿੰਘ ਨੂੰ ਥਾਣਾ ਸਿਟੀ 2 ਦਾ ਐਸ ਐਚ ਉ ਲਾਇਆ ਗਿਆ ਹੈ। ਇਹ ਹੁਕਮ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਗਏ ਹਨ। ਜਿਕਰਯੋਗ ਹੈ ਕਿ ਐਸ ਆਈ ਗੁਰਮੇਲ ਸਿੰਘ ਨੂੰ ਜਿਲ੍ਹਾ ਪੁਲਿਸ ਮੁਖੀ ਸੰਦੀਪ ਗੋਇਲ ਦੇ ਅਤਿ ਨੇੜਲਿਆਂ ਵਿੱਚ ਸ਼ਾਮਿਲ ਮੰਨਿਆ ਜਾਂਦਾ ਰਿਹਾ ਹੈ। ਉੱਧਰ ਐਸ ਆਈ ਜਸਕਰਨ ਸਿੰਘ ਬਠਿੰਡਾ ਜਿਲ੍ਹੇ ਤੋਂ ਬਰਨਾਲਾ ਆਏ ਹਨ। 
ਐਸ ਆਈ ਗੁਰਮੇਲ ਸਿੰਘ ਨੂੰ ਅਚਾਨਕ ਹੀ ਐਸ ਐਚ ਉ ਦੇ ਅਹੁਦੇ ਤੋਂ ਲਾਂਭੇ ਕਰਕੇ ਪੁਲਿਸ ਲਾਈਨ ਭੇਜ ਦੇ ਨਾਲ ਕਈ ਤਰ੍ਹਾਂ ਦੀਆਂ ਚਰਚਾਵਾਂ ਦਾ ਬਜਾਰ ਗਰਮ ਹੈ। ਬਦਲੀ ਦਾ ਕਾਰਨ ਭਾਵੇਂ ਕੋਈ ਵੀ ਹੋਵੇ , ਪਰੰਤੂ ਐਸ ਐਚ ਉ ਗੁਰਮੇਲ ਸਿੰਘ ਦੇ ਕਾਰਜਕਾਲ ਦੌਰਾਨ ਲੋਕਾਂ ਦੇ ਆਰਥਿਕ ਸਹਿਯੋਗ ਨਾਲ ਥਾਣੇ ਦੀ ਬਿਲਡਿੰਗ ਦੀ ਬਦਲੀ ਗਈ ਨੁਹਾਰ ਵੀ ਕਾਫੀ ਸਰਾਹਨਾ ਹੋ ਰਹੀ ਹੈ। 
