ਪਤਨੀ ਨੇ ਫੜਾਇਆ ਪ੍ਰੇਮਿਕਾ ਨਾਲ ਰਹਿ ਰਿਹਾ ਪਤੀ
ਹਰਿੰਦਰ ਨਿੱਕਾ ,ਬਰਨਾਲਾ 11 ਮਾਰਚ 2021
ਸ਼ਿਵ ਵਾਟਿਕਾ ਕਲੋਨੀ ਵਿੱਚ ਆਪਣੀ ਪ੍ਰਮਿਕਾ ਨਾਲ ਕਿਰਾਏ ਤੇ ਰਹਿੰੰਦੇ ਵਿਅਕਤੀ ਨੂੰ ਉਸਦੀ ਪਤਨੀ ਨੇ ਹੀ ਹੋਰਨਾਂ ਲੋਕਾਂ ਦੀ ਮੱਦਦ ਨਾਲ ਫੜ੍ਹ ਲਿਆ। ਪਤਨੀ ਨੇ ਆਪਣੇ ਬੇਵਫਾ ਪਤੀ ਅਤੇ ਉਸ ਦੀ ਪ੍ਰੇਮਿਕਾ ਦੀ ਛਿੱਤਰ ਪਰੇਡ ਵੀ ਕੀਤੀ। ਇਹ ਹੰਗਾਮਾ ਕਾਫੀ ਦੇਰ ਚਲਦਾ ਰਿਹਾ। ਇਲਾਕੇ ਦੇ ਬਾਸਿੰਦਿਆਂ ਅਨੁਸਾਰ ਨੇੜਿਓਂ ਲੰਘ ਰਹੀ ਹਿਜੜੇ ਮਹੰਤਾਂ ਦੀ ਗੱਡੀ ਪ੍ਰੇਮੀ ਜੋੜੇ ਲਈ ਵਰਦਾਨ ਬਣ ਗਈ। ਜਿਸ ਵਿੱਚ ਬਿਠਾ ਕੇ ਲੋਕਾਂ ਨੇ ਪ੍ਰੇਮੀ ਜੋੜੇ ਨੂੰ ਛਿੱਤਰ ਪਰੇਡ ਤੋਂ ਬਚਾ ਕੇ ਥਾਣੇ ਵੱਲ ਭੇਜ ਦਿੱਤਾ। 
ਵੱਡਾ ਜਿਮੀਦਾਰ ਪ੍ਰੇਮਿਕਾ ਲਈ ਬਣਿਆ ਕਿਰਾਏਦਾਰ
ਕਰੀਬ 7/8 ਏਕੜ ਜਮੀਨ ਦੇ ਮਾਲਿਕ ਜਿਮੀਂਦਾਰ ਦੀ ਛਾਪਾ ਮਾਰਨ ਵਾਲੀ ਪਤਨੀ ਨੇ ਮੌਕੇ ਤੇ ਇਕੱਠੇ ਹੋਏ ਲੋਕਾਂ ਨੂੰ ਦੱਸਿਆ ਕਿ ਉਸ ਦਾ ਐਨ.ਆਰ.ਆਈ ਪਤੀ ਵੱਡਾ ਜਿਮੀਂਦਾਰ ਹੈ,ਉਸ ਕੋਲ 7/8 ਕਿੱਲੇ ਜਮੀਨ ਤੇ ਚੰਗਾ ਘਰਬਾਰ ਪਰਿਵਾਰ ਹੈ। ਪਰੰਤੂ ਹੁਣ ਕੁਝ ਸਮੇਂ ਤੋਂ ਉਹ ਘਰਬਾਰ ਛੱਡ ਕੇ ਆਪਣੀ ਪ੍ਰੇਮਿਕਾ ਨਾਲ ਸ਼ਿਵ ਵਾਟਿਕਾ ਕਲੋਨੀ ਵਿੱਚ ਆ ਕੇ ਕਿਰਾਏ ਦੀ ਕੋਠੀ ਵਿੱਚ ਰਹਿਣ ਲੱਗ ਪਿਆ। ਉਸ ਨੇ ਦੋਸ਼ ਲਾਇਆ ਕਿ ਉਸ ਦਾ ਪਤੀ ਹੁਣ ਬਿਨਾਂ ਤਲਾਕ ਲਏ ਹੀ ਦੂਜਾ ਵਿਆਹ ਕਰਵਾਉਣ ਦੀ ਫਿਰਾਕ ਵਿੱਚ ਸੀ। ਪੁਲਿਸ ਦਾ ਪੱਖ ਜਾਣਨ ਲਈ ਥਾਣਾ ਸਿਟੀ 1 ਬਰਨਾਲਾ ਦੇ ਐਸ ਐਚ ਉ ਲਖਵਿੰਦਰ ਸਿੰਘ ਨਾਲ ਫੋਨ ਤੇ ਸੰਪਰਕ ਕੀਤਾ, ਉਨ੍ਹਾਂ ਦੱਸਿਆ ਕਿ ਫਿਲਹਾਲ ਅਜਿਹਾ ਕੋਈ ਮਾਮਲਾ ਕਿਸੇ ਧਿਰ ਵੱਲੋਂ ਵੀ ਉਨ੍ਹਾਂ ਦੇ ਧਿਆਨ ਵਿੱਚ ਨਹੀਂ ਲਿਆਂਦਾ ਗਿਆ । ਜਦੋਂ ਕੋਈ ਸ਼ਕਾਇਤ ਥਾਣੇ ਪਹੁੰਚੇਗੀ, ਉਸ ਮੁਤਾਬਿਕ ਹੀ ਕੋਈ ਅਗਲੀ ਕਾਨੂੰਨੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ। ਹੁਣ ਲੋਕਾਂ ਦਾ ਧਿਆਨ ਪੁਲਿਸ ਦੀ ਸੰਭਾਵੀ ਕਾਰਵਾਈ ਤੇ ਟਿਕਿਆ ਹੋਇਆ ਹੈ।
